رواية بيدى لا بيد عمرو
المحتويات
لحظات وستتوجه شيرين الي السوق لتشتري طلبات البيت
بينما كانت شيرين تتجهز للنزول كانت عبير تجلس امام التلفاز في شقتها لتتابع اعادة المسلسل التركي رغم انها قد شاهدت الحلقة بالامس الا انها ستشاهد الاعادة مرة اخري وفي ذلك بالتأكيد حكمة لانها ستمعن النظر في الاحداث وتشاهد بمزاجا اكبر
اما ميار فجلست امام اللاب توب الخاص بها وبدأت تقرأ وتتابع احدي المواقع النسائية وهي تشرب كوبا من الشاي الاخضر حينها كانت ريم لاتزال كعادة كل يوم نائمة في سريرها رغم ان الساعة قاربت علي الحادية عشر
نزلا سويا علي السلالم باتجه حمام المدرسة
يمني مستر محمد ياسين ده اعوذ بالله بجد انا مش طايقاه
سلمي دلوقتي تلاقي نص الفصل في الحمام مزوغين
يمني صحيح يا سلمي احنا فعلا معانا بنت في المدرسة هنا طلعت متجوزة عرفي
سلمي ايوة يا بنتي موضوع البت سهي استغفر الله العظيم انا مش عارفة حب وجواز ايه ده واحنا لسه في تانية ثانوي
يمني تعرفي قلبي بيوجعني اوي لما احس ان في بنت اتعرضت لحاجة زي دي
سلمي هي اللي غلطانة يا يمني المفروض اننا نراعي اهالينا ومن قبل اهالينا نراعي ربنا كويس مش معقول يبقي بابا وماما حاطين فينا ثقة نقوم نستغلها ونعمل كده
يمني وهم يقتربون من الحمام اهو انا كل ما باسمعك بافتكر يحيي
سلمي بتلعثم يحيي وانا مالي ومال يحيي
يمني وهم يدخلون الحمام انا قولت حاجة انا باقول بتفكريني به
ليقطها صوت احدي من كانوا بالحمام
بسنت ده مين بقي ده اللي سلمي بتفكرك به امال يعني عاملة علينا احنا بس الشيخة يمني
لتقاطعها زميلة اخري وتسحب من بكرة خيط بجانبها اعدليلي وشك بقي يا بسنت خاليني اعرف اخلص
سلمي باستغراب انتم بتعملوا ايه انتم قالبتوا المدرسة كوافير ايه اللي بتعمليه ده يا سالي
سالي لسلمي باعمل لبسنت وشها تيجي اعملك وشك
يمني باستغراب في المدرسة
بسنت بضحك اهو تبقي المدرسة فاديتنا بحاجة ما خلاص هو بقي في تعليم
لتقاطعهم اخري طب خلصي يا ختي انتي وهي زمان محمد ياسين قربت حصته تخلص
يمني لبسنت بلاش حواجبك عشان حرام بجد
سالي ليمني دي نضافة يا بنتي
سلمي لسالي لا ده نمص والرسول صلي الله عليه وسلم قال لعن الله النامصة والمتنمصة
بسنت انا باظبطهم بس وبعدين انا لو ماعملتهومش الناس حتنتقدني
سالي بضحك الناس بردوا ولا الجو
يمني لسالي الجو قصدك ايه
سالي للكل وهي تمزح بجد ان ليه حاسة ان يمني وسلمي واقعين هنا غلط مش عارفة الجو يا ست يمني يعني البوي فريند بتاعها
لتضربها بسنت علي كتفها ايه يا هبلة انتي حتسيحيلي ولا ايه اعوذ بالله منك
سلمي بضيق طب بزمتك يا بسنت ده سن اصلا نحب فيه يا بنتي طب ومذكرتنا طب البلاش المذكرة خافي علي نفسك
بسنت وهي تغمر وجهها بالماء اعوذ بالله يا سالي ده انتي ايدك تقيلة اوي
ثم تنظر لسلمي انا باعرف احافظ علي نفسي كويس ثم انا بقي يا ستي ادبي وعندي وقت للمذاكرة واشياء اخري
لتتعالي ضحكات الواقفين بالحمام الا سلمي ويمني ثم يضرب الجرس معلنا عن انتهاء حصة مستر محمد ياسين
لتتجه يمني وسلمي مرة اخري الي الفصل بينما المتبقين في الحمام لايزال امامهم اشياء اخري
امام باب شقتها زفرت وهي تضع الاكياس من اجل فتح الباب لتسمع صوت فتح الباب في الشقة المقابلة
لتطل عبير وهي تحمل في يدها قارب بلاستك
عبير وهي تخرج من الشقة ازيك يا شيرين
شيرين وهي تخرج مفتاحها لتفتح ازيك يا عبير عاملة ايه والولاد عاملين ايه
عبير الحمد لله كويسين عمرو والعيال عاملين ايه
شيرين الحمد لله انتي نازلة عند ماما
عبير ايوة حضرت الخلطة وماما سلقت الكرنب تتغدوا معانا محشي انهاردة
شيرين الف هنا وشفا يا حبيبتي احنا عندنا سمك تيجي انتي
عبير بالهنا والشفا يلا عايزة حاجة مش حعطلك بقي
شيرين ماشي يا حبيبتي منحرمش منك
ليدور المفتاح في الباب لتفتح شيرين تحمل الاكياس و تتوجه بها الي المطبخ تعود ناحية الباب لتجلب اكياسا اخري ثم تغلق الباب لتبدأ باخراج ما اشترت الي التلاجة تضع الخيار الطماطم الجزر الفلفل
