رواية حكايتي مع صهيب كاملة الفصول بقلم منى عبدالعزيز
اقعدي برحتك.
خرج صهيب وصل عند الباب وقف ورد لغصن وقف قدمها وبعصبية لما شافك كنت لبسة ايه.
غصن رفعت صبعها والله العظيم
مكنت اعرف انه برة لبست جلبيه وطرحه وطلعت اشرب شفته صړخت ودخلت الأوضة وملحقش يشفني.
صهيب ابتسم وطبطب على كتفها خلاص مصدقك يرفع ايده يمسح دموعها يلا قومي كلي.
ومشي ناحية باب الأوضة لتوقفه غصن وانت.
صهيب اتلفت ليها وانا ايه.
غصن
قربت منه اخدت علبة السجاير من ايده انت مكلتش نازل شرب في البتاعة دى ومحطتش حاجه في جوفك.
صهيب قلبه دق قرب منها وايه عرفك اني مااكلتش.
اصلي من امبارح بليل وانت نازل شرب سجاير وقمت من النوم بردة تشرب فيها على ريق النوم وطلعت ورجعت من غير ما تاكل حاجه تقوتك.
صهيب قرب منها وقلبه بيدق انت مركزه معايا بقي.
غصن بحرج مشيت من قدامه هتاكل ولا لاء.
صهيب بص لعنيها بانا هخرج لسليم لو فضلت ثانية كمان مش هخرج خالص.
خرج لسليم اللي اول ما شافه صهيب مين اللي جوه دى انت جايب وحده من اياهم هنا المزرعة مش خاېف من عمك.
صهيب وطي صوتك ياغبي واللي جوه دى تبقي مراتي وانت بنفسك قلت الفطار فطار عرايس.
سليم نعم مراتك طيب ازاي وامته وليه معرفتنيش.
صهيب استناني هنا هدخل أخد شور سريع مش طايق اقعد بالهدوم دى دقيقه كمان وهفهمك كل حاجه.
سليم متتاخرش وابق جيب صنيه الاكل معاك وانت جاي.
دخل صهيب لقي غصن قاعده وقفت اول ما دخل قرب منها بص للأكل وليها مأكلتيش ليه.
غصنها أبدا بس قلت استناك.
صهيب انا فعلا جعان بس مش أكل.
غصن بعدم فهم هو في جوع مش للأكل.
صهيب قرب منها ايوه فيه بس للأسف مش هينفع اعرف هولك دلوقتي انا داخل اخد شاور طلعيلي هدوم من الشنط دى على ما اخلص.
غصن ها.
صهيب هستحمى طلعيلي غيار من الكيس.
دخل صهيب الحمام اخد شور ونادي على غصن تناوله الهدوم فتح الباب لأفف وسطه ببشكير قربت غصن بحرج مدت اديها بالهدوم ضحك صهيب من شكلها وهي مغمضة عنيها اخد الهدوم منها لبسها ومشي ناحية الثلاجة أخد كيس الاكل وخرج لسليم حكي ليه كل حاجه حصلت.
صهيب الكيس ده في الاكل عاوزك تقف بنفسك على ايد دكتور احمد وهو بيحلله النتيجة تظهر تبعت هالي وتس في لحظتها.
سليم صهيب براحه عليا انا عقلي هيشت مني كل الاحداث دى تحصل
مرة وحده وانت قاعد كده هادي.
صهيب عارف ياسليم انا مستغرب نفسي أوي مستسلم لكل حاجه بتحصل حتي لما اعترضت اقنعوني بسهوله من غير ادني محاولة مني للرفض مرة تانية الغريب ان في حاجه جوايا مخلياني موافق افضل هنا ولأول مرة من يوم الحاډثة اقرب من ست برغبة حقيقية من غير شهوه وقتيه ولا دفاع عن نفسي حاجه جوايا مخلياني سعيد بوجودي معها.
سليم انا مش مصدق اللي بسمعه معقولة انت اللي بتقول كده طيب اريام قادر كده تفضل الوقت ده كله بعيد عنها.
صهيب لاء طبعا انا كل ساعه بفتح التليفون اطمن عليها افهمني ياسليم اللي انا فيه ده حاجه مش فاهمها البنت اللي جوه دى فيها حاجه بتشدني ليها محستش باللي بحسه معها مع اي ست من اللي عرفتها حتي أريام نفسها تخيل المفروض مقلش الكلام ده بس انا قارنت بين ليلة ډخلتنا انا واريام وليلة امبارح رغم الضغط اللي كنت فيه من عمي واني أثبت رجولتي قدام أهل البلد الا اني كنت طاير من السعادة وانا اول حد لمسها حاجه كده حلوه في كل حاجه عجينه بتشكلها بإيدك رغم حبي لأريام
وعشقي ليها واني عارف انه كان ڠصب عنها وقبلتها زي ماهي بس الحته
دي بالذات محستش بيها غير
ليلة امبارح.
سليم يعني ايه كان ڠصب عنها وبكلامك ده معني كده ان اريام بالنسبالك خلاص.
صهيب بطل جنان ياسليم أريام دي حب عمري ولا مليون ست يقدروا ياخدوا مكانها انا بقولك على اللي حاسس بيه.
سليم رغم كل ده انا فرحان عشانك اوي يا صهيب فرحان انك اخيرا بعدت عن مستنقع الحضيض اللي كنت بتحط فيه نفسك كل ليلة فرحان انك اخيرا رجعت صهيب صحبي اللي بيثق فيا وبيحكي عن اللي جواه متعرفش انا كنت مفتقدك قد ايه.
صهيب للدرجادي
سليم من يوم ما استقلت من الشرطة وسافرت بأريام من غير ما تقولنا ولا مرة تحكي عن اللي جواك.
صهيب وقتها مكنش ينفع اقول لحد ولولي الموضوع
كان مهم مكنتش سبت الشرطة ابدا انت عارف قدايه
انا كنت ظابط كفئ بس اللي حصل وقتها كان هيقضي على مركزي واسمى ويدمر عمي اتفقت مع رؤسائي ان الموضوع يتقفل واقدم استقالتي واسافر برة البلد فترة.
