رواية رائعة كامله للكاتبة رباب سيد الجزء الاول
المحتويات
والله حضرتك ممكن تقولي عايزة ايه وانا تحت امرك
ريم يعنى هو م أدهم موجود ولا لأ
الفتاه قلت لحضرتك صعب تقابليه
تركتها ريم تتحدث وذهبت لمكتب أدهم فذهبت وراءها الفتاه
الفتاه يامدام حضرتك استنى ماينفعش كده
دخلت ريم للمكتب الهندسى ولكنها لم تجد أحد تعرفه
الفتاه حضرتك هى مش وكاله من غير بواب
ريم هو انتى مش قلتى أدهم موجود
الفتاه أولا ده مش مكتبه ثانيآ ممكن حضرتك تمشى
ريم ادخلى قوليله ريم بره
الفتاة انا ممكن انده حد يمشى حضرتك بس شكلك محترمه فمش عايزة اعمل حاجة مش لطيفة
ريم انتى غبية ولا عبيطة
الفتاة طيب ممكن حضرتك بأدب امشى
ريم أنتى زهقتينى
حتى سمعت ريم صوت أدهم فركضت إليه
ادهمريم جيتى امتى
ريم من شويه بس الأستاذة مش عايزة تدخلنى
أدهم استاذه إيمان اقدملك ريم عز الدين المفروض انها صاحبة المكان ده
إيمان انا اسفة ماعرفش حضرتك
ريم هههههههه ولا يهمك
أدهم بتضحكى على ايه
ريم حظى وحش مافيش حد عرفنى وده حصل قبل كده وانت نفسك
أدهم آه صح اول مرة شفتك فيها كنتى مبهدله
ريم ياسلام
أدهم لنفسه بس من ساعتها وانتى مجننانى اه طبعآ اتفضلى ياستى مكتبك اهو زى ماهو سليم زى ماسبتيه واخيرآ هرجع لهنتدستى حبيبتي
ريم عارف انا بقالي 3 شهور غايبة بس حاسة انهم سنين
أدهم طيب ماهما فعلا سنين غيبتى عليا كتير اوى اوى ووحشتينى عارف انك عمرك ماهتبقى ليه بس ڠصب عنى حبيتك
ريم بشمهندس سرحت فى ايه !
أدهم فيكى ريم نعم!!!!!
أدهم وقد أخذ باله مما قال قصدي بفكر انى لسة هقعد اشرحلك اللى حصل فى الشهور اللى فاتو
ريم تمام بس مش النهارده عشان انا لسة راجعه من السفر النهارده
أدهم باستغراب ليه كده
ريم ليه ايه أدهم
ليه جيتى على المكتب
ريم يابشمهندس ده ملجأى الوحيد
أدهم تصدقي وانا كمان انا بكون عايز اطفش باجى هنا
ريم
انا بقا مش لاقية مفتاح شقتى
أدهم معايا على فكرة
ريم معاك ازاى
أدهم ومفتاح العربية والعربية نفسها فى جراج العمارة انتى نسيتى انك مشيتى من هنا على المستشفى
ريم بحزن تمام
أدهم مالك
ريم اصل بصراحة مش عايزة اروح الشقة ديه كرهتها
أدهم طيب اتفقى مع عمرو وانقلى فى شقة جديده ريم انا فعلا هعمل كده لا انا عملت بس انا هعيش لوحدي
أدهم لوحدك انتى بتستهبلى
ريم اهدى يا أدهم بالراحة
ادهم تمام بالراحة بس ماينفعش تعيشى لوحدك واصلا عمرو هيروح فين ومااعتقدش انه هيوافق ريم أولا انا مش هعيش لوحدي انا خليت حسين يجهز ليا ملحق بالفيلا عنده بس يكون ليا مدخل خاص عشان مش عايزة احتك بمراته أو بالعالم بتاعهم ورد على سؤالك التانى انا هطلق من عمرو د أدهم تتطلقى
ريم انت ليه مستغرب كده اعتقد ديه حاجة متوقعه بعد اللى حصل
