وليتهم يشعرون بقلم ديدا الشهاوي
المحتويات
اذنكم ولسه هنزل من العربيه
استني انا هنزل اجبها عشان رجلك
خلي بالك من نفسك يااسامه
نزل اسامه من العربيه وجاب الشنطه اللي كانت علي الارض مرميه
نوصلك فين
ااانا انااا ماليش مكان
ازي يابنتي امال كنت جايه منين
انا كنت شغاله في بيت وطردوني
ياحببتي يابنتي ناس معندهاش ضمير ازي يسبوكي في انصاص الليالي كده
خلاص يلا يااسامه علي البيت
بيتنا ياماما
ايوه ياحبيبي ينوبنا ثواب في البنت حتي لغايه ماتعالجها
اللي تشوفيه ياماما
طول الطريق كان اسامه بيحاول يبص عليا في مرايه العربيه تحس كان قلقان مني
اسمك اي
انااا اا حياه
حلو حياه اخبار رجلك اي
بتوجعني
ان شاءلله اول مانوصل هعملك اللازم
وصلنا البيت عند الدكتور اسامه ومامته دخلتني اوضه حلوه مش بطاله
يلا بنتي خدي غيار البسيه وشيلي النقاب اللي خنقك دا
انااااا اشيله
ايوه عاوزكي تشيله اشوفك
انا انا
مش عاوزه تشيلي النقاب ليه
وهنا رفعت النقاب
بكرهم بكرهم بكرهم
كلمه بقت في قاموسي معرفش غيرها الكره الحاجه الوحيده اللي بتعامل بيها مع الناس
حياه خدي الغيار دا وغيري هدومك اللي كلها تراب وشيلي النقاب دا يابنتي مافيش غيري
اللي معاكي في الاوضه
نقااااب اخلعه
من حقك والله وعارفه دا بس سسسس
بس اي في اي مش عاوزه اندم اني جبتك علي بيتي هنا
والله انا بنت ناس والدنيا جات عليا
خلاص وريني وشك
نادين نادين انتي فين يابنتي
مافيش ياماما بدور في حاجات ندي يمكن الاقي حاجه
انا قلبي وكلني عليها اوي انا مكنتش عارفه انها لما تغيب كده هتوحشني ياتري فينك ياندي وبتعملي اي
الله
انتي هنا يانادين وانا بدور عليكي
ايوه يابابا كنت بتكلم مع ماما شوي
عامله ايه ياام احمد
بخير والله بس كنت عاوزه اقولك علي حاجه
اقولي ياام احمد
هو احنا هنسيب البت
كده منعرفش عنها حاجه ولا هندور عليها
انا اقولت اي سيره البنت دي اتقطعت من البيت فهمتوا بنتك ماټت ماټت
يابابا براحه علي ماما هي ام وقلقانه علي بنتها
وانا اب ووطت راسي في الوحل وسرقتنا
طب يابابا احمد اخوي خلاص كلها شهرين وفتره جيشه تخلص هنقوله اي وهو متعلق بندي
هقوله ماټت ماټت
بعد كلام الست ام اسامه ليا وقلقها الواضح بعد توتري لما قالتلي شيلي النقاب عاوزه اشوفك مكنش عندي حل تاني غير انفذ ليها طلبها
من فضلك ياحياه عشان اطمن لوجودك لازم اشوف وشك
حاضر والله ماقصدي اقلقلك
شيلي النقاب
وهنا رفعت النقاب عن وشي وكنت خاېفه من رده فعلها اول ماتشوفني
ايه دا ايه اللي في وشك دا دا حد رميك بميه ڼار ولا اي
لا حضرتك دي بهاق انا وحده عندي بهاق في وشي وجسمي
ااه عرفته شوفت في التلفزيون اتكلموا عنه وشوف مسلسلات عليه
وهو حضرتك مخفتيش مني ولا اي
هخاف منك ليه عادي زي اي مرض بس دا معدي ولا اي
لا مټخافيش مش معدي
طب خلاص غيري هدومك ولبسي النقاب عشان اسامه يدخل يعالجك ربنا يشفيكي
شكرا لحضرتك
طبعا من طريقه كلامها اللي كان عكس رد فعلها اكدلي انها مش متقبلني ولا متقبله شكلي
ماما ماما مالك سرحانه في اي
اهااا لا بدا مافيش حاجه يااسامه
شكلك في حاجه انتي مكنتيش كده اول مااوصلنا
لا ابدا بس اټخضيت ومش عارفه اعمل اي
اخضيت من اي واقوليلي اخبار البنت اللي جبنها معانا
بقولك ياسامه اديها علاج عشان تمشي يابني احنا منعرفش وراها اي
انت مالك مكنش كلامك دا هو حصل اي خلاكي تخرجي من عندها كده
مافيش اقوم يلا عشان تكشف عليها وتروح لحالها