ثم تكمل اخراج ما تبقي الي ان تجلب قاربا بلاستيك كبير لتضع فيه 2 كيلو من السمك البطلي تغمره بالماء ثم تضع القارب جانبا
لتذهب اخيرا الي حجرة نومها لتبدل ملابسها لتخرج جلبابا فضفاضا وايشارب صغير ترتدي الجلباب والاهم تعصب رأسها بالايشارب وتتوجه الي المطبخ لتفترش الارض وقد احضرت السكين والمقص وجلست وجها لوجه امام السمك البلطي من ان لاخر كانت تمسح جبهتها بظهر كف يدها ودون تعمد منها كانت تلتصق بعض قشور السمك علي وجهها باتقانا بالغ كانت تنظف شيرين السمك بغض النظر عن العواقب المهم دائما الاتقان في العمل
واخيرا انتهت لتقوم للحوض وهي تغسل سمكة سمكة ثم تضعه في ماء وملح ثم تغسل يدها نظرة خاطفة علي فوطة المطبخ ولكنها ليست هنا اذا جلبابها سيفي بالغرض مسحت يدها في جلبابها ثم قررت ستصلي الظهر ثم تكمل الغداء
الي الدور الاول كانت عبير قد وصلت لتستكمل مع امها تحضير المحشي بات كل شئ جاهز ليفترش الاثنين الارض ويبدأون في لف ورق العنب والكرنب وهم بتأكيد سيصلون الظهر فور انتهائهم
عبير وهي تضع علي يدها ورقة كرنب وتلفها هو كريم ده مش بيجي الا كل جمعه وخلاص علي كده اللي ما شوفته مرة جاب هدية لعلا ولا خارجها خروجة حلوة عفانة من اولها كده
مديحة بت يا عبير ملكيش دعوة باختك وخطبها ولسانك الزالف ده ابوس ايدك متجبيلناش الكلام مع عمرو
عبير بضيق يوووو يا ماما هو انا قولت حاجة انا خايفة علي علا مش اكتر مش حاسة انه مهتم بيها كده مش حساهم مخطوبين صحيح بخت امي حطتهولي في كمي ولا كبيرة فلحت ولا الصغيرة هي روخرة
مديحة تصدقي يا بت انتي انا خلصت فيكي الكلام والله ده بدل ما تحمدي ربنا علي مصطفي الراجل البلسم وعلي عيالك علي طول كده
عبير بسخرية الراجل البلسم يا ريتو يختي كان بلسم كان حتي طرالي شعري قال بلسم قال ياما كان نفسي كده اجوز واحد زي عمرو شخصية مش مصطفي اللي اول ما عمرو يشخط الشخطة من دول يبقي اول واحد يهر الله يسامحه بقي بابا مكنش لاقي الا اللي واخد دبلوم
مديحة يا بنتي انت ايه انت بقالك 20 سنة بتعيدي وتزيدي في نفس الكلام 20 سنة يا عبير حرام عليكي يا بنتي ده انت عيالك بقوا طولك
عبير عيالي اسكتي يا ماما وبلاش تفكريني بخبتي التقيلة في عيالي بقي ابن عمرو يدخل هندسة وطارق تجارة صحيح وهو حيفلح لمين
مديحة بغيظ بت يا عبير انتي بتقري علي عيال اخوكي يا بت
عبير باضطراب اقر ايه يا ماما بسم الله ماشاء الله علي يحيي انا قلت حاجة
مديحة بضيق استغفر الله العظيم يا رب اقول ايه بس ربنا يهديكي يا عبير يا بنتي
الي الدور الثاني كانت ميار قد انهت ترتيب المنزل وجمع الملابس المتسخة الي الغسالة ثم وقفت امام الثلاجة لتكتب في ورقة ما قد نقص المنزل ثم نظرت الي الجدول الذي اعدته لاكل الاسبوع
يوم الثلاثاء بيتزا
اعدت لستة بالطلبات التي ستشتريها انهت صلاة الظهر وقررت ان تشتري ما ينقصها الي يوم الخميس
الي باب الشقة المقابلة توجهت وطرقت الباب وهي لا تعرف هل استيقظت ريم ام لاتزال نائمة
بتثاقل بالغ استشعرت ريم ان هناك احدا بالخارج فتوجهت لتفتح وبمنظر المستيقظة من نومها وهي تسأل قبل فتح الباب
ريم وهي نائمة مين
ميار انا ميار يا ريم
فتحت ريم الباب وهي تتأوب صباح الخير يا ميار
ميار باستغراب انتي لسه نايمة يا مفترية الساعة 12ونص
ريم بتثاقل ادخلي طيب الاول وبعدين ما انتي عارفة عقبال لما العيال يناموا بقي
ميار وهي تدخل ايوة يا ريم بس انتي كده قالبة حياتك يا بنتي
ريم ما هي مقلوبة من يوم ما الواحد اجوز يا اخوتي يلا منك لله يا اللي اتجوزت وما نصحتنيش ومنك لله بردوا يااللي حتتجوز ولا تسألنيش
ميار طب يا حكيمة زمانك انا نازلة اجيب طلبات للبيت اجيبلك معايا حاجة
ريم والله يا ميورة الواحد مش عارف يقولك ايه بس المشكلة ان انا اصلا مش عارفة انا عايزة ايه
لتضرب ميار كفا بكف وهي تبتسم والله عم