أدهم ماتفهمنيش غلط بس عمرو اتجوز بمزاجك وكون أنه عصبى وضړبك مش سبب يخليكى تتطلقى ريم أدهم انا لسه واخده قرار الطلاق ده امبارح يعني انا بقالى شهرين برتب لظروفى وبفكر في عيشتى ككل وبالنسبه لاسباب طلاقى كفايه انى اقولك ان عمرو كسرنى وبالعافية لما اتلصمت تانى والفضل الدكتورة شذى ساعدتني كتير ووقفت جنبى علمتنى انى ازاى اكون قويه حتى لو ضعيفة وانا حاسة انى خلاص مش قادرة اتعامل معاه طاقتى خلصت معاه فهمتنى وهو ظلمنى وربنا سبحانه رد له جزء من اللى عمله فيا اللهم لا شماته
أدهم ماتزعليش بس مش قصدى ازعلك بس اللى اعرفه انك بتحبيه اوى
ريم كنت بحبه اوى بس دلوقتي هو ابن عمى وبس ومش عايزة صلة اكتر من كده عايزة ابدأ حياتى من الأول واختياراتى تكون من دماغى بس مش يتفرض عليا اعيش فين ومع مين وكده فهمتنى والموضوع ده مش عايزة اتكلم فيه تانى
كان أدهم لا يشعر بالسعادة المطلقة رغم ان خبر مثل هذا لابد أن يسعده ولكن لأنه يعلم مدى حب ريم لعمرو فأملة مفقود
يجلس عمرو مع والده فى بيت العائلة
عمرو خير يابابا
الاب ريم عايزة تتطلق
وقف عمرو ثائرآ لا طبعآ
وده
كلام فارغ وعمره ماهيحصل
الاب انت بتعلى صوتك عليا
عمرو بابا قولها تنسى الكلام ده انا مش هطلقها وخليها قاعده بقا
الاب بزعيق قدامك يومين تكون نفذت وورينى بقا هتعمل ايه وهتكسر كلامى ازاى وتركه وذهب
وقف عمرو غاضبآ للغايه منها وقرر الذهاب إليها
ذهبت ريم لمنزلها وهى مضطرة كانت البيت مهمل وغير مرتب إطلاقآ ولكنها لم تآبه لذلك دخلت غرفة نومها فرأت ماحدث لها وكأنه يحدث الان وشعرت بالۏجع والقهر وسقطت الدموع من عينيها ولكنها مسحتها سريعا واخذت تحدث نفسها انا قويه واللى حصل ده كسرنى بس قوانى وانا دلوقتى آقوى آخذت شنطة كبيرة لتضع فيها الملابس التى تحتاجها فقط وملابس وليدها وأخذت ترتب فيها حتى دق جرس الباب
ذهبت ريم لتفتح فتفاجأت بوجود زوجها
ريم عمرو !!!!
عمرو كنت متوقعه حد تانى
ريم بقوة يمكن بس ماتوقعتش انك تيجى وانت تعبان اتفضل اقعد
عمرو أنتى هتعزمى عليا فى بيتى ولا نسيتى انك مراتى
ريم لا مانستش براحتك فى بيتك وتركته وذهبت لتكمل تحضير الشنط فذهب وراءها
عمرو أنتى بتعملى ايه
ريم انت لسه قايل انه بيتك وانا مابقاش ينفع اقعد فيه عمرو بس ده بيتك انتى كمان
ريم ده لو انا مراتك
عمرو انا مش هطلقك
ريم لا هتطلقنى
فأقترب منها عمرو ماتخلنيش اعمل حاجة تندمى عليها
ريم بصراحة من ناحية الندم فأنا ندمت وخلاص فمن فضلك بالذوق نطلق والمفروض ماشاء الله انك راجل والحمد لله اثبت ده ولا نسيت
فنظر عمرو فى الأرض والله آسف عشان خاطر حبنا ولا نسيته
ريم وتحاول الا تبكى نسيته على السرير ده عمرو انت موتت كل حاجة ناحيتك بآيدك واستمرارى معاك ده شئ مستحيل
ركع عمرو على قدمه وأمسك يديها وقبلها ريم ارجوكى انا اسف عاقبيتى بأى حاجة الا ده
حاولت ريم السيطرة على مشاعرها بالا تضعف فهى مازالت تحمل فى قلبها مشاعر له
ريم أرجوك بلاش تصعب الموضوع اكتر من كده الحمد لله مراتك حامل وابنك جاى فى السكة ابعد عنى وانسانى وسيبنى انساك وابدأ حياتي بعيد عنك
عمرو هتعرفى
ريم هتعلم
عمرو تعالى نتعلم سوا ننسى اللى فات
ريم اللى مالوش ماضى مالوش مستقبل وانا هتعلم من ماضيه معاك ازاى اعيش مستقبلى