سليم وايه حصل لكل ده وعمك ماله.
صهيب انا هحكيلك اللي فضلت شايلة طول عمري ومخبيه بس اوعدني محدش يعرف مهما حصل.
سليم اوعدك.
صهيب اريام كانت دخلت مرحلة اكتئاب بسبب والدتها وهي بالجامعة واتصحبت على شله مش كويسه الفترة دى اريام ادمنت وبنفس الفترة اتعرضت لاعتداء وقتها جيداء كل اللي
همها تداري على موضوع الاعتداء ده وللأسف لعبت لعبة عليا وقتها وانا كنت متيم بأريام وقعت في المحظور معها اول مره مكنتش واعي كفاية عشان اعرف ايه حصل وقتها مرة تانيه نجحت جيداء انها تمثل اني خنت ثقتها لما شفتنا مع بعض نجحت لدرجة انها خالتني اترجها توافق على الجواز وهي فضلت تمثل لحد طبعا انتهي الموضوع بالضغط على عمي بالجواز وتجوزنا بسرعه كل ده وأنا مغيب معرفش ان أريام مدمنه تخيل شهور وانا عايش معها غير سنين قبلها. حب وغرام ومعرفتش ولا لحظت اي عرض عليها لحد اليوم اللي اتقبض عليها وهي بتشتري من ديلر كان متراقب وعشان القادة عارفين انا مين تم تسوية الموضوع وقدمت استقالتي وسافرت بيها خمس سنين امريكا قضينا سنة ﻜاملة تتعالج كنا بننزل مصر كل كام شهر عشان عمي وبنفس الوقت نفسية اريام تتعدل لحد الحمدلله تعافت تماما ورجعت ليا وبقت عاوزة تعوضني عن اللي حصلها بأي طريقه لكن جيداء كانت دايما بتنجح في السيطرة على أريام خلتها ترفض تحمل وتقلها عيشي حياتك ومستقبلك الرجالة مش مضمونه انا للأسف كنت اتشغلت في تأسيس الشركة وداخلنا مشروع كبير اخد كل وقتي وقتها جيداء نجحت بجدارة تقنع أريام بالدراسة والماجستير وكل يوم والتاني سهرات وتعرفت على صحبتها والباقي انت عارفه رغم كل ده عمر حبها ما قل بالعكس كل يوم بيزيد حتي لما كنت بعمل اللي بعمله كل ليلة كنت برجع مخڼوق ومدايق واجري عليها اطلب منها السماح الغريب الليلة دي محصلش صحيح اعتذرت منها لكن مندمتش ولو
للحظه بالعكس سعيد بوجودي هنا ولأول مرة من سنين اكون مرتاح بالشكل ده.
سليم كل ده شايله في قلبك.
صهيب عينه على الاستراحة مخدش باله من كلام سليم.
سليم ههههه الاااه اللاه الااااااااه ده الموضوع كبير اوي.
صهيب التلفت ليه بتقول حاجه ياسليم.
سليم بقول اللي واخد عقلك.
صهيب وهو بيحرك رقبته سليم متخلنيش اعملها معاك.
سليم انا بقول كل كويس شكلك هفتان.
صهيب بقلك ايه الوقت اتأخر والضهر آذن من بدري
والاكل بقالة فترة في الكيس ممكن ريحته تتغير قوم يدوب تلحق توصل ومتنساش النتيجة توصلني في لحظه طلوعها.
سليم بقي بدل ما تمسك فيا وتقولي اقعد كل.
صهيب ابق كل في بيتكم.
سليم ههههه مبروك ياصهيب الف مبروك انا همشي بس خالي بالك انا سايب صنيه الأكل بمزاجي.
صهيب مع السلامة يا سليم.
غصن بخجل هزت راسها ومردتش عليه ضحك صهيب وقام وقف هخرج اجيب صنيه الأكل وأجي ناكل لقمة نسد بيها جوع بطننا.
غصن قامت عدلت نفسها وقامت من على السرير اخدت هدوم ودخل صهيب شايل الصنية حطها على السرير رايحه فين.
غصن الحمام.
صهيب تعالي الاول ناكل لقمة قبل ما اهلك يجوا.
غصن اغسل ايديا واجي.
صهيب متتأخريش انا واقع من الجوع
غصن غسلت اديها ورجعت لصهيب لقته قاعد مستنيها وبقه سېجارة اول ما شفها دخلت الاوضة طلع السېجارة من بقه وطفها بالطافيه وشاور ليها تقعد على السرير وقعد ياكل وكل شوية يبص عليها يلقيها بتأكل وعنيها على الارض
صهيب
ايه مش بتكلي ليه.
غصن اصلي مش جعانه أوي
صهيب طيب لو عاوزه تروحي الحمام تغيري روحي وابقي رتبي الاستراحة ونضفيها كويس قبل الضيوف ما يجوا.
غصن راحت عند الشنطة اخدت فستان طويل لونه ازرق وطرحه وراحت للحمام بعد شويه خرجت تروق الصالة ودخلت الأوضة لقت صهيب نايم وصنة الأكل قدامه على السرير قربت بشويش شالت الصنية
وخرجت بعد ما عدلت نومته.
عدي وقت واذن العصر قامت غصن دخلت الاوضة صحت صهيب من النوم.
فاق صهيب دخل اخد شور وغير هدومه وقعد على الكرسي وغصن كانت بتصلي غصن بعد ما خلصت صلاة بصت علي صهيب لقته ماسك تليفونه ومركز فيه.
غصن اسيب المصلية تصلي عليها.
صهيب مركز في التليفون مردتش عليها وقفت ومشيت نحيته.
مش هتصلي
شويه شوية اخلص اللي في ايدى.
وقت العصر قصير صلي الاول واي
حاجه تتأجل.