ريم بضحك متقلقيش يا ميار اللي يدخل بيت السويفي لازم يخش الجنة
لتقف ريم الثلاجة وهي لا تفهم شيئا نظرت نظرة عامة وجدت اشياء كانت بحاجة الي ان ترمي واشياء لم تأكل واشياء منسية واشياء ليس لها علاقة بها اغلقت الثلاجة وهي لاتزال علي حيرتها فتحت الفريزر لتبحث مرو اخري واخيرا هناك كبدة
ريم طب تمام طلع عندي كبدة ممكن بقي كيس مكرونة وحبة سلطة واهو اليوم يتقضي ولا ايه
ميار وهي لاتزال علي استغرابها ولا ايه طب وبكرة
ريم بكرة حاسيب البنات معاكي او مع ماما و اجيب بقي شوية حاجات للبيت انتي بس هاتيلي كيس مكرونة وعلبة صلصة وخلاص علي كده
ميار وهي تخرج للباب خلاص ماشي
ريم وهي تجلب المال لتعطيها اياها وهي توصلها والفلوس اهه معلش
ميار وهي تخرج من الشقة يا ستي ما بين الخيرين حساب مش عايزة حاجة تانية بس
ريم وهي تودعها لا كتر خيرك
لتتجه ريم الي الداخل فامامها دقائق وستستيقظ البنات نظرة سريعة في المرآة لتغسل وجهها و تتوضأ من اجل صلاة الصبح و الظهر جماعة لتخرج ذات العينان البنية والشعر البني والبشرة البيضاء فقد كانت تشبة كريم اخيها الاكبر من الحمام من اجل الصلاة لتبدأ يومها بعد الواحدة ظهرا
طرقت ميار باب شقة حماتها قبل الخروج لم يكن مغلقا وسمعت من يقول ايوة يا اللي بتخبط الباب مفتوح
لتدخل ميار لتلقي السلام علي حماتها واخت زوجها
ميار سلام عليكم يا ماما سلام عليكم يا عبير
مديحة مبتسمة وعليكم السلام يا ميار ايه عندكم اكل ايه انهاردة زمانك خلصتي الاكل انا عارفكي شاطرة
عبير لميار امال علي فين كده
ميار لاثنين انا حاعمل بيتزا جهزت الصواني بس كان ناقصلي كام حاجة كده حاروح اجيبهم للبيت ما تيجي تتغدي معانا يا ماما
مديحة كتر خيرك يا بنتي تيجي انتي تأكلي معانا عندنا محشي
عبير بسخرية محشي هي ميار بردوا تاكل محشي ودايت يبوظ
ميار بضحك لا بس المحشي بتاعك انتي وماما يا ابلة عبير لا يقاوم مينفعش الواحد يعمل قدامه حاجة
مديحة ربنا يخليكي يا ميار طب روحي يا بنتي عشان متتعطليش
لتلتفت لتخرج فتستوقفها عبير هو علي لسه مسألش علي الدكتور اللي مصطفي قاله عليه
ميار بضيق ما انتي عارفة يا ابلة اني علي مبقاش عايز حد يتكلم في الموضوع ده
عبير بسخرية اه نسيت صحيح ان علي مش عايز حد يتكلم في الموضوع ده طيب
ميار وقد شعرت بالحزن طب سلام يا ماما
لتتجه ميار لتخرج خارج المنزل فتلتفت مديحة لبنتها
مديحة بضيق يعني انا بس اقولك ايه انتي مفيش مرة حتشوفي فيها مرات اخوكي الا وتتكلمي في موضوع الخلفة
عبير بعصبية يعني اخويا شبابه يضيع جنب واحدة مبتخلفش يا ماما علي دلوقتي لو اتجوز يقدر يجيب عيال انما بعد كده خلاص لا حتنفعه ميار و لا سهوكة ميار
ثم تقوم بتقليدها ساخرة عندنا بيتزا يا ماما ما تطلعي تتغدي معانا قال بيتزا قال ده علي خس النص يا قلب اخته من اكلها المايع
مديحة بضيق ملكيش دعوة يا عبير سامعة يا عبير ملكيش دعوة باخواتك كل واحد ولي حياته مدخليش نفسك فيهم وتعملي زعل وخلاص
عبير وانا قلت حاجة وعموما وانا مالي هه دع الخلق للخالق
الي شقة ريم مرة اخري وقفت في منتصف الصالة تفكر بما تبدأ هل تغسل المواعين او تكنس او تفطر و تفطر بناتها او تعد الغدا او
لتسمع صوت بناتها قد اعلن عن استيفاظهم وبالتأكيد لن يكون امامها سوي اعداد الغدا تفاديا للشجار بينها وبين علاء لينزل بناتها الاثنين من فوق السرير
اروي ثباح الخيل
ريم وهي تضحك نفسي اعرف من اللي اكل منك نص الحروف يا اروي اسمها صباح الخير
اروي ماسي
اما جني فبكت من اجل ان ترضع لحظات وتوجهت ريم بيهم الي المطبخ حضرت من علبة السيريلاك الخاص بجني طعاما من اجل جني
اما اروي فسندوتش من العيش الفينو به جبنة تركي وخيارة
لتبدأ ريم في اطعام الصغيرة بيدها اما اروي فتفتح السندوتش لتاكل ما بداخله ثم تترك العيش
ريم لاروي كلي السندوتش كله
اروي بلامبالاة طيب
ريم مكررة سامعة يا اروي