عمرو فكرى تانى ازاى تقدرى تعيشى من غيرى انتى مالكيش حد غيرى انا ابوكى واخوكى
فقاطعته ريم بس معرفتش تكون جوزى
عمرو اتعلم
ريم عمرو من فضلك الكلام مالوش لزوم ومش انت ابويا فعشان خاطرى يابابا انا مش عايزة اعيش مع جوزى من فضلك اطلب منه يطلقنى
نظر لها عمرو بنظرة رجاء واستعطاف بس انا جوزك وبقولك مش هقدر وحياه غلاوه اي لحظه حلوه مابينا فكرى تانى وتركها وذهب
فجلست ريم على ركبتيها وظلت تبكى تذكرت انكساره امامها فهل هذا يكفيها
نامت ريم على وضعها وقامت صباحآ وأخذت حماما وقررت نسيان ماحدث امس فهذا عند قرارها ولن تتراجع عنه
قضت ريم يومها فى معرفه أخبار مشروعها من اول يوم تركت لتكون على درايه بكل صغيره وكبيرة وكل شئ كان منفذ كما تريد كأنها كانت هنا
مر أسبوع ونقلت ريم لمنزلها الجديد ولم يحدث اى جديد في موضوعها بعمرو فلم تجد غير ان تطلب مساعده أخيها هى تريد ان تتحلل منه نهائيآ هى تعرف انها لن تتزوج ابدآ ولكنها ايضآ تريد حريتها
وبالفعل نجح أخيها فى إجبار عمرو على الطلاق وحاول عمرو أكثر من مرة ان يعدل ريم عن قرارها ولكنه كان يزيدها نفورآ
ففى آخر مرة قال لها انه سيطلق ليلى فندمت ريم كثيرآ على انها كانت فى يومآ ما زوجة له هذا الشخص الانانى الذى يريد مصلحته فقط
تم الطلاق وحصلت ريم على حريتها وخيرآ شعرت ريم بأنها مثل العصفور الذى لتوه تعلم الطيران
قررت ريم ان تغير من نفسها تماما قصرت شعرها للغايه وصبغته باللون الأحمر والسيارة ايضآ
فهي الآن ولدت من جديد ولو استطاعت أن تغير اسمها لفعلت
اما أدهم كان يرى أن كل ماتفعله ريم تمرد على حياتها السابقة وانها تريد ان تثبت لنفسها وللجميع ان عمرو صفحة وانطوت ولكنه فى داخله كان يشعر بعكس ذلك
مضت الايام والشهور وعلاقة ريم بعمها أصبحت عن طريق الهاتف فقط
اما علاقتها بمريم فتحسنت للغاية فبعد ان عمل والد إبراهيم معها رأى كم انها انسانه بريئة غير الانطباع الأول الذى أخذوه عنها وان مظهرها الخارجى ليس شرط ان يعكس الشخصية الداخلية
طلبت ريم من إبراهيم ايضآ ان يعمل معها فهى تريد لكل المقربين منها ان يعملو فى ذلك المشروع
وحتى تضمن
استمراره
كانت ريم تقضى فى ملجأ الأيتام الكثير من الوقت فقد صممته ريم كالمنازل تماما واحضرت حتى مدرسين ليراعو الاولاد فى دروسهم
كأمهات لهم أحضرت
ولم يستطع أدهم حتى بعد انقضاء شهور العدة بأن يتقرب منها فهو خائڤ ان تصده فينحرم منها نهائيآ
اصبح آسر روتين يومى بالنسبة لريم فأما توصله لمدرسته أو تحضره منها هى لم تستطع بالا تراه يوما حتى عندما حملت امه طفلاآخر تركوا مهمه اخباره لريم فهى اصبحت تتقن التعامل معه
كان أدهم يشعر بالغيرة الشديد من حب ريم لأسر وفى بعض الأحيان كان تخرج منه ذلات ڠصب عنه ويتداركها سريعآ
وفي احد الاجتماعات مع شركة ما كانت ريم تتحدث مع احد المدراء من الشركه الأخرى حتى رآها أدهم تبتسم فتقدم منهم
أدهم اظن يا استاذ مروان ان كل حاجة كده تمام ولا فيه اي مشكلة