صهيب بقلك ايه روحي للاوضه
مهلك قبل الجماعة ما يجوا.
غصن بصت ليه بحزن ودخلت الأوضة عيونها بدمع رتبت السرير
ونظمت الأوضة خرجت على صوته ينادي عليها.
يا يا اسمك ايه.
غصن اسمي غصن مش اسمك ايه.
ههههه ههههه مالك زعلانه ليه كده ملحقتش اعرف اسمك مفيهاش حاجه تزعل.
مجراش حاجه بس انت سألت ليلة امبارح وقلتلك اسمي غصن.
طيب بزمتك انا هفتكر اسمك من ليلة امبارح.
بضيق منه نديت عليه خير في حاجه.
ايوه ادخلى المطبخ شفي في قهوة اعمليلي فنجان قهوة سادة عندي صداع مش
قادر افتح عنيا منه.
دخلت المطبخ وقفت تبص حواليها م مش عارفه تعمل ايه فتحت العلب الموجودة.
غصن مش عارفة اعمل ايه واقوله ايه انا عمرى ما شافت القهوة ولا اعرف بتتعمل ازاي هي مرة شربتها عند خالتي ام منصور وقالتلي على عميلها ازاي والبراد بتعها معرفش اسمه ايه كده.
صهيب من برة كل ده بتعملي القهوة دى
مبتخدش خمس دقايق!.
غصن أتوترت اكتر بصت في كل العلب ملقتش فيهم حاجه خرجت ليه ماسكه العلبة دورت في كل العلب ملقتش حاجه.
نفخ بصيق وحط تليفونه على الطرابيزة ودخل اوضة النوم اخد محفظة الفلوس وخرج ينادي على غفير جاله غفير اداله فلوس وقاله اشتري قهوة وشاي وحاجه سأقعه متتاخرش .
غصن بعد ما صهيب خرج قعدت على الكنبة شافت صورة على التليفون لبنت جميلة لبسه فستان فرح مسكت التليفون وبصت في الصورة دى حلوة قوى ياتري هي مين دي مراته ولا مين!
حطت التليفون مكانه اول ما فتح الباب.
صهيب بص لليها وللتليفون قعد على الكنبة جنبها شوية وراح نام على الكنبة وحط راسه على رجليها ومسك اديها وحطها على شعره.
غصن بعدت ايدها وديرت وشها الناحية التانيهكل ما يمسك اديها تبعدها عنه.
صهيب اتعدل وبص ليها باستغراب بتبعدي ايدك ليه ومالك مديرة وشك للنحية التانية ليه.
غصن بدفعه عشان ميردنيش الحال المايل قربنا على المغرب ولحد دلوقتي مصلتش وبدل ما تقلق قاعد
صهيب بعصبية وقف ومسكها من اديها جامد وقفها اتألمت من مسكته انتي ازاي ترفعي صوتك عليا ومالك انت بصلي ولا مصليش متدخليش أنا حر فاهمه.
لا مش فاهمه وهدخل ابلة سناء قالت الرسول عليه افضل الصلاة والسلام قال من راء منكم منكرا فليغيره وانت بتشرب سجاير ومش بتصلي.
صهيب ضغط على اديها تاني بتعلي صوتك تاني.
غصن آه سيب دراعي بتوجعني
بدل ما انت بتزعق كده الحق روح اتوضي وصلي دى الصلاة هي الدين ربنا بيفتح على البنأدم وبرزقة ويجعل ليه القبول في الأرض بعد كل. صلاة بس شكلك لا مؤاخذة قليل صلاة وأنا مقدرش اقرب منك ولا اقعد معاك في مكان.
صهيب قطع كلامها ونزل على وشها بالقلم صوابعه علمت على وشها واتكلم بعصبية مين انت عشان تكلمني بالشكل ده اول واخر مرة صوتك يعلى عليا او تنطقي بحرف واحد قدامي فاهمة وايه تقرفي اني اقربلك انت مش شايفه نفسك ولبسك انا اللي بقرف وانا بقربلك اصلا.
سكت وزقها وقعت على الكنبة بۏجع مع سماعة صوت خبط على الباب.
غصن اول ما راح يفتح الباب دخلت الاوضة رمت نفسها على السرير تبكي بحرقه.
فتح الباب بعصبية لقي الغفير جايب الحاجات اخدها وقفل الباب ودخل حط الحاجه على الطرابيزة بص عليها لقها دخلت الاوضة دخل وراها وبصوت عالي.
انت ازاي تدخلي من غير ما اخلص كلامي.
مشي كام خطوة ووقف مكانه اول ما سمع صوت عمه بينادي عليه وبيرحب بحد برة الاستراحة.
يتبع
حكايتى مع صهيب بقلم منى عبدالعزيز الفصل الحادى عشر
رفيق راح بيت عزيز يجيب امه وسنابل ويزوروا غصن ويطمنوا عليها
زبيدة خرجت ليه اتأخرت كده ليه يا رفيق.
رفيق نزلت السوق اشتريت حاجة الصباحية وكام غيار لسنابل وبعت نفر ينضف الشقة في المركز عشان اخد سنابل نقضوا كام يوم على ما السريا تتوضب من تاني.
عنيه على الباب اومال سنابل ما خرجتش ليه.
زبيدة بقلق من كلامه بص يا رفيق يا بني الفترة دي مش هينفع تروح في اي حته لحد ما غصن تروح ويا جوزها
تعيش وياه وسنابل صحتها ترجع ليها ليلة امبارح تعبت وطول الليل ما دقتش النوم من الۏجع تخف ونفسيتها تهدي وبعدها نبق نشوف حكاية الشقة دي.
رفيق بقلق على سنابل راح ناحية البيت وقفته امه.
رفيق استني سنابل طلعت اهي.
رفيق قرب منها مالك ياسنابل تعبانه عند ايه أوديك للدكتور تكشفي.
سنابل مشيت وسابته راحت تركب العربية من غير ما تنطق حرف.
رفيق ركب العربية من غير كلام عقلي بيودي ويجيب.