لتسقط من يد اروي الخيارة فتبدأ تبكي وتصرخ لتلتفت ريم التي كانت قد اجلست جني علي الرخامة لتطعامها الي اروي التي امسكت بملابسها باكية
اروي اغسليي خيالة تانية
ريم في محاولة لاسكاتها حاضر حاغسلك دي
اروي وهي تبكي لا دي بقت وووحشة
ريم بصوت عالي اسكتي يا اروي بقي حاضر يا اروي حااااااااااااااضر
لتترك معلقة اطعام جني من يدها وتتوجه الي لاحضار خيارة اخري وهي تقضم الخيارة الاولي بفمها لتغسل لاروي خيارة اخري وقبل ان تقف امام جني كانت جني قد اخذت المعلقة لتقلد امها وتطعم امها فسكبت بالمعلقة فوق شعر ريم
ريم بغيظ وهي تري السيريلاك علي شعرها ايه ده
ليرتسم علي وجهها علامات تقزز وتضرب بيدها علي الرخامة
تبادلها جني الضحك فتعيد الكرة وتسكب عليها معلقة اخري وهي تظن ان امها تلعب معها لتستشعر اروي الغيرة وتقرر ان توقف لعب امها مع اختها فتسحب الطبق لتسكبه كله علي وجه ريم
ريم صارخة كفاية كفاية كفاية
ليطرق الباب فتجري اروي لتفتح
ميار لاروي فين ماما
اروي بتثرخ في المتبخ
ميار باستغراب وهي تتجه للمطبخ بتصرخي ليه يا
ميار وقد بدأت تضحك ايه اللي انتي عاملها في نفسك ده عاملة ماسك سيريلاك
ريم بغيظ اضحكي يا اختي اضحكي
ميار طب روحي اغسلي وشك وانا حاقف مع عيالك
سحبت ميار البنات وخرجت خارج المطبخ لتضطر ريم لتبديل ملابسها وغسل شعرها الذي كان اساسا لم يصفف منذ يومين
واخيرا الاربعة كل منهم في شقتها امام البوتاجاز الخاص بها
شيرين امام مقلاية السمك
عبير امام حلل المحشي
ميار تضع صواني البيتزا في الفرن
وريم تضع الماء للمكرونة وقد تبلت الكبدة
لتبدأ ابخرة الطعام في الصعود عبر الشفاط ومنه الي المنور
اقل من سويعات تفصل البيوت الاربع عن حضور ازواجهم بينما الابناء قد بدأوا في التوافد علي شقة شقة
واخيرا يدور مفتاح باب البيت ليبدأ العائدون من اعمالهم في الرجوع
لتدخل علا وقد رجعت بسيارة اجرة
ثم بتباعها علاء الذي دخل الي منزل امه فقد كان الباب مفتوحا
علاء مازحا ياااااااااااااااا سلام هي ريحة المحشي دي في بيت السويفي ولا دي الكاميرا الخفية
لتلتفت علا لا دي هنا ماما وعبير عاملين محشي للشارع كله تقريبا
مديحة ما انتي عارفة انا بحب اوزع علي اخواتك
علاء مازحا طب انا عايز الحلة بتاعتي
مديحة بضحك حلة بحالها
ليقاطعهم طرق علي مساء الفل حلة ايه بقي
علا حلة محشي ايه جيت بدري انهاردة مكنش عندك صبة زي امبارح
علي لا انهاردة مكنش عندنا شغل زي امبارح
مديحة وعلاء امبارح كمان اتأخر هو مصطفي جوز اختك
ليقاطعهم صوت مصطفي مازحا مصطفي جه اهو اصل امبارح كان وصل عربيات عفش من دمياط وكان لازم اتمم عليها واتغديت مع العمال في المخزن
علا اهي ابلة عبير عوضتك انهاردة وعملتك محشي
مصطفي فيها الخير والله ام طارق انا طالع بقي عايزين حاجة
ليرد عمرو الذي كان يغلق باب البيت خلفه بينما يتجه مصطفي للصعود
عمرو لا يا سيدي اطلع لام طارق
مديحة هو مفيش غير عمرو اللي نظبط عليه الساعة في البيت ده
ليدخل عمرو مبتسما السلام عليكم
الاخوة الاربعة والام وعليكم السلام
عمرو خير الله ما اجعله خير كلكم جيتوا في مواعيدكم
ليرد علاء انا خلصت شغلي بدري ورجعت مسهرتش في الشركة زي امبارح وعلي بيقول مكنش عنده شغل في الموقع زي امبارح
عمرو طيب اطلع انا بقي عايزين مني حاجة
مديحة استني خدلك طبق محشي
ليتجه عمرو صاعدا الي شقته بطبق المحشي يتبعه علاء وعلي
ليجتمعوا اخيرا كل منهم في منزله حول السفرة من اجل الغدا
والبداية ب اللهم بارك لنا فيما رزقتنا وارزقنا خيرا منه وقنا عذاب النار
الف هنا وشفا
الحلقة الرابعة
الي يوم جديد من ايام منزل السويفي وقفت شيرين امام البوتاجاز تمسحه من اثار سمك الامس اما عبير ففي شقتها تشاهد اعادة المسلسل التركي ميار امام الحاسوب وريم
عندها كانت علا تخطو باتجاه سكشن 3 للفرقة التانية بكلية صيدلة
لتقف علا بثقة امام الطلبة لتبدأ صباح الخير
الطلبة صباح النور
علا عندكم امتحان في السكشن النهارده حد ذاكر