انا كنت قاعده في الاوضه بعد ماخرجت ام اسامه وغيرت هدومي ولبست نقابي ومكنتش مصدومه من طريقتها ولا كلامها لاني متعوده علي دا وفجاءه الباب خبط
حياه حياه الدكتور اسامه عاوز يدخل عشان يكشف علي رجلك
اتفضلوا ادخلوا
وهنا اسامه دخل ومعاه والدته وكان عينه في الارض
عامله ايه دلوقتي
الحمدلله بخير بس رجلي مش عارفه ادوس عليها
طب ممكن ترفعي العبايه عشان اشوفها
رفعت العبايه وكنت مطمنه لاني لابسه شراب اسلامي تقيل
حضرتك لازم اشوف رجلك عشان اكشف
اهو رجلي اهي
شراب لا طبعا استحالة اقعله
حضرتك انا مش بلعب لازم اكشف
لا مش هينفع اديني اي حاجه مسكنه وخلاص
ازي ياعني هو انا حلاق صحه من فضلك ياانسه الشراب لانها شكلها ورمه جدا
خلاص يااسامه اكتبلها مسكن عشان تقدر تمشي عليها وتروح
ياماما ماينفعش وازي هتمشي وهي شكلها ورمه
بعصبيه الټفت اسامه ليا من فضلك الشراب
رجلك فيها شرخ كويس اني عندي جبيره هتلبيسها لمده اسبوع لغايه مالورم يخف والشرخ يروح ولو استمر الۏجع هنضطر نعمل اشعه
اسبوع يااسامه ياعني متعرفش حتي تروح
ابدا ياماما بعد اسبوع تقدر تدوس عليها الا حاجات بسيطه
تدخل حمام تتنقل من مكان لمكان في شقه غير كده لا عن اذنكم
وهنا اسامه طلع من الاوضه وشوفت الحيره والخۏف مرسومه علي وش امه مش عارفه تعمل ايه تتقبلني ولا عارفه ترفض
وخرجت ورا ابنها
نادين كانت حاسه بحاجه نقصها كانت مفتقده خناقي معاها واستفزازتها ليا
نادين دخلت اوضتها وبقت تفضل فيها اكبر وقت بس بتقعد وسط حاجتي تقلب وتدور بس اللي لاقته مكنتش تتوقعه في حياتها
نادين ايه دا اللي تحت هدوم ندي اي دا بوكس خشب انا لازم افتحه واشوف في اي لازم اعرف ليه مشت وعملت في ماما كده
يااسامه اسمعني يابني اديها اي حاجه تقومها وخليها تمشي من هنا
مالك ياماما مكنش كلامك انتي عوزاها تمشي ليه لازم اعرف في اي
بصراحه من ساعه ماشوفت وشها ورجلها واللي مليان بقع وانا جسمي اقشعر ومش هعرف اتعامل معاها انت مخدتش بالك ولا اي
خدت بالي طبعا ومهتمتش لانه امر طبيعي مافيش فرق بينها وبينا ياماما اللي في وشها دا مش ذنبها ولا بايديها
يابني انا خاېفه اتعدي وبعدين شكلها استغفر الله العظيم يقرف كده
ماما دي خلقه ربنا وماينفعش نقول علي خلقه ربنا كده ومش معدي وبعدين هي بقع البنت دي شكلها في حاجه مزعلها او نفسيتها تعبانه لاني لاحظت انه بيزيد
وانت عرفت دا كله من رجليها
ماما انا دكتور واعرف انه بيزيد ولا لا ومش هينفع امشيها غير ماتخف وياستي متتعامليش معاها انا هبقي ادخلها الاكل في الاسبوع اللي قعداه معانا دا اخر كلام عندي انا دكتور ولازم اساعد اي حد محتاجني
يابني بس
ماما انا خلاص اقولت البنت هتكمل علاجها وبعدين ماشيها
نادين جابت الصندوق وحاولت تفتحه لكن كان مقفول بقفل نادين صممت تكسره وفعلا نجحت وفتحت الصندوق واستغربت من اللي لاقته
اي دا ايه الاجنده دي اول مره اشوفها متخيلتش بيها في ايد ندي
وفتحت الاجنده واټصدمت من اللي شافته وقريته
بكرهكم بكرهكم بكرهكم
نادين حاولت تفتح الصندوق بتاعي الخاص بيا اللي كان مقغول بقفل حديد
يااه اخيرا فتحته دا انا عمري ماتخيلت بصندوق مع ندي الله ايه الاجنده دي غريبه اوي عمري ماشوفت ندي بتكتب فيها اما فتحها اشوف فيها اي
طبعا ام اسامه حاولت تتعامل معاياعلي اد ماتقدر بس طبعا مقدرتش
ماما ايه دا ياماما حطه الاكل في اطباق كده ليه
مالها يااسامه اطباق صحيه اطباق فويل
ياماما متحرجناش اكتر من كده هات ادخلها الاكل ولا هدخليه انتي
لا انا هدخلها بالاكل
ماما اتعاملي معها