زبيدة مالك يا رفيق سوق العربية واقف ليه
رفيق ادير لسنابل انا نفذت الإتفاق وعملت اللي عليا ومش هتراجع عن الشرط اللي حطيته ومهما عملتي هنفذه يعني هنفذه وانت يامه اعملي حسابك انا هصبر كام يوم بس زي ما قلتي تريح اعصابها يومين بالكتير واجي اخدها عروسة.
سنابل
بصت للشباك وعينها تبك بدون صوت زبيدة بصت لرفيق.
اسمعني يابن بطني
تهديدك ده بعدين نتكلم فيه دلوقتي خدنا على المركز في حاجات نجيبها لغصن وبعدين رجعنا عليهم.
رفيق حاجات ايه انا جيبت كل حاجه الصباحية.
زبيدة لبس وباقي شوارها انت فاكر الكام هدمه اللي حبتهم ليلة امبارح ينفعهوها وهتفضل لبساهم طول الوقت.
رفيق على قض ما عرفت اجيب وغزل ورشيدة نقوا كام غيار حلوين.
زبيدة ماهو عشان الإتنين دول انا بقول ننزل نجيب لبس كويس وليه جمته
للبنت.
رفيق ساق العربية بسرعة وبعصبية ما بكرة جوزها يجبلها اللي ناقصها.
زبيدة وماله زيادة الخير احنا نجيب اللي يشرفنا ويرفع راسنا ونكسوا بنتنا
ونجيبولها احلى وأغلى حاجه بالسوق.
بعد وقت وصلوا للمركز وقف رفيق قدام افخم محل ملابس نزلت زبيدة وسنابل اختاروا كام فستان واسعين يناسبوا غصن واختاروا حجاب ملابس عروسه وهدوم بيتيه.
زبيدة معرفش مقاس رجليها عشان نختارلها كام جزمه.
سنابل غصن كلها عزيز وعزيز جدمه كان صغير مرة اشترتله جزمه هديه وقستها على مقاسي وجبت مقاس اصغر نمرة من مقاسى
رفيق بضيق من كلام سنابل عن عزيز ماهو مش شرط مقاسها تبق مقاس المرحوم يمكن تبق وخده مقاسك
زبيدة اتحلت اهى نجيب المقاسين اللي تجي عليها تخدها واللي ما تجيش نجي نغيرها وناخدوا مقاسها.
رفيق بضيق اعملوا اللي تعملوه بس خلصونا قربنا على المغرب.
زبيدة خلاص خلصنا اهو على يا بني الحاجات اللي اخترنها دي حاسب انت يارفيق على ما نشوف حاجة تنفع صهيب.
رفيق الله ما طولك يا روح أمه مش وقته.
زبيدة هنسبقك على العربية تكون حسبت يلا ياسنابل.
خرجت زبيدة وسنابل شايلين اكياس الهدوم ورفيق حاسب واخد باقي الاكياس وخرجركبوا العربية ورجعوا البلد.
رفيق اظن انا لحد دلوقتي عداني العيب وكل طلباتكم مجابه اتمنى طلباتي انا كمان تتنفذ.
زبيدة رفيق مش وقته وقلتلك سنابل تهدى وتفكر مع حالها وبعدين اللي تقرره هو اللي هنعمله.
رفيق معناته ايه الكلام ده.
زبيدة معناه تقفل على الكلام دلوقتي لحد ما نرجع بيتنا.
سكت رفيق وبص على سنابل بمراية العربية وكمل سواقة لحد ما وصل قدام مزرعة صهيب قابلوا قاسم نازل من عربيته رحب بيهم ونادى على
الغفر يشيلوا الهداية يدخلها على الاستراحة.
صهيب فتح الباب سلم على زبيدة وسنابل دخلوا شيلين اكياس في اديهم وبعد عن الباب دخل الغفر الهدايا اللي جابها رفيق.
قاسم بترحيب مكنش ليه لزوم كل الحاجات دى كفاية تشرفكم.
رفيق دي عوايد يا حج يا قاسم اتربينا عليها.
زبيدة امال فين غصن يا بني.
صهيب لحظه واحده هدخل اديها خبر اتفضلوا ارتاحوا.
دخل صهيب الأوضة قرب من غصن مسكها من اديها وقفها من على السرير اهلك جم بره امسحي وشك واعدلي لبسك واخرجي سلمي عليهم والافضل تخرجي لبسه البتاع ده اللي بتحطية على وشك بدل ما يتخضوا من شكلك.
غصن سمعت اخر كلامه حاست بقلبها هيقف دموعها نزلت ڠصب عنها صهيب جز على سنانه وكلمها بغيظ وصوت واطي.
أنت غبية بقلك بطلي عياط تزيدي أنا خارج دقيقه وتجي فاهمه واياك المح دمعه في عيونك.
خرجت غصن بعد ما صهيب خرج. السلام عليكم.
سنابل وقفت اول ما سمعت صوت غصن اخدتها بتي حبيبتي وحشتني يانن عيني من جوه.
زبيدة سنابل بلاش بكآ البت زينه اهى قدامك. وبعدت عني.
رفيق اتفزع من كلام سنابل اتنحنح بصوت عالي احححم احمم بقول ايه ياحج قاسم ما تيجى احنا نطلع نقعد برة ونسيب الحريم يتكلموا مع بعض.
قاسم عندك حق ياحج رفيق والا ايه ياصهيب.
صهيب اللي تشوفه ياعمى.
خرج الرجال بره زبيدة بصت لغصن وشافت عيونها من النقاب كلها دموع ولونها أحمر.
ما تطلعي الحاجه تفرجيها لغصن يا سنابل خلينا نشوف ذوقنا هيعجبها ولا لاء.
سنابل بعدت عن غصن حاضر يامه.
قامت سنابل تفتح الاكياس قربت زبيدة من
غصن بصت لجدتها بقلق خاېفه تكلم تحصل مشكلة بسببها فكرت بسرعة وبصوت منكسر قالي اعملي قهوة وانا لا عمري شفتها ولا اعرف بتتعمل ازاي.