لم يجبها احد فابتسمت طب علي خيرت الله نلغيه ولا ايه
ليجيبها الجميع يا ريت يا دكتورة
علا بحزم يلا اتفضلوا عشان دكتور جلال اللي حط الامتحان ومدته تلت ساعة بس اللي يكتب اي compound يكتب كل ال بتاعته مفهوم
لتسمع الرد مفهوم يا دكتورة
حينها كان كريم ينزل من سيارته امام احدي الجامعات الخاصة ليدخل دكتورة كريم المعيد بقسم عمارة كلية هندسة وبالتأكيد تتبعه عيون كل البنات ليشعر كريم ذاك الاحساس امام نفسه انه اكثر بكثير مما تستحق علا
الي احد السكاشن وقف كريم ليشرح السكشن ومن ان لاخر بالتأكيد يمزح لتعلو ضحكات البنات علي مزاحه ثم ينهي الشرح ويبدأ بالتجول وسط السكشن ناظرا في كل اسكتش امامه وهو يمسك القلم الرصاص من كل واحدة منهن من اجل اصلاح رسومتهن وطبعا لن ينسي ان يعلق علي كل رسمة ويا حبذا لو ضحكت هذه وردت تلك فما احلي اتقان العمل
في مكتبه وامام حاسوبه الخاص ليتابع اخر الابحاث العلمية بدي واضحا علي عمرو الانهماك في عمله حتي قاطعه طرق الباب رفع وجهه ليرد ادخل
لتطل برأسها احدي طالبته في الكلية مبتسمة صباح الخير يا دكتور عمرو
لينظر عمرو الي من اتت لتقف امامه وهي ترتدي اضيق بنطلون جينز رأه في حياته وبدي مفتوح وجاكت قصير اقتربت خطوات من مكتبه ووقفت امامه لتقول معلش يا دكتور عمرو انا في جزء مكنتش فاهمته في محاضرة حضرتك ممكن اسأل عليه
عمرو بتلعثم وهو يحاول ان يتفادي النظر لها اتفضلي
اقتربت اكثر حتي جاورت مقعده ووقفت الي جانبه نزلت الي جواره وهي تضع كشكولها الخاص علي المكتب ثم اقتربت منه اكثر لتكن امامه وجها لوجه ثم اشارت باصبعها علي الجزء الذي تريد منه شرحه ليستشعر عمرو انه تصبب عرقا من شدة اقترابها وهو لا يزال يحاول مفادت النظر لها ليخرج صوته بالشرح وهو لا يعرف من اين يخرج لتقف الي جواره وهي تنظر له بهيئتها وتعيد كلامه وتحاول ان تسأل لتمر لحظات علي عمرو كان الضيق عنوانها حتي خرجت
زفر عمرو بشدة وهو يشعر ان ضربات قلبه تعلو و تهبط فيملئ الضيق نفسه وهو يفكر بزوجته المصونة التي بالتأكيد عند هذه اللحظة هي في المطبخ
وبالفعل كانت حينها شيرين تفترش الارض امام صنية كبيرة وبيدها مخرطة الملوخية وهي تحرك يدها من اجل تخريطها
اما ريم فتوجهت للسوق من اجل شراء طلباتها التي من الاساس لا تعرفها توجهت بمصروف بيتها الي السوق وبدأت بالشراء وكلما رأت شيئا فكرت به انه سينفع ولن يخسر اذا ساشتري
لتقف امام كل بائع تتسوق حتي انهت ما في جيبها وعادت الي بيتها والي هذه اللحظة لا تعرف صدقا ماذا ستطبخ لليوم
ليلتفت علاء حينها الي سهيلة وهو يمعن النظر فيها ها يا انسة سهيلة المدير لي اي طلبات تانية ولا كده خلاص
سهيلة بدلال لا ميرسي اوي يا مستر علاء
علاء انا تحت امرك يا انسة سهيلة انتي بس تأمري
الي مكتبه طرقت بابه لتدخل
داليا بدلال اقول جود افتر نون بقي ولا ايه
التفت بعد ما كان منهمكا امام حاسوبه ووقف من مكانه وتوجه اليها
كريم مبتسما انتي بذات تقولي اللي انتي عايزاه يا حبي
داليا وقد اقتربت منه لتقف امامه ممكن اعرف بقي عملت ايه في موضوع علا ولا بردوا لسه مش قادر تفسخ الخطوبة
كريم بضيق انا سبق وقولتلك اني حتصرف يا داليا وعموما احب اقولك اني يمكن اقابل عمرو انهارده او بكرة واكلم معاه في الموضوع ده مع اني لسه مش عارف ايه اللي ممكن يحصل
داليا وقد عقدت ذراعها امام صدرها اسمع يا كريم ممطلة في موضوع علا اكتر من كده انا مش حاسمحلك متنساش انك دخلت بيتنا وطلبت ايدي من بابي وده طبعا باعتبار انك مش خاطب والكلية كلها هنا عارفة اني خطبتك فلو في نيتك حاجة
وقبل ان تكمل قاطعها باضطراب لا يا داليا انتي عارفة انا لو مكنتش ناوي افسخ خطوبتي فعلا مكنتش اقدمتلك رسمي
داليا طب وليه مش عايز تواجه علا وكل كلامك بس عن انك تكلم اخوها لو قلت لعلا انك مش عايزها الموضوع حيخلص في ثانية معتقدش علا تقبل تفضل معاك وانت بتحب واحدة تانية ولا ايه