اف حاضر ياسامه
نادين فتحت الاجنده وبدات تقرا اعترافاتي كلها وكل حد اذاني ورد فعلي تجاه اذيته وفضلت تقرا لغايه ماقرات اعترافي باذيتي ليها واني السبب في فركشه خطوبه اسامه ليها واڼصدمت لما عرفت الحقيقه
نادين ليه ياندي تسوءي سمعتي وتعملي اكونات فيك عشان تطفشي اسامه
وكملت قرايه
انا اذيت نادين عشان عمري ماحسيت انها تؤامي عمرها ماحست بيا ولا حست بمشاكلي نادين سارقه مني حياتي واحلامي حتي حب ماما وبابا كله كان ليها نادين كانت متعمده تاذيني وعشان كده اذتها ضميري مرتاح بس قلبي وجعني علي اختي انا مش عارفه انا مريضه ولا اي ازي ادمر اختي وادمر حياتها وقلبي في نفس الوقت موجوع عليها وارجع واقول هي السبب عشان كل يوم كانت بتبعد عني لغايه مافضلت وحيده
هنا كملت نادين قرايه كلام ندي واول مره تحس بمعاناه ندي اختها وانها كانت سبب في هروبها من البيت وحياتهم
انا كنت عاوزه امشي بفارغ الصبر وعشان ام اسامه مكنتش متقبله وجودي بعد ماشافتني
وانا سرحانه في حياتي واللي معرفش ليها نهاية لاقيت الباب بيخبط
ادخل
حياه عامله ايه دلوقتي وهنا ام اسامه حطت صنيه الاكل
الحمد الله بخير تعبتي نفسك
لاابدا كلي وبعد ماتخلصي حطي الاطباق في الكيس دا عشان هتترمي في الزباله
هنا اټصدمت من كلامها وكميه انعدام المشاعر في الست دي واللي طلعت اپشع من امي
شكرا كتر خيرك
عدت الايام وقبل الاسبوع مايخلص بيوم لاقيت الباب خبط
ادخل اهلا دكتور اسامه
عامله ايه ياحياه واخبار رجلك اي
الحمدلله وشكرا ليكوا علي استضافتكم ليا ربنا يجعلها في ميزان حسناتكم
طب اهلك فين وهتروحي فين
اهلي ماتوا وكنت شغاله عند ناس بس طرودني ومش عارفه هروح فين اهو ربنا مبيسبش حد
بس انتي شكلك وطريقتك متعلمه
اانا اااه لا لا مكملتش تعليمي بس بحب اقرا كتير
تعرفي صوتك مميز زي حد اعرفه وعينك كمان نظراتهم زي نظرات شدتني قبل كده لكن للاسف تاهت مني
بجد مين
حد عزيز عليا اوي بس شكلي انخدعت فيه يلا اسيبك وبكره متمشيش الا مااوصلك عشان اطمن عليكي
حاضر
خرج الدكتور اسامه وكنت حاسه بالم اللي علمته فيه وفي اختي بس انا ماليش ذنب
والده اسامه لمحت ابنها خارج من اوضتي وهي معجباش اننا بنتكلم وديما فاهمه قربنا من بعض بطريقه غلط لاقيتها داخله عليا
حياه اظن رجلك اتحسنت بكره الصبح بدري ملقيكش في البيت وخصوصا قبل مااسامه يصحي
حاضر ياست هانم
خرجت من اوضتي وانا كنت مڼهاره من العياط بسبب طريقتها وكلامها اللي ديما بيوجع واللي خلاني مستناش للصبح وفعلا غيرت هدومي ولبست لبسي وخدت شنطتي وسبت البيت دا فورا بس مقدرتش اخد حقي منها بس مسيري انتقم منها انا متاكده من دا
نادين نادين افتحي يابنتي قفله علي نفسك
ليه
ايوه ياماما حاضر اتفضلي
مالك يابنتي قفله علي نفسك وقالبه حاجات ندي ليه وعينك كلها دموع
ندي وحشتني اوي ياماما انا غلطت في حقها كتير
ليه بتقولي كده هي اللي كانت براويه ومبتحبش تتكلم مع حد
احنا السبب ياماما احنا السبب
سبت بيت الدكتور اسامه ومش عارفه اروح فين ولا اجي منين المهم ركبت لغايه المحطه كنت عاوزه اسيب القاهره باي طريقه
ومن غير مااحس حجزت تذكره لاسكندريه قررت اسيب القاهره
وفعلا ركبت القطر معرفش ركبت قطر ليه بس يمكن عشان بيساعدني افكر بهدوء مع كل خطوه من خطوات القطر كانت معاها خطوات حياتي الجايه وعدي الوقت لغايه ماحسيت حد جه يقعد جنبي
وانا كنت راكبه جنب الشباك وسرحانه في ملكوت ربنا ودماغي مشغوله من اللي مستخبيلي لاقيت حد جه ووقف قصادي