زبيدة ههههه بټعيطي عشان كده قالك كلمة زعلتك.
غصن لاء بس صعبت عليا نفسي وخاېفة يطلب مرة
تانيه.
زبيدة تعالي معايا وريني المطبخ منين وانا اعلمك تعمليها ولا احسنها قهوجي بيعمل قهوة.
سنابل والهدوم مش هتقسها.
زبيدة دخليهم اوضة النوم بعدين تقسهم على رحتها.
زبيدة دخلت مع. غصن المطبخ لقت كيس فيه قهوة وطالبات خرجت القهوة وقالت لغصن ارفعى النقاب ده اوعك تكوني بتلبسيه قدام جوزك.
غصن رفعت نقابها لاء مش بلبسه هو اللي قالي البسيه.
زبيدة بدور على كنكه قهوة امكن قالك كده عشان عمه امال فين الكنكه.
غصن يعني ايه كنكه يا ستي.
زبيدة اديرت ليها بعد ما لقت كنكه في دلاب المطبخ فتحت عينها بفزع قربت منها رفعت اديها ديرت وش غصن كنكه اللي بنعمل فيها القهوة زي دي في منها صغير وكبير عشان تبقي فاهمه ياندمتي ايه اللي في وشك ده.
غصن بلعت رقها پخوف ونزلت النقاب مفيش حاجه دا دا.
زبيدة علم بالقلم عشان
معرفتيش تعملي القهوة ولا عصيتي عليه قولي عشان كلامك هو اللي هيقف عليه اللي هعمله فيه.
غصن بسرعة ولا ده ولاده دي عشان حاجه تانيه خالص.
زبيدة حاجة ايه انطقي.
غصن حكت ليها كل اللي حصل.
سنابل دخلت الهدوم والحاجه اوضة النوم وخرجت سمعت كلام زبيدة وغصن دخلت المطبخ.
غلط يابتي اللي قلتيه ده مايصحش
تكلمي جوزك بالشكل ده انت هنتيه.
غصن انا كنت بقله يصلي مش عجبني قعدته من غير صلاة.
سنابل ماتجيش كده يا حببتي الست الشطرة تخلي جوزها اللي مقصر في صلاته يصلي بلسانها الحلو من طريقتها معه دا ربنا
قال لو كنت فظا
غليظ القلب لانفضوا من حولك.
غصن بس ابلة سناء وهي بتعلمنى الصلاة قالت ان الفرق بين المسلم والكافر هي الصلاة وقالت ان مفروض تارك الصلاة وهو واعي وفاهم ننصحه مجاش بالنصيحة نتجنبه لا ناكل معه ولا نشرب معه والزوجة تهجره بالفراش لحد ما يرجع يصلي ويتوب عن ذنبه.
سنابل ماهو نفس الكلام بس الفرق طريقة الكلام شفتي لما كلمتيه واتعصبتي عليه حس بالإهانة مستحملش ومد ايده عليك لكن لو قلتيله صلي بيا جماعة ولا انا مش حافظة كويس وبتلغبط صلي بيا تكسب فيا ثواب وقتها ڠصب عنه هيقوم يتوضأ ويصلى هيتحرج من رفضه يوم وراء يوم وانت بتطلبي منه يصلي بيك هيبق عادة وتاخدي ثوابين ثواب صلاتك وثواب انك خلتيه يصلي.
زبيدة شفتي كلامك امك فهمتي هتعملي ايه زى ما هتتعملي معه في الصلاة اتعملي معه في كل حاجه خالي لسانك حلو معه ما تطوليش لسانك عليه ولاتردي الرد برده ماينفعش ردي بالأدب قالك اهلك وعالتك قليله الاصل واحد والعرق دساس مد ايده عليك من غير سبب خليه يجيبك دارنا قلية اخدتني من بيت أهلي بشروط وانت خليت بالشروط دى يبقى كبارتنا هم اللي يقرروا.
سنابل اسمعني يا بتي الراجل غير الست باله بيبق قصير عمليه كويس تخدي قلبه وعنيه قلتي ادبك رديتي عليه من غير ادب هيتعصب عليك ومش بعيد يغلط فيك او يمد ايده عليك .
زبيدة فهمتي يا حبيبتي الكلام.
غصن ايوه.
زبيدة تعالي بقي اعلمك القهوة.
وقفت غصن جنب
زبيدة تعلمها القهوة لحد ما جربت بنفسها اكتر من نوع.
شطرة يا غصن واعيه ونبيهه اتعلمتي بسرعه وعملتي بنفسك القهوة وطلع ليك نفس حلو فيها.
سنابل ايه رايك يامه غصن تطلع القهوة للچماعة برة ولما صهيب يلقيها عمله القهوة ومطلعها له ينبسط وميزعلش منها.
زبيدة كلامك صح يا سنابل خدى يا غصن صنيه القهوة طلعيها بره على ما نجهز طبق فاكه وحلويات.
غصن نزلت النقاب واخدت صنيه القهوة وطلعت برة الاستراحة لقت صهيب وعمها وقاسم قاعدين على كراسي الجنينة قربت منهم صهيب عينه على الباب اول ما شاف غصن طلعه من الباب شايله صنيه قام وقف وقرب منها مد ايده اخد الصنية من غير ما يكلمها وشاور ليها بأيده تدخل جوه.
دخلت غصن من غير ما تتكلم زبيدة قبلتها بطبق الفاكهة وحلويات قالت ليها طلعيه بره خرجت حصل زى المرة اللي قبلها صهيب اخد منها الحاجه ودخلت هي.
سنابل تعالي يا غصن شفي الهدوم والحاجات اللي اشترنهالك
غصن فرحت جدا بالهدوم فجأة دخل صهيب عليهم بسرعة من غير ما يكلم غير هدومه واخد تليفونه وحاجته وخرج مرة تانيه بسرعة.