كريم ولايزال علي اضطرابه سبق وقولتلك مقدرش اعمل كده في بنت عمي مقدرش اجرحها في وشها يا داليا
داليا بضيق انت بتحبها
كريم باضطراب لا طبعا
داليا وقد نظرت له بحدة وهي تقترب من الباب لتخرج طب انا احب افكرك ان مش داليا المليجي اللي يتلعب بيها يا بشمهندس
فتحت الباب لتخرج ثم عادت والتفتت علي فكرة بابي معجب بمشروعك اوي وبيقول انه ممكن يساعدك في تنفيذه تقدر تتصل به انهاردة باي
لتخرج داليا تاركة كريم وسط حايرة لا يعلم مدها غيره بين زواجه بالاكراه من ابنة عمه وزواج المصلحة من الانسة داليا
دخل عمرو بيته مبكرا علي غير العادة والضيق يلفه زفر وهو يغلق الباب خلفه ببطئ لم تشعر شيرين بسببه انه اتي
حينها كانت ميار قد انهت اعداد الغدا وتوجهت الي الحمام من اجل تبديل ملابسها و الاستعداد لعودة زوجها
اما علي علي مكتبه شاردا في حاله وسره الذي لم يعد يستطيع اخفاءه اكثر من ذلك ليقطعه من شروده ماجد وهو يسأل عن اخبار العمل بالوحدات السكنية الجديدة بالموقع
ماجد علي اخبار شغل G R C اللي في واجهات الفيلل الرئيسية خلص ولا لسه ولا بشمنهدس شاكر علي يا علي
ليستفق علي من شروده ايه يا ابني فينك
علي باضطراب ابدا ايه كنت بتقول ايه
ماجد ده انت مش هنا خالص كنت فين يا عم ايه اللي واخد عقلك
علي بضيق تفتكر لو اخدت كام يوم اجازة من الشركة بشمندس شاكر يوافق
ماجد باستغراب عايزة اجازة ليه يا علي
علي ابدا يمكن اسافر في اي حتة اغير جو اليومين دول مخنوق ومش طايق نفسي وبافكر اغير جو بجد ويمكن اخد مراتي
ماجد معتقدش بصراحة بس حاول مع البشمندس شاكر وشوف
ليدخل عمرو المطبخ ببطئ وهو ينظر الي المنهمكة في تحضير الغدا الفها بذراعه وهو يهمس في اذنيها الجميل عاملنا ايه انهارده ايه علي الغدا
لتلتفت شيرين بانزعاج عمرو ايه يا اخي خضتني
ليبتعد عمرو خطوة للخلف وهو يرد ايه يا شيرين براحة يا شيخة
شيرين باضطراب انت جيت امتي
عمرو بضيق لسه جاي دلوقتي حسيت اني مرهق شوية قلت اجي بدري
شيرين بقلق مرهق مرهق ازاي يعني
عمرو مبتسما قلقانة عليا
شيرين وهي تلتفت الي البوتاجاز غير عابئة ما انا قولتلك ميت مرة بلاش القهوة والشاي الكتير دول غلط علي الصغيرين ما بالك اللي في سنك
عمرو بغيظ ماله سني انتي فاكرني كبرت خلاص كل شوية سنك سنك
شيرين هو احنا حنهرب من الحقيقة يا عمرو
عمرو بضيق وهو يخرج من المطبخ لا مش حنهرب يا ستي ارتحتي كملي الغدا بقي وخليكي قدام البوتاجاز واعمليلي شاي
زفر وهو يخرج خارج المطبخ ليزيد نفورها الدائم من ضيقه كلما حاول الاقتراب منها بات عليها ان تذكره انه لم يعد يصلح لكي يكون زوجا بات عليه صباح مساء ان يعتبر نفسه رجلا ينتظر الموت لان رجلا في الخمسين وامرأة في الاربعين داخل قاموس شيرين السويفي لا يستحقان ان يحيا كزوج و زوجة
ليقف عمرو امام المرآة عند هذه اللحظة ويشعر بالاسي اكثر فاكثر ليطل وسواسه الي اذنه ضاحكا منه عمرو يا يا عجووووز
ترجل الي داخل المعرض باحثا عن والده ليستوقفه
عبد الرحمن طارق ازيك يا طارق فينك يا ابني
طارق وهو ينظر داخل المعرض اهو في الكلية ما انت عارف بقي
عبد الرحمن الله يعينك يا عم عموما الحاج خرج وقال عنده كام مشوار كده وبصراحة مش عارف حيرجع امتي تحب تستناه
طارق طب هو اكيد حيرجع ولا حيروح علي البيت
عبد الرحمن الحقيقة مش عارف بس انت ممكن تكلمه وتشوفه
طارق ما انا باكلمه من الصبح تليفونه مقفول عموما انا مروح وما يجي ابقي اقوله اني جيت
لتدخل يمني الي شقتها وهي تلتفت لسلمي سلام بقي يا سمسم مش عايزة حاجة
سلمي لا يا يويو بس ابوس رجلك يا شيخة تلبسي بدري عشان منتأخرش علي درس ال math ممكن
يمني و هي
________________________________________
تستأذن لتغلق
لتلتفت لوالدتها السلام عليكم ورحمة الله وبركاته
عبير من المطبخ يا اهلا يا اهلا انتي عندك درس انهارده يا سلمي
سلمي وهي تتجه للمطبخ ايوة يا ماما انتي ناسية الاربع عندي math انا ويمني