انسه انسه
ها نعم
دخليني وقعديني جنب الشباك عشان بتخنق
اسفه معرفش اقعد علي الطرف واللي رايح واللي جاي يخبط فيا
حضرتك هو دا كرسي بتاعك
اه بتاعي واتفضل اقعد علي كرسيك
اف محدش بيساعد حد في الزمن دا
عدي وقت وموبيل الانسان دا رن
ايوه جهز الاعلان علي ماوصل المكتب واكتب في الاعلان
مطلوب موظفين وموظفات مقيمن لدار الايتام باعمار مختلفه
ومتنزلش حاجه لغايه مااوصل سلام
حسيت ان المكالمه دي نجده ليا
استاذ يااستاذ اتفضل لوحابب تقعد جنب الشباك
اسمي خالد واشمعني ياعني فجاءه كده
والله حبيت اساعد مش اكتر
لا خلاص شكرا انتي معاكي حق ماينفعش تقعدي علي الطرف
طب استاذ خالد اسفه لتدخلي هو حظرتك عاوز موظفين زي ماسمعت
اه ضروري عندي دار للايتام والمسنين وعاوز ناس تشتغل مقيمه في الدار
طب انا مستعده اشتغل واقيم لو تسمح محتاجه الوظيفه دي ضروري
ااه عشان كده عاوزه تسيبي الكرسي بتاعك
والله مش هخبي عليك كنت عاوزه اكلمك ومكسوفه بعد ردي البايخ معاك
طب انتي نزله
فين خلاص وصلنا كده اخر محطه في اسكندريه
انا انا معرفش
ياعني اي متعرفيش
انا ماليش مكان وعاوزه مكان اشتغل وفي نفس الوقت اقيم فيه
ياعني ملكيش مكان ولا اهل في اسكندريه
ولا اعرف اي مكان في الاسكندرية
غريبه اوي الحكايه
استاذ خالد هتساعدني ولا لا
مش عارف انتي شكلك وطريقتك وكلامك يحير
كان مستغربني
عشان كنت متمسكه بطوق النجاه دا لكن مرتحش ليا وفجاءه قالي
هشوف هشوف
وقام عشان ينزل وانا حسيت انه خجلان مني وانه عاوز يرفض ومش عارف
تمام استاذ خالد
ونزل وانا نزلت وراه والدنيا كانت زحمه خالد نزل
وتاهه وسط الناس وطوق نجاتي تاهه معاه واليأس مش عاوز يسيبني وانا نزله والناس ورا بعض وزحمه تحسوا انهم لو استني الدنيا هتقف
وانا نازله ومش عارفه اروح فين وبحاول انزل ومش شايفه من النقاب وفجاءه
وانا نازله من القطر والدنيا زحمه وبحاول امسك في اليشمك اللي مخطي وشي ولسه بنزل رجلي اتزحلقت واتنت من قوه الدفع اللي حصلتلي من الزحمه ووقعت واليشمك اتكشف واللي ظهر فيه وشي واللي من كتر حالتي النفسيه اللي كانت بتسوء من وقت لتاني البقع عماله تزيد لما وقعت الناس بدات تدوس عليا ولكن من منظر وشي الناس اټفزعت وبدوا يتفرقوا ويبعدوا
وانا مش قادره اتحكم في رجلي عشان اقوم ولا اظبط النقاب عشان اخبي وشي واتحمي من نظراتهم البشعه
لاقيت وحده جات عليا جري وبكل حب وحنيه وبدات تضبط النقاب بتاعي وتعدل اليشمك وبداري وشي اللي حست اني عاوزه اخبيه باي طريقه
معلش حببتي حصل خير قومي معايا
مش قادره
طب اسندي وامسكي فيا
ااه نادين الحقيني يابنتي بالبخاخه نفسي مكتوم
اتفضلي ياماما مالك بس ماانتي كويسه
كويسه فين من بعد ما اختك سبتنا قلبي مبقبوض اوي يارب سلم ياتري اختك فين وحصلها اي ايام وليالي وانا معرفش عنها حاجه انا ازي مكنتش حاسه بقيمتها كده
ياريتك ياماما كنتي حسستيها بخۏفك وحبك ليها يارتنا كلنا عاملنها بحب ومعامله احسن من كده الغلط غلطنا احنا وانا اولكم عشان اناتؤامها
وفعلا قومت وبدات اتسند عليها ومشتني لغايه كرسي من كراسي المحطه وبدات الست تنفض هدومي كلها ولاقيتها اختفت لحظات ورجعه في ايدها عصير وبسكوت
تعبتي نفسك ليه انا بقيت كويسه
اشربي اي حاجه فيها سكريات عشان خضه الوقعه يلا بنتي افتحي وكلي
وسمعت كلامها وبدات افتح العصير والبسكوت الصراحه كنت جعانه جدا وهي واقفه ادامي بداري عليا عشان محدش
وفجاءه وانا مشغوله في الاكل لاقيت حد من وراها بيكلمها واټخضيت ونزلت اليشمك بسرعه