مروان لا يابشمهندس أدهم
أدهم طيب تمام عشان بس فيه ميعاد عندنا بشمهندسة ريم يلا عشان هنتأخر
نظرت له ريم بعدم فهم ولكنها سايرته تمام يا بشمهندس عن اذنك يا استاذ مروان
ومد يده ليسلم على ريم ولكن أدهم هو الذى تلقاها أدهم تشرفنا يلا يابشمهندسة فتقدمت ريم امامه ودخلت مكتبها فدخل وراءها
ريم ممكن افهم ايه اللى عملته
أدهم هو انا ماعملتش حاجة
ريم بلاش استعباط
أدهم راعى انى أكبر منك
ريم انا اسفة
أدهم يابنتى انتى مجنونه انا بهزر
ريم والله يا أدهم مابعرفش هزارك من جدك يابنى ممكن استاذ مروان يزعل كأنك طردته دأدهم مايتفلق واقف عمال ضحك وهئ ومئ مش الشغل خلص مايروح
ريم حلوة هئ ومئ ديه بس كان بيتكلم بكل ادب
أدهم ده قليل الأدب قال وعايز يسلم عليكى ده انا كنت هنط فى كرشة
ريم عادى يعنى
أدهم أنتى بابت كلمه عادي ديه بتعصبنى يعنى كنتى هتسلمى
ريم لا طبعآ بس كنت هعتذر بالأدب
أدهم انا هطلب من شركته تبعت حد تانى يتعامل معانا
ريم ليه
ادهم بغيظ اهو كيفى كده
ريم على فكرة انت بقالك فترة بتعاملنى وحش وكل شوية ركزى فى كلامك مع الناس ماتضحكيش ماتعمليش اهدى مش كده
أدهم عشان انتى لسه صغيرة والناس ممكن تفهك غلط وماعندكيش خبره مع الناس فهتى وبعدين اسف لو بضايقك
ريم لا انا بستفهم بس
أدهم لنفسه والله انتى غبيه ولا فاهمه حاجة ده انا هدومى نفسها قربت تقول بعشقك
ريم ايه ياعم السرحان اوعى تكون بتحب جديد أدهم مالكيش دعوه
ريم عشان خاطرى هو احنا مش صحاب
أدهم لا
ريم بغيظ بقا كده ماشى والله لاشتكيك لماما وأقولها أدهم بيحب
أدهم مالكيش دعوه هى عارفه
ريم عاااااا يعنى بجد
أدهم يابنت المجانين هتفضحينا
ريم طيب هى مين
أدهم واحده بحبها من زمان اوى ومش راضية او مش عايزة تحس بيا
ريم طيب ماتصارحها
أدهم أخاف تبعد عنى اكتر وانا حياتى ماتكملش الا بيها اصلا ماعرفتش الحب الا على ايديها هى النفس اللى بتنفسه هى نجمه عالية في السما خائڤ أقرب اقع هى جنتى على الارض خاېف ارتكب ذنب اتحرم منها طول عمرى
ريم بس لو انت بتحبها اوى كده اكيد هتصدقك ومش هتبعد عنك
أدهم تفتكرى
ريم
جرب ومش هتخسر
أدهم ريم انا
ريم بلهفة ها
أدهم انا عندى شغل وانتى رغيتى كتير
تركها أدهم وذهب لمخيلتها وحدثت نفسها هو لسه فيه حد بيحب كده انا كمان نفسي احب واحس برعشة القلب فأفتكرت حالها فأدمعت عيناها
اما أدهم انب نفسه أنه فى لحظه كان سيضيع كل شئ
انقضت ايامهم دون اى جديد يذكر وضعت ليلى زوجه عمرو بنتا فسماها عمرو حور الاسم اللى ريم كانت مختاراه ايقن عمرو بعد مرور عام ان ريم لن تعود إليه فركز فى حياته على عمله فقط وعلى ابنته
البارت الواحد والأربعون
انقضى العام سريعآ عامآ استطاعت فيه ريم بمساعدة الدكتورة شذى التى أصبحت صديقة مقربة لها ان تكون أفضل بمرور الوقت وتصبح انسانه أخرى أخذت مشاعرها نحو عمرو طريق آخر فهى لم تنكر هذا الحب يومآ ولكنها اكتفت منه وأخذت قرارآ نهائيآ بالبعد عنه فهى اصبحت تحمل له مشاعر القرابه فقد ولم يكن ذلك بالامر الهين فقد تكلف منها الامر ضياع سنه كامله من عمرها واصبحت جميع مشاعرها تعطيها لاولدها فى الدار فقط