عبير وهي تحضر الاطباق هو مش يمني علمي علوم وانتي رياضة
سلمي وهي تسحب خيارة لتأكلها ايوة يا ماما ما احنا كل المواد زي بعض وكل الدروس مع بعض ماعدا بكرة الخميس هي عندها بيولوجي و انا عندي كيمياء
عبير بضيق يعني يمني تحط عينها علي طب وانتي لا
سلمي وهي تزفر وقد قررت الاتجاه الي غرفتها يا ماما كل واحد وميوله
عبير ساخرة يا ماما كل واحد وميوله اهو ده اللي انتي واخوكي فالحين فيه
فتح باب الشقة بالمفتاح لينظر الي البيت المقلوب دائما زفر وهو يضع حقيبته و ينظر الي ريم التي لا يعرف اين هي فقرر ان ينادي يا ست ريم
لتخرج ريم من الحمام وهي تحمل جني وتبحث عن منشقة ثم تقترب من علبة حفاضتها وتسحب واحدة وهي ترد انا هنا اهو
علاء بضيق طب كويس فين الغدا
ريم ولازالت الي جوار جني تبدل لها ملابسها خلاص الاكل خلص 10 دقايق بس كنت باغير للبنت وبعدين
وقبل ان تكمل قاطعها علاء ييييييييييييييي اوف بقي يا شيخة مفيش مرة تغلطي واجي الاقي الغدا جاهز دي بقت عيشة تقرف
ريم وهي تجري الي المطبخ خلاص يا علاء اهو والله معلش والله معلش انا بس اللي اخرني اني روحت السوق انهاردة
علاء بعصبية وهو يدخل الي الحمام وامبارح ايه اللي اخرك واول امبارح تصدقي يا شيخة انا ساعات بيبقي هاين عليا مطلعش البيت ده واكل عند امي بس اقول ايه اخلصي
ليملئ ريم الضيق وهي تحاول ان نتهي ما لديها ولكن كعادة كل مرة لن يمر اليوم ابدا بدون شجار باتت ريم اقصي امنية لديها الا تتشاجر هي وعلاء بات احد احلام حياتها
ليسمع علاء وهو يخرج من الحمام صوت شيئا يكسر فينادي غاضبا يا ست ريم يا ست ريم هانم
ريم وقد حاولت وبشدة التماسك حتي لا تبكي واتجهت نحوه ايوة يا علاء حاضر
علاء بعصبية قولت بدل المرة الف الكوبايات والحاجات اللي ممكن تتكسر او تعور العيال تتشال من قدامهم قلت ولا مقولتش
ريم بانكسار قلت
علاء امرا اتفضلي بقي يا فالحة لمي اللي اتكسر يلا
ريم وهي تتجه الي المطبخ ودموعها كالعادة لن تخذلها ونزلت حاضر حاضر حاضر
امام الباب استقبلته مبتسمة
ميار وهي تحمل عنه الحقيبة حمد لله علي السلامة
علي مبتسما الله يسلمك ايه روايح حلوة اوي
ميار وهي تتجه الي دولابه انهارده عندنا سمك معمول في الفرن حيعجبك اوي
علي وهو لا يزال علي ابتسامته انا قصدي ريحة البرفان بتاعك
ميار بدلع بقي كده ماشي انا رايحة احضر الغدا ولا حتتغدي برفان
علي بخبث هو انا ممكن اتغدي حاجة تانية بس كمان شوية
ميار طب يلا علي السفرة
باتجه باب الخروج توجهت علا للخروج خارج الكلية لتجد صوتا من خلفها ينادها مستوقفا
احمد دكتورة علا يا دكتورة
التفتت باستغراب لترد خير يا دكتور احمد
احمد خير كويس اني لحقتك كنت عايز اديكي الكتاب ده
علا باستغراب وهي تنظر للكتاب ده بتاع ايه
احمد ده كتاب لقيته عندي اعتقد حينفعك في موضوع الرسالة بتاعتك و
وقبل ان يكمل وجد من وقف في المنتصف والضيق يعتلي كل ملامح وجهه لينظر احمد له شذرا ايه قلة الذوق دي يا حضرت
كريم بغيظ انا لو قليل الذوق يبقي انت قليل الادب
احمد بعصبية انا مسمحلكش و
ليقطعه صوت علا باستغراب من وجود كريم وقد احمر وجهها كريم انت ايه اللي جابك
ليستشعر احمد الاحراج من وجود خطبها ويتوجه لعلا انا اسف يا دكتورة افتكرته حد بيعاكس
ثم نظر لكريم شذرا اسف معلش
ليلتف راحلا عنهم وهو مملوء بالغيرة عندها عقدت علا يدها امام صدرها ونظرت بضيق لترد ممكن اعرف ايه الي جابك
كريم بغيظ والله انت كمان ليكي عين تردي
علا بتحدي ليه ان شاء الله اولا ده زميلي ثانيا انا كنت باخد منه كتاب عشان الماجستير بعدين روح بص علي صفحتك اللي علي الفيس بوك الاول وبعدين اتكلم
كريم بتحدي ولكن مبتسما اوبا ده انتي بتشوفي صفحة الفيس بتاعتي اهو لا وكمان غيرانة عليا
علا وقد ازاده كلامها ضيق غيرانة هي مين دي اللي غيرانة عموما دي كانت مرة بالصدفة مش اكتر وعشان انهي الكلام اللي ملوش لزوم ده انا مضطرة امشي عن اذنك