داده حليمه انتي فينك ساعه بدور عليكي بعد ماوصلت
معلش ياخالد بيه ڠصب عني كنت بساعد حد
وهنا الټفت خالد ليا
انتي تاني دا مش صدفه بقي سبحان الله دا نصيب
انت تعرفها خالد بيه
وهنا خالد بص عليا اه اعرفها قبلتها في القطر
خالد بيه البنت كانت وقعه وانا حاولت انقذها من الزحمه
وهنا بدات اتكلم
اسفه للازعاج اني شغلتكم معلش وهنا الټفت للست الطيبه شكرا لمساعدتك ياريت في زيك كتير
علي ايه يابنتي انتي زي بناتي
يارب يحميهم وتفرحي بيهم
وهنا خالد كان باصص عليا وبدات اقوم وامشي كنت بمشي بعرجه ماهو انا لسه الشرخ كان وجعني وجات الوقعه كملت عليا
لاقيت صوت من ورايا
انا مواقف تشتغلي معانا ياانسه
وهنا وقفت والټفت ليه
تقصدني انا
هو في غيرك وانا وداده حليمه
بجد وافقت
اكيد انا مش بهزر في الحاجات دي وهنا تحسي فرج ربنا وان ربنا عمره مابينسي عباده
هوانتي اسمك ايه
انا حياه
عاشت الاسامي ست حياه
وهنا خالد الټفت لداده حليمه سنديها يلا وهاتيها اشرف السواق مستني بالعربية بره
طبعا الست حليمه مش فاهمه حاجه بس كنت حساها مبسوطه اني هشتغل معاها
وفعلا ركبت معاهم وانا مش عارفه راحه فين ولا مصيري شكله ايه
انا حببتي اسمي داده حليمه مربيه في المركز بتاع خالد بيه
اهلا بيكي
اقوليلي ياداده زي الكل مابيقولي
وهنا لاقيت خالد وهو باصص لمرايه العربيه جنب السواق عليا
طبعا استاذه حياه زي مافهمتيني هتقعدي في الدار علي طول
اه لو مافيش مانع لاني معنديش مكان اروحه
ياحببتي يابنتي الدار هتنور بيكي يالف اهلا وسهلا
شكرا ياداده علي ذوقك وطبتك
الله داده طالعه من بوقك قمر
وهنا خالد ادخل في الكلام
اي ياداده مالك ماصدقتي ولا ايه قاعده ترحبي بيها
والله ياخالد بيه الواحد مصدق وجه جديد هيدخل الدار وكمان شبابي بدل العواجيز اللي خللوا في الدار
داده اهدي شوي وبعدين ايه جابك مع اشرف السواق
اقولت اغير جو واجيب مستلزمات لدار
اهو ياحياه المركز اهو شوفتي كبير اد ايه
وفعلا وصلنا ادام مباني حلوه اوي كلها تبع الدار وفعلا تحسي براحه غير طبيعيه حتي الجو مختلف الاشجار كانت حولين المكان كان منظر تحفه بمعني الكلمه
داده خدي استاذه حياه غرف المشرفين وخليها تنقي الاوضه اللي تعجبها
حاضر خالد بيه
وفعلا داده حليمه خدتني فرجتني علي اوض كتير ولغايه مااستقريت علي اوضه
اتفضلي اتفضلي حببتي دا سريرك ودولابك والانتريه بتاعك وحمامك جوا خاص بيكي
حلو اوي طب شغلي هبدا في امتي
والله دا بقي مع خالد بيه واكيد هيقولك عليه
داده انتي ليه مسالتنيش علي اللي في وشي ولا طلبتي ارفع النقاب وانا معاكي
والله يابنتي اللي في وشك دا طبيعي والنقاب مستنيه توريني القمر بنفسك لو حابه دا
طبعا حابه وهنا شلت النقاب وظهر وشي اللي كله بقع اللي عامل زي الخريطه زي ماكانت نادين بتقولي
بسم الله ماشاء الله تبارك الرحمن قمر
قمر اي ياداده قمر بالستر انا عارفه ان الناس پتخاف مني وبعدين لو مش حابه منظري ممكن اكلمك وانا لابسه النقاب عادي
نقاب اي اللي تلبسيه انتي حلوه ومتنيسيش دي خلقه ربنا وكل صنع الله حلو
وهنا باب الاوضه خبط واللي كان استاذ خالد وهنا لبست النقاب
ممكن ادخل
اتفضل استاذ خالد
نورتي الدار واول حاجه هنا اسمي مستر خالد
ااه بنورك مستر خالد
شغلك بقي ياستي هيكون اشراف علي النزلاء والاطفال والعمال العمال لو في تقصير والنزلاء والاطفال لو محتاجين حاجه وتبلغيني بيها فورا واعتبري الدار بيتك الجديد
ان شاءلله هكون عند حسن ظنك