فهى الان اصبحت ريم عز الدين سيدة الخير الأولى في مصر اللقب الذى كانت تغيظ به ادهم حين تنطقه بتعالى
أدهم الذى كان
بالفعل نعم الصديق لها وخير عون لها فى مشروع أحلامها وعائلته خير سند لها فجميعهم أصبحوا عائلاتها الجديده
اليوم افتتاح المرحلة الاولى من المدينة السكنية كانت أكثر من شركة حاضرة لافتتاح المشروع ومن ضمنهم شركة أخيها وبالطبع كان عمرو حاضرآ القت ريم كلمة الافتتاح ثم قصت الشريط وبدأت التهانى تنهال عليها حتى اقترب منها عمرو فأبتعد عنها أدهم ڠضبت ريم من فعل أدهم ولكنها تعاملت عادى مع الموضوع
عمرو وهو يمد يده ليسلم عليها الف مبروك ومن نجاح لنجاح
لم تمد ريم يداها الله يبارك فيكي بس اسفة مابسلمش
عمرو يااااه بقيت غريب عنك للدرجاتى ده انا حافظ ملامحك كل حته فى جسمك محفور عليها أسمى بصمتها بلمسه ايدى دلوقتي ماينفعش ايدك تلمس ايدى ولا خاېفة تضعفى
ريم هههه أضعف ضحكتنى انا نسيت ضعفى يوم مابعدت عنك بس اللى انت ماتعرفوش انى غيرت جلدى عن اذنك
شعر عمرو بالضيق الشديد فترك المكان كله وذهب فكفا معها هدرآ لكرامته
اما أدهم فأحس بالفرحة الشديدة تغمره لتصرف ريم الفرحة التى لم يستطع ان يداريها فظهرت جليه على ملامح وجه
حتى جاءت عيناه فى عين ريم فرأى فيها الڠضب والضيق فعاد وجه حزينآ اهى نادمه على تصرفها لهذه الدرجه ولو كانت مازالت تحبه فلماذا تصده فى كل مرة تعبنى قربى منك كثيرآ ولكنه ليس ييدى
حاولت ريم تجنب أدهم لأنها تمقته فى هذه اللحظه لماذا تركها وحيده مع عمرو ومع كل شخص آخر يقف على رأسها ايظن هذا الأحمق ان هناك شئ بداخلها تجاه ابن عمها نعم هو ابن عمها فقط وسيظل للأبد
انقضى اليوم وأدهم يشعر بالضيق الشديد من معاملة ريم له هل لمقابلة عمرو دخل بذلك ولكنه سيقطع هذا الشك احټرقت مشاعره في انتظار ان تشعر به وقرر حسم هذا الأمر نهائيآ وليكن ما يكون
جاء تانى يوم اليوم الفارق فى حياة أدهم كما سماه فاليوم سيحدد مصير قلبه الآن وإلى الأبد
طرق أدهم الباب على ريم فسمحت له بالدخول
أدهم صباح الخير
ريم بجمود صباح النور
أدهم مالك من امبارح
ريم مافيش
أدهم لا فيه
ريم يعنى واخدبالك من امبارح وجاى تسأل دلوقتى فعشان كده لقولك مافيش حاجة بس انت كنت جاى ليه
أدهم طيب هدى نفسك شويه عشان اعرف اتكلم اضحكى اي منظر كده
ريم فشدت ريم شفتيها لآخر فمها بيديها كده كويس
أدهم مش عارف فوقفت ريم امامه
ريم ادخل فى الموضوع على طول من غير ماتفكر
أدهم تتجوزينى ادينى قلت من غير ما افكر
تفاجأت ريم من طلبه وفتحت فمها كالبلهاء أدهم انت عارف انه مش هينفع عشان
ولكن قطع كلامها رنه هاتف أدهم ففتح الاتصال دون وعى وهو فقط ينظر لريم وعيناه دامعه وتردد فى ذهنه كلمه مش هينفع
أدهم الو ايه طيب هما فين طيب انا جاى سلام ريم فيه ايه
ادهم نجوى وجوزها عملو حاډثة !!!