دخل رفيق الاستراحة.
زبيدة حصل ايه يابني صهيب طلع يجري كده وشه ما يتفسرش.
رفيق جاله ظابط المركز بيقول مهران أخوه حالته خطړ ووده المستشفى.
زبيدة بشهقة ومرحتش وياهم ليه يابني يادي العيبة.
رفيق قلتلهم يامه قالوا ملوش لزوم.
زبيدة ولو كنت أثريت ورحت على العموم لسه فيها خد بعضك وروح وراهم دول نسايبنا دلوقتي
وميصحش تبقي في بيتهم وتعرف باللي جره ومترحش تقف جرهم.
رفيق بضيق حاضر يامه هروح بس انتم هتروحوا ازاي.
زبيدة هنقعد هنا مع غصن لحد ما ترجعوا يا تشيع غفير بعربيه يروحنا بعد المغرب.
رفيق هتصل على سيد يجيب الكارته ويجي يروحكم قبل العتمة.
مشي رفيق وقعدت زبيدة وسنابل يرتبوا الهدوم والاكل اللي جايبة رفيق بالتلاجه.
زبيدة اسمعيني يا غصن انا حاسة بيك عقلك بيفكر كتير وبالك مش مرتاح في
حاجه على لسانك عاوزة تقوليها.
غصن بتنهيده حزن حاسة اني
مظلومة وبنفس الوقت مکسورة من جوايا عقلي هيشت مني مش قادرة استوعب اللي انا فيه.
سنابل اخدها خرجي اللي جواك يا ضنايا متخفيش.
زبيدة احكي يا غصن يابتي كل اللي تعبك.
غصن قامت وقفت انا حاسة اني بحلم حلم غريب واني انا مش انا حد تاني معرفوش مهمومه وحزينة وانا اللي طول عمري الضحكه مفرقتش وشي مع اني عشت ايام ربنا وحده اللي عالم بيها في يوم وليلة بقي ليا أهل وعايله وبدل ما احس بالأمان معهم لا خوفني منهم رموني للڼار بجوازه صلح لواحد معرفوش مفروض عليا اسكت منطقش لأجل عيلة لا تعرفني ولا اعرفها.
سنابل مسحت دموعها انا حاسة بيك والحړقة بكلامك بس عندي قناعة ان ربنا ليه حكمه بكدة انا هقولك عن حاجه واحده تخليني
اقولك كده من كام يوم وانا بفكر اروح لابوكي حالي وعقدت النية على كده وبنفس الليلة اللي كنت ناويه اعمل كده جه رفيق وعرفني انك عايشة
ويجيبك ليا بنفس الليلة.
زبيدة وانا بقول زي امك ربنا ليه حكمه بكدة لولي عرفت انك عايشه وصممت انك تيجى عرفت من العدو ومن الحبيب عرفت باللي عمري ما كنت اتخيله لحقت سنابل وطلعت بيها من السريا قبل ما تولع تحصل خناقة في البلد ويروح فيها ناس ويدبرها المولي من عنده والصلح يبق جواز واسمع بودني ازاي يخلصوا منك ربنا الهمني بفكرة
وبدل لم تكون غزل العروسة تبقي انت.
غصن كل ده على عيني وراسي بس انا في دوامة كل ما بفكر القي حالي موجوعة مطلوب مني حاجات وانا لسه بستوعب اللي انا فيه فهمني.
سنابل قصدك ايه يابنتي.
غصن زى اللي حصل امبارح وابق مجوزة واحد مجوز دي لوحدها صعبة جوى فوق الجوازة الغريبة يطلع مجوز يعني قلبه مع وحده غيري حتى لما بيكون معايا بحس عقله معها خاېفه يطلب مني حاجه زي النهاردة ومعرفش اعملها فوق بصاته الغريبة ليا بتخليني حاسة اني قليلة ببق خاېفه ارد.
زبيدة اسمعي كلامي انا مش هقولك معلش وطولي بالك
ولاانت اتظلمتي كل ده خلاص اتقال وفهمناك كل حاجه اللي حصل حصل عيشي حياتك زي ما ربنا رايد من هنا ورايح لو طلب جوزك حاجه مش عارفها قوليلة معرفش مرة هيتريق مرة هيقول بنت خير وعندها خدمين يخدموها.
سنابل على قد ما انا مقهورة على جوازك بالطريقة دي بس قلبي مطمن مش بس عشان صهيب هيحميك وهيقف لاى حد يأذيك لاء عشان دى تدبير ربنا رجعك ليا عشان ترجعيلي عقلي وايماني اللي ضاعوا مني واكيد جواز صهيب منك لحكمه ربنا اعلم بيها وان شاءالله ربنا يعوضك عن كل اللي عشتيه بس انت سلمى أمرك لله.
زبيدة ونعم بالله احنا هنمشي بعد شويه واسمعي اخر كلام هقوله جوزك ليه حق عليك لازم تدهوله برضاك لما يجي من برة يلقيك مهتمة بنفسك لبسه لبس حلو وشك مفرود رحتك حلوه لقتيه مهموم وتعبان متفضليش تظني وتقولي مالك ولا تطنشي ومتسأل هوش مالك لاء اصبري عليه يقعد ويريح ويطل في وشك يلقي ابتسامه منورة لبسه لبس يشرح صدرة البيت نضيف وهادى لوحده هيحكيلك كل حاجه.
يلا جومي ادخلي الحمام استحمي والبسي قميص من اللي جبنهم النهاردة وتعالي اسرحلك شعرك واعطرك عشان لما يرجع ينبسط منك.
غصن هزت راسها ووقفت محتارة مش عارفه تلبس ايه.
زبيدة سنابل قومي معها فهميها تلبس ايه ومتلبس ايه.