وهنا باب الاوضه خبط واللي اتفاجات ببنت زي القمر محجبه
خالد انت فين وانا بدور عليك
انا هنا ياامياده كنت بعرف المشرفه الجديده الشغل
من امتي وانت بتروح للمشرفات اوضهم
اهو اديني عملت عن اذنكم اتفضلي يامياده معايا
والاتنين خرجوا بس مستر خالد خرج متعصب جدا
مين دي ياداده
مسؤله الدار مع خالد بيه وخطبته بس بتغير عليه مۏت وديما تطفش بنات تشتغل عشانه هنا
والله ربنا يستر عليا بقي
وعدت الايام والحياه بقت احسن وراحه غريبه اول مره احسها عمري ماحستها مع اهلي التعامل مع الاطفال حاجه تانيه واللي كنت قلقانه عدم تقبلهم لشكلي لكن اللي طلع غير كده كنت بحس انهم بيتعلقوا بيا اكتر وفي يوم كنت بمر وبشرف علي المكاتب وعمال النظافه ووجيت علي مكتب مستر خالد واللي كنت بحسب محدش فيه ولسه هدخل سمعت مياده وخالد وهما بيتخانقوا
خالد انت من ساعه البنت دي جات وانت معنتش فضيلي
افضيلك اي احنا بنتكلم في شغل مش بنحكي وانتي لو بتقبليها كنتي اندمجتي معانا في الشغل انما مش عارف انتي حاطه نقرك من نقرها ليه لاهي تشبهك ولاانتي اذيها
طبعا عمري ماهكون ذيها البنت المهمله في نفسها والعبايه اللي
متجرره في الارض بجد ياخالد شكلها مقزز وكمان شكلها الاطفال والاهالي بيقولوا ان وشها مبقع
خالد مياده كلمه تانيه هسبلك الدار خالص
وهنا بعدت روحت علي اوضتي وفضلت فيها وبلغت داده حليمه اني تعبانه وهاخد نص يوم اجازه وفعلا نمت في السرير
داده امال مس حياه فين
بلغت اجازه نص يوم عشان شكلها تعبانه
سيبي اللي في ايدكي وروحي اطمني عليها
بس ياخالد بيه مس مياده
داده روحي اعملي اللي طلبته منك
كنت نايمه مڼهاره نفسي اتعامل زي بقيت الناس نفسي الكل يتقبلني وبدات ارتعش وجسمي يسخن ونفسي مش قادره اخده ومش قادره اتكلم ولاقيت باب اوضتي بيخبط
مس حياه مس حياه
ااا دخ لي يااداده
مالك يابنتي بتتنفضي كده ليه وجسمك مولع ثواني اجبلك دكتور الدار
داده بتجري كده ليه
مس حياه تعبانه اوي هندهلها دكتور حاتم
طب بسرعه
وفعلا دكتور حاتم دكتور الدار كشف عليا
مس حياه انتي ماشيه ببخاخه
لا
طب ضيق التنفس دا جالك
قبل كده
كتير بس مكنتش بهتم
حد في عيلتك ماشي ببخاخه صدر
ااه لالا
هنا حسام ادخل طمنا ياحاتم ايه الاسئله الكتيره دي
اصل غريبه انها مش ماشيه ببخاخه عندها التهاب رئويربو وممكن يكون حاد ومزمن
وهتمشي علي جلسات تنفس هتبداي من بكره
انا پصدمه
اهدي يابنتي ارتاحي
انتي مش سامعه هشيل النقاب ازي وهتعامل ازي من غير نقاب دا استحاله هو فين الدكتور
مشي مع خالد بيه
داده اقولي اعمل ايه النقاب صعب اشيله
اهلا دكتور حاتم ايه اللي جابك عندنا في القسم دا
اهلا مس مياده كنت بكشف علي مس حياه تعبانه
مالهاحياه دي
عندها ربو وجالها حاله ضيق تنفس
امال حسام فين
في مكتبه
طب عن اذنك
حمدا الله علي السلامه يااحمد يابني
الله يسلمك يابابا امال فين ماما واخواتي
طب نادين وندي فين
نادين خرجت تجيب طلبات البيت
وندي فين دي كانت اول وحده الاقيها مستنياني عشان العسليه بالمكسرات اللي بجبلها من المحطه ندي ندي
احمد انت ملكش اخوات بنات اسمهم ندي
نعم ياعني اي
احمد لما رجع من الجيش رجوع نهائي وخلص مدته كان راجع فرحان انه يتلم وسطينا تاني بس الصدمه اللي خدها من بابا شلت
احمد انت واخد شنطتك ورايح فين كده انت لاحقت انت لسه راجع
ماشي يابابا مش هعرف اقعد في بيت واختي مش فيه مش هقدر اكل واشرب والبس وافرح وانا معرفش عن اختي حاجه ياتري عايشه ولا
اااااحمد كفايه