كريم وقد وقف امامها عن اذنك هو انا جاي اوصل احمد اتفضلي يلا عشان اوصلك
علا لا انا حاخد تاكسي
كريم بضيق متعصبنيش يا علا واقصري الشر
علا قلت لا
كريم وهو يزفر ماشي يا علا والله لاقول لعمرو علي عمايلك دي لما اشوف اخرتها معاكي
ليلتفت ليركب سيارته وهو يضرب كفا بكف ادار محرك السيارة بضيق وهو يتغط باسنانه علي شفتيه
اما علا فركبت تاكسي امامه وابتسمت وهي تركب غير عابئة به لينظر كريم بغيظ لها وهو يضرب يده علي الكرسي الذي يجاوره والله العظيم لاوريكي
لتمر السويعات بين الغدا والنوم وقت القيلولة حتي يتجه يحيي الي غرفة ابيه
يحيي لكي يوقظ ابيه بابا اقوم يا بابا تليفونك بيرن
عمرو بتثاقل مين يا يحيي
يحيي دكتور خالد يا بابا
عمرو وهو يسحب الهاتف ليرد ايوة يا خالد ايه خير
عملية امتي
طب ماشي خلاص ان شاء الله سلام
لتقاطعه يمني وهي تدخل بابا انت عندك بكرة عمليات
عمرو وينزل من سريره ايوة يا ستي
يحيي بصراحة انا مش عارف يا بابا ازاي تفتح مخ واحد وتشتغل فيه كده
عمرو متوجها الي المنشفة ما انت رحت هندسة عايز ايه من طب يا سي يحيي
يمني انا نفسي اوي يا بابا اشوفك وانت بتعمل عملية
عمرو مبتسما انتي اللي فاهمني يا يمني انا اصلا حاطت الامل فيكي
يحيي وهو يعقد ذراعه لوالده بقي كده يا سي بابا وانا خلاص راحت عليا
ليدخل يوسف عليهم انتم مستفردين ببابا هنا
فتسمع يارا فتدخل خير خير مش تقولوا ان في تجمع هنا ببابا ياهلا وسهلا عاش من شافك يا بابا صاحي وبتضحك ده كده كتير عليا
يوسف هو كان بيضحك لما كنتي بره
عمرو وهو ينظر الي الاربعة انا عندي عيادة علي فكرة ممكن تسبوني اروح بقي ولا لا
يحيي احنا نقدر يا عمرو باشا اتفضل اتفضل
ليخرج مبتسما بينما شيرين كانت بالمطبخ فقرر ان ينادي عليها
عمرو بضيق شيرين حضاريلي هدومي عشان رايح العيادة
شيرين ببرود حاضر
لتدخل شيرين الي غرفة نومها بينما يخرج اولادها الي غرفهم وعمرو بالحمام
فتحت شيرين دولاب عمرو لتخرج بدلته نظرت الي ملابسه وغيارته المطلوبة لتسقط علي الارض علبة كانت مخبأة وسط الملابس انها علبة الفياجرا نظرت ريم الي العلبة التي سقطت وعلا الضيق وجهها وهي تحاول ان تعيدها الي مكانها
ليدخل عمرو وهو يراها امام دولابه وقد بدت شاردة وحزينة نظر لها عمرو نظرة طويلة ثم سأل مالك يا شيرين
التفتت شيرين بضيق لعمرو ابدا مفيش مفيش يا دكتور عمرو
الحلقة الخامسة
الخميس يوم يتميز عندنا باحساس مختلف في المدرسة ننتظره لانه نهاية الاسبوع والجمعه اجازة واحيانا اغلب الحصص فارغة في الجامعة يوم قد يمر بدون حضور المحاضرات بحجة انه الخميس وفي منازلنا يكون له مذاق خاص اغلبنا اعتاد عليه فربما يكون يوم زيارة الخاطب لخطبته او يوم خروجة عائلية الي ان نأتي الي المتزوجين فالبعض يعتبره عيد العمال
اتصلت به كان حينها خارجا من مكتب مديره بعد ما قرر المهندس شاكر ان يوافق له علي الاجازة
ميار صباح الخير ياعلي
علي مبتسما صباح النور يا حبي
ميار انا قلقت عليك عشان شكلك كان زعلان الصبح ممكن اعرف في ايه
علي وهو لا يزال علي ابتسامته اكتر حاجة بتفرحني منك يا ميورتي انك اكتر واحدة بتحس بيا عموما متقلقيش مفيش حاجة
ميار بقلق لا في بس انتي مش عايز تقول ممكن بقي اعرف
ليستشعر علي التردد ويفكر في رد شرد للحظة ثم اكمل ابدا يا ميار الموضوع وما فيه ان الشركة طلبت مني اسافر في شغل تبع الشركة في اسكندرية يومين كده وانا كنت مضايق عشان حاسافر واسيبك لان مينفعش اخدك معايا
ميار برقة طب يا علي ما هو مدام شغلك يبقي لازم تروح معلش يا حبيبي واذا
ليتصنع علي الابتسامة وهو يشعر بالذنب ويرد ربنا يخليكي ليا يا ميار ومايحرمنيش ابدا منك يا حبيبتي بجد ريحتني اوي مضطر اقفل معاكي دلوقتي ماشي يا حبي
ميار ماشي يا حبيبي
ليغلق علي الهاتف وهو يشعر بالضيق لانه كذب عليها مرة اخري في نفسه بات لا يعرف متي سينتهي مسلسل الكذب
متابعة القراءة