ساعدت سنابل غصن وعرفتها تلبس ايه واختارت معها اللبس اللي هتلبسه وبعد شوية خرجت
غصن مكسوفة
حكايتى مع صهيب بقلم منى عبدالعزيز الفصل الثانى عشر
عارف انها عاوزة تعتذر ليك عن كلامها معاك قفل الماية ودير وشه وقال... خفت علي نفسي منها فيها حاجه بتشدني ليها بعفويتها صوتها فيه حاجه بتجبرني اسمع كلامها للنهاية خفت اتعلق بيها واضعف قلت. الحق نفسي وابعدها هي عني لان انا مش هقدر ابعد عنها لما اهنها واجرحها هي هتبعد وبكدة هرتاح أنا.
خرج من الحمام لقها بدلت هدومها وقاعده على السرير انحن اخد قميصة لبسه وعينه عليها وهي بتحاول تكتم صوت شهقاتها مشي شال الشنط والټفت ليها... بطلي عياط ويلا قومي تعالي وراياعلى ما احط الشنط في العربية.
خرجت غصن وراه تمشي ببطء وقف صهيب جنب العربية بعد ما دخل الشنط في العربية فتح ليها باب العربية... خفي مفيش وقت اركبي يلا.
ركبت غصن وقفل الباب وركب العربية وساق العربية من غير ما ينطق بكلمة عينه كل شوية تروح على غصن اللي سانده راسها على باب العربية وعنيها على الطريق كلها دموع فجأة وقف العربية بسرعة على صوت غصن.
غصن وقف وقف.
صهيب
في ايه.
غصن بتحاول تفتح الباب البتاع ده بيتفتح ازاي.
صهيب فهمني فيه ايه ليه خلتني اوقف في المكان ده.
غصن افتح البتاع ده الاول.
فتح صهيب الباب نزلت غصن بسرعه وقفت تلف حوالين نفسها وفتحه
دراعتها ومغمضة عنيها بعد دقيقة جريت على شجرة كبيرة فروعها طويله وقفت جنبها فتحت دراعتها وغمضت عنيها تاخد نفس طويل...كنت وحشاني يا صحبتي اليومين دول تقال قوى وانا بعيده عنك هعمل ايه لما اروح خالص من البلد فتحت عنيها وقربت من الشجرة وباستها... ڠصب عني همشي وافوتك كان نفسي اقعد حداك واشتكيلك وجعتي واقولك على اللي جرالى.
صهيب قاعد في العربية مذهول من اللي شايفه ابتسامه على وشه وهو شايف حركاتها... ليك حق يا صهيب تبعدها عنك كل حركة منها بتشدك بعفويتها بتحرك مشاعرك انا متأكد انك نفسك تروح تاخدها هز راسه
وضغط على كلاكس العربية يشاور لغصن تجي تركب العربية عينه عليها وهي ماشيه نحيه العربية استغرب اول ما انحنت اخدت حفنة تراب تشمها بعمق واخدتها وركبت العربية.
صهيب ساق مرة تانية من غير ولا كلمة كل شوية يبص عليها بطرف عينه ويرجع يبص قدامه.
غصن مسكه التراب في اديها عنيها على قزاز العربية قلبها بيتعصر كل ما الزرع يبعد والشجر بيقل اتنهدت بحزن اول ما ظهرت العربيات واختفى الطريق الترابي سندت براسها على الكرسي بتنهيده.
انا اول مرة اخرج للطريق ده ودي تالت مرة اركب عربية بردة حياتي كانت حلوة
حتي لو كنت شقيانة اللقمة كنت بكلها بنفس انام واشبع نوم من غير ما أشغل بالي بليه
وعشان ايه صحيح سعات بيجي عليا وقت ابعد بالنوم من كلمة وجعتنى بس كنت بقوم بقلب صافي ونفس راضية لو الزمن يرجع بيا ليومين بس كنت اتمسكت افضل غصن وبس انا عارفه انك مش فاهم بقول ايه وامكن متكونش سامعني وعقلك مشغول بحاجه تانية بس انا معرفش اشيل جواتي وازعل من اللي قدامي ولا هو يزعل مني لو كلمتك وحش على الصلاة خلتك زعلان متزعليش مني أنا لما بشوف حاجه غلط مبعرفش اسكت وابلة سناء قالتلي من راء منكم منكر يغيره بايده او بلسانه واننا لما نشوف الغلط ونسكت نبقي شيطان رجيم بس امي وستي عرفوني ان غلطت اني كلمتك وعليت صوتي وده عيب وغلط كنت مفروض كلمتك بصوت واطي وفهمتك قصدي.
صهيب يبتسم على كلامها وعفويتها وقف العربية على جانب الطريق والټفت ليها.... تعالي قربي قربت غصن منه واتنهد....طلعتلي منين ياغصن كل ما ابعد نفسي عنك بعفويتك تجبريني اقرب منك ياتري واخداني على فين.
غصن رفعت وشها ليه وبنفس عفويتها والله العظيم انا مش قصدي ازعلك بكلامي انا.
صهيب باس متكلميش وبطلي عياط ولو فكراني زعلان بعد كلامك ده أنا خلاص مش زعلان بس مش معني كده هنسي انك عليتي صوتك عليا.
غصن بعدت عنه پخوف انت قلبك اسود قوى مكنوش كلمتين لحظة ڠضب.
صهيب ضحك وساق العربية اهي ساعة الڠضب دى بتخرج كل اللي جوه البنأدم من غير كڈب كويس بردة انك اتكلمت وخرجت اللي جواك مع ان مفهمتش حاجات كتيره من اللي قولتيها تقصدي بيها ايه بس
المهم تسمعني دلوقتي كويس وتحطي كلامي قدام عينك دايما ويفضل في ودنك... أنا مش بحب حد مهما كان بالنسبالي مهم يدخل في حياتي او يقولى اعمل ايه ومعملش ايه بعد شوية هنروح بيتي هتعيشي معايا زوجة تلبي احتاجاتي وتشوفي حجتي اي وقت اطلبك فيه تكوني جاهزة مبحبش الأعذار ولا بحب قلبت الوش بحب انام في هدوء وحاجه مهمه وقتي معظمة في الشغل برجع البيت متأخر.