ليه ياماما فين الحنيه والخۏف عليها زمان انتي كنتي اقسي واحده عليها كنت ارجع الاقيها بتدبل والبقع في وشها بتزيد وطبعا من حالتها النفسيه اللي معيشنهالها ظلم وقسوه
اختك سرقتنا ومشت
اختي متسرقش انا مربيها وعارفها يابابا عارف اختي وعارف اد ايه بتحب الخير لاي حد انت بس معرفتش تحبها ساكته ليه يانادين ياتؤامها ياللي بتحسي بيها قوليلي اختك فين
احمد كفايه حرام عليك انا جوايا ڼار عشان اختي عشان تؤامي زي مااقولت انا تعبانه من غيرها
ياريتها كانت معانا دلوقتي كانت عرفت انكم مهتمين بيها انا لازم امشي لازم ادور عليها ويوم ماهترجع هتلاقوني رجعت عن اذنكم
احمد احمد حرام عليك يابني كفايه اختك اااه الحقوني هموووت
ماما ماما باباالحقني ماما وقعت
في الدار
اهدي يابنتي عشان جسمك اللي بيتنفض دا
اهلك متقبلكوش ازي هو في كده يابنتي
ايوه ياداده هما السبب في اللي انا فيه بقيت مشرده وتايهه في الشوارع انا في الشارع بسببهم
طب اهدي وبعدين نتكلم لازم تخدي الدوا يلا اقومي عشان ادهولك ونامي يابنتي وبكره نتكلم ونفكر
في البيت عندنا
ماما تعبت بعد ما احمد اخويا ساب البيت ومشي ونقلوها المستشفى وكانت حالتها خطيره
طمني
يادكتور حالتهااي
والله ماخبيش عليك حالتها حرجه الحجه تعرضت لصدمه اثرت علي الجزء الشمال في الجسم
ياعني اي
والله الحجه جالها شلل مؤقت بالجانب الايسر بالنطق
وهنا بابا اټصدم وزعل علي ماما ونادين كانت حالتها اسوء لانها بقي المسؤليه عليها اكبر
واحمد طبعا محدش يعرف عنه حاجه
احمد اقوم يلا عشان تاكل انت بقالك يومن مكلتش
ماليش نفس معلش يااسامه اني هتقل عليك ظروف كده وهشوف مكان اقعد فيه
انا مش فاهم ليه سبت البيت ومش عاوز ادخل ومهما اي حصل بيت اخوك وصاحبك
انا اسف يااسامه المفروض مكنتش تكلمني تاني بعد اللي حصل والجواز اللي مكملش
احمد الجواز دا قسمه ونصيب يلا كل وارتاح ونتكلم بعدين
نهار جديد
صباح الخير يابنتي
صباح الخير ياداده الله انتي نمتي هنا ولا اي
اه فضلت جنبك قلبي مطوعنيش اسيبك وانتي كنتي في حاله وحشه يلا جهزتلك الفطار عشان الدوا
ماليش نفس ومش قادره احط حاجه
لا عشان الدوا وعشان تقدري تقفي علي رجليلي ومتنسيش جلسه الاكسجين كمان ساعه
حياه انتي لبستي النقاب عشان انتي حابه النقاب ولا عشان تداري وشك
سكت شوي وجاوبت عشان وشي في الاول وبعدين خدت عليه وحبيته
ياعني مش عشان ربنا
انتي عاوزه تقولي اي
عشان لو كنتي لبستيه باقتناع والسبب عشان العفه وكده كان دا يبقي واضح في كلامك انما كلامك عشان وشك
براحتك ياحياه يلا هسيبك شوي اشوف شغلي عشان مس مياده متتعصبش عليا
روحي انتي ياداده وانا هحصلك
لا خالد بيه مديكي اجازه انهارده
لا انا هشتغل انا كده ازهق من القاعده لوحدي في الاوضه
علي راحتك
في مكتب مستر خالد
خالد بوصلي من فضلك وانا بكلمك
ها سمعك اتكلمي
انت مش شايف طريقتك معايا شكلها اي
طريقه اي احنا في شغل ووسط ناس اكيد مش هحب فيكي طول الوقت
شوفت طريقتك بجد حاجه مستفزه عن اذنك
وهنا باب المكتب خبط
ادخل
خالدبيه مس حياه مصره تنزل الشغل
بلغتيها انها اجازه
بلغتها بس هي رفضت وهتنزل الشغل
خلاص ياداده روحي علي شغلك وخلي عينك عليها لحسن تتعب
تحت امرك عن اذنك
وهنا مياده بصت لخالد وايدها في وسطها
ممكن تفهمني ايه الاهتمام الزايد دا للبنت دي
عشان امانه عندنا وغلبانه
بس ياخالد عشان غلبانه
ايوه وفي حالها وعندي احساس انها وراها مشكله وهم كبير
والله ماشي ياخالد
طبعا صممت انزل وانا كنت تعبانه ومش قادره اخد نفسي واول مره احس پخنقه وانا لابسه النقاب وحاسه اني مش قادره اتنفس
وانا طالعه من اوضتي قابلت مس مياده
حمد لله على سلامتك سمعت انك كنتي تعبانه
الله يسلمك كنت تعبانه شوي بس الحمد الله بقيت احسن
طب مدمتي بقيتي احسن كنت عوزاكي تراجعي معايا حاجات في مكتبي
انا حاضر تحت امرك
خلاص حصليني علي مكتبي
اول مره يجمعني شغل بمس مياده انا شغلي امر علي اللي موجود في الدار ماليش دعوه بالارواق والحسابات بس اعمل ايه لازم اروح مكتبها وفعلا رحت وخبطت علي مكتبها
ادخلي ياحياه
تحت امرك مس مياده
تعالي ياستي في برقيات جيلنا من شركات وتبرعات منهم فعوزاكي تردي عليهم
انا مش هعرف انا معرفش الشغل دا
لا انا مجهزه الرد يدوبك هتنقلي بس علي مااجيب عصير لينا
سمعت كلمها ومسكت القلم
ومش عارفه اكتب ايه ولا انا فاهمه اللي قالته لغايه مارجعت ومعها كوبيتين عصير
اتفضلي ياحياه اشربي
لا شكرا مش هقدر اشرب حاجه
هزعل منك كده بترفضي ضيفتي ليكي
خلاص هشربه لما اخلص
طب ارفعي عشان اشوفك مافيش رجاله هنا تصدقي انتي اول وحده منقبه متمسكه بالنقاب حتي لو مافيش رجاله اللي اعرفهم اول مايكون المكان مفهوش رجاله يرفعوا اللي مغطي وشهم دا
هي بس مسأله تعود
هنا قومت وحسيت كان تلج انكب عليا من كلامها السم الچارح ومن احساسي اني عاوزه الارض تنشق وتبلعني اتلبخت وكوبايه العصير ادلقت علي المكتب والاوراق والجلافز اللي انا لابساه في ايدي
ايه دا انتي عندك بهاق معلش ياحرام هو عادي هو في ايدك بس ولا في وشك كمان
هنا قمت وكاني مش سمعاها وطلعت بسرعه علي اوضتي غيرت هدومي وندمت اني طلعت من اوضتي وفضلت في سريري ساعات لغايه مالاقيت خبط من داده حليمه
حياه حياه اقومي مستر خالد عاوزك ضروري
عاوزني انا خير
مش عارفه بس شكلها مصېبه
هنا افتكرت يكون موضوع العصير اللي وقع علي الورق
لبست بسرعه ورحت علي مكتب مستر خالد وهنا خبط الباب
ودخلت ولاقيت مياده وخالد
اهي الاستاذه الحراميه اهي
ساعتها محستش بنفسي وكان الدنيا اسودت ونفسي مش قادره اخده واغمي عليا ووقعت في الارض
بكرهها بكرهها بكرهها
نفسي ابطل الاحساس دا هو احساس الكرهه
طبعا لما دخلت مكتب خالد بعد ماطلبني وكنت متوقعه انه طلبني بسبب الاوراق اللي انكب عليها العصير ولكن اول مافتحت الباب ولاقيت مياده خطبته
اهلا بالاستاذه الحراميه
انا مقدرتش اخد نفسي واغمي عليا
في مستشفى الدار وفي غرف من غرف المستشفى كنت نايمه واول مافتحت عيوني لاقيت داده حليمه ومياده ومستر خالد والدكتور وطقم الممرضات
حمد لله على سلامتك ياامس حياه
مش قادره اتكلم وبحاول بتكلم بصعوبه الله يسلمك يادكتور
ايه دا انا شيفاكم كويس ونفسي بقيت اخده احسن حاولت احسس علي وشي ملقتش النقاب وهنا انفزعت من الخضه وقومت مفزوعه النقاب فين النقاب وبصوت عالي وانا بحاول اخبي وشي عنهم
ابعدوا عني مش عاوزه اشوفكم ابعدوا
اهدي يامس حياه كان لازم نشيله الربو اللي عندك مدمر الرئه والتنفس بصعوبه
ابعدوا اطلعوا بره
وهنا الممرضات خرجت
خير يادكتور حالتها اي دلوقتي
المريضه محتاجه لعلاج نفسي اكتر من علاج التنفس كده بدمر نفسها هي هتنام ساعه وتقدروا تدخولها بعد كده عن اذنكم
وهنا خالد بص لمياده وداده حليمه
داده حليمه روحي الدار خليهم يكتبوا علي اجازه لمس حياه
حاضر ياخالد بيه
وانتي ياست مياده اللي حصل مش هعديه لكي خطبتي بره الدار انما حركات التطفيش اللي بتستخدميها لكل حد يجي يشتغل مش هسمح بيها مع البنت دي
متابعة القراءة