غصن حاضر ان شآء الله هسمع كلامك بس ليا شرط.
صهيب شرط.
غصن مش شرط هو طلب بس الله يخليك وافق بيه.
صهيب ايه هو الشرط قصدي الطلب
غصن تخف من السجاير دى اللي عمال تشربها فيها وحده ورا التانيه وكل يوم تصلي بيا جماعة.
صهيب بضيق بس دول حاجتين مش حاجه وحده.
غصن بابتسامة عشان خاطر أغلى حد عندك وافق مترفضش.
صهيب الصلاة أوك ممكن بس السجاير موعد كيش ابطلها.
غصن بفرحة انا قلت خف منها عشان صحتك.
صهيب ببتسامة ومالك فرحانه ليه كده.
غصن بخجل عشان مكسفتنيش ووافقت تصلي بيا حاسيت انى غالية عليك.
رفعت
اديها تشم ريحة التراب بحب صهيب بص عليها بذهول.
صهيب مالك فرحانه كده وانتي بتشمى التراب.
صغط على زرار جنبه فتح شباك العربية... خرجي ايدك وارمي التراب منها هتفضل مسكاه كده لحد امته.
غصن مسكت طرف حجابها وحطه التراب فيه وربطت حرف الحجاب شبه العقدة.
صهيب ايه اللي عملتيه ده.
غصن مش كل بنادم في حاجه بيحب رحتها انا بقي بحب ريحة تراب الارض وخصوصي اللي عند الجمز الغربي.
صهيب وشه قلب بص قدامة من غير ما يرد عليها بيكلم نفسه... معقولة كلامها ده معقولة ياصهيب تتعلق بيها اكيد لو فضلت تتكلم بعفوية وطيبة كده هتسيطر
عليك واهى قالت بنفسها حاسة انها غليك عليك واكيد مقلتش كده من فراغ.
وصلوا القصر دخل صهيب وقف عربيته كلم الامن وكمل سواقة وقف عربيته قدام القصر نزل وراح فتح الباب لغصن نزلت من العربية بتتلفت يمين وشمال .
صهيب مالك وقفه كده ليه.
غصنها هو احنا فين.
صهيب في بيتي.
غصن انت ساكن في عزبة.
صهيب ههههه عزبة انت هتنق
عليا.
غصن بخجل لا والله بسم الله ماشاء الله بس الارض كبيره قوي والدار عالية.
صهيب ههههه دار ايه الدار دي في البلد ده اسمه قصر يلا ندخل.
صهيب فتح الباب ينادي على.
استغفروا لعلها تكون ساعة استجابة
يتبع
حكايتى مع صهيب بقلم منى عبدالعزيز
الفصل الثالث عشر
الفصل الثالث عشر
تلتفت يمين وشمال اول ما تليفونها رن باسم جيداء بترد على الإتصال بهمس تبلع ريقها وتقفل التليفون بسرعة.
الو.
ايه يا قطة تلت تيام لا حس ولا خبر ايه رجعتي القصر وقلبك
جمد.
أبدا يا هانم احلفلك بإية انا. كنت هتصل بيك النهاردة.
والله وايه اللي منع حضرتك لو فكره انك تقدر تلعب عليا تبقى بتحلم.
وحيات مدام أريام كنت هتصل عشان اقولك البيه لحد دلوقتي مرجعش شكلها سفرية طويلة.
بتقولي ايه.
البيه من وقت ما خرج مرجعش ولا اتصل بحد فينا.
بعدت التليفون عنها پخوف وهى بتسمع كلام جيداء وسبها بألفاظ سوقيه.
انت غبية تلات تيام صهيب مش في القصر ومتبلغ نيش عارفة ياحيوانه ضيعتي عليا فرصة بقالي تلات سنين مستنيها اسمعني كويس بكرة الصبح لو مرجعش تتصلي تبلغني وبأي طريقة دخلينى القصر فاهمه يا غبية.
مقدرش
ادخل يامدام الأمن والكاميرات في كل مكان.
أريام ملكيش فيه هنعمل بلبله قدام البوابة الرئيسية نشغل بيها الامن والكاميرات امرها سهل مالك سكته ليه ما تردي اسمعني كويس يشاطره
متفكريش كتير مبلغ نص مليون جنيه مش قليل لو كنت جدعه وساعدتن في اللي انا هعمله غير الهدايا وهساعدك تعملي مشروع يعيشك ملكة هترفضي وتعميلي شريفة محدثاتك مع صحبتك وصور صهيب وهو ع اللي مليه بيها تليفونك بلاش اقولك هعمل بيهم ايه سلام ياقطة فكري كويس وبلغني.
قفلت جيداء التليفون وشيماء الخادمة ووقفت تتنقض...اعمل ايه اعمل ايه يالهوى يالهوى البنت رغدة مفيش غيرها.
رنت على رغدة الو رغدة.
رغدة معقولة تتصلي عليا مرتين في يوم واحد لاء كدة كتير اوي.
شيماء رغدة الحقني انا في مصېبة.
رغدة بفزع ايه كفالة الشړ.
شيماء حكت كل حاجه قالتها جيداء.
رغدة بصي بقي مقدمكيش غير تتصلي على البية
وتحكيلة.
محدش فينا معه رقم البية خالتي صفية بس اللي معها ولو وقفت على شعر راسي لا هتدهولي ولا هعرف أخد تليفونها من وراها وحياتك ولا برضاها
هتعملي ايه بقولك روحي لبتوع الأمن خدية منهم ولا أقولك فاكرة صحبة الحليوة اللي شفته معاه في اخر صورة بعتهالي وهم في حمام السباحة.
سليم بيه.
أيوة اتصلي عليه واحكيله كل حاجه وهو بقي يفهم البية مش معاك رقمة.
ايوة معايا لما كنت عاوزه اشغلك
في الشركة اخدت رقمه لما قلتله عليك.
يبق تاهت ولقناها اتصلي