ريم ايه !!!!!
سحبت ريم مفاتيحها وركضت وراءه أدهم استنانى
أدهم ريم ارجوكى مستعجل
ريم طيب تعالى اركب العربيه
ركب أدهم وقامت ريم بالقيادة وذهبوا مباشرة إلى المشفى ووصلوا للاستقبال ثم صعدوا لغرفة العمليات
علم أدهم بمجرد وصوله ورؤيه اهل زوج نجوى بأنه توفى فى الحال وكانت اخته فى غرفة العمليات وجاءت والدته وظلت تبكى على زوج ابنتها وعلى حال ابنتها
اما أدهم فظل واقف لايتحرك ولايتكلم كانت ريم تارة تهدئ ام أدهم وتارة أخرى تقف بجوار أدهم تحاول ان يجعله يتكلم
حتى خرج الطبيب من غرفة العمليات وكان وجه لايبشر بالخير
أدهم خير يادكتور!!!!
الدكتور أن شاءالله خير هى دلوقتى فى الرعاية والبنت في الحضانة
ريم هى ولدت
الدكتور اضطرينا طبعآ لكده بس هى من ساعة مافاقت وهى بتطلب تشوف ريم و ادهم
نظروا الاثنين لبعضهم البعض فأنقبض قلب ريم ومسكت يد أدهم بشده وقالت يلا يا أدهم
ام أدهم عايزة اشوف بنتى
ريم ماما هى لسه مافقتش هنروح نطمن على البنت ونيجى تكون فاقت
دخل أدهم وريم غرفة الرعاية كانت يد أدهم ترتعش في يد ريم فأحكمت ريم قبضتها عليه لتطمئنه رفعت نجوى غطاء التنفس وبدأت تتحدث بصعوبة
ريم مش لازم تتكلمى عشان ماتتعبيش
نجوى بتقطع لا اسم عينى ولادى ياريم شيليهم فى عنيكى انتى و ادهم أدهم طيب ياريم واتظلم من الدنيا برده اتجوزوا وربوا عيالي
أدهم وهو يحاول أن يتماسك أنتى اللى هتربيهم
نجوى بلاش تتعبونى واوعدونى ريم انتى ربنا عوض آسر بيكى ربنا كان عالم باللى هيحصل عشان كده خلاكى
انك تبقى امه
ريم
آسر مالوش غير ام واحده انتى
نجوى وانتى هتبقى امهم ريم بنتى عرفيها انى كنت بحبها اوى
ريم هتسميها ريم
نجوى آه وخلى بالك منها اوعدنى يا أدهم عشان استريح
تذكر أدهم رفض ريم له منذ قليل نجوى مش هينفع فلحقته ريم اوعدك
فنظر لها ادهم والدموع فى عينيه ماذا فعلتى لماذا تقضين على رجولتى
ولكن قبل ان يتحدث أدهم صعدت روح نجوى إلى خالقها فشهقت ريم وبدأت فى البكاء الشديد واحتضن أدهم جسد أخته فشدته ريم من ذراعه فأرتمى فى أحضانها
ودخلت امها لتراها للمرة الاخيرة كان هذا الموقف صعب على الجميع فهناك طفلان اصبحا فى لحظه واحده يحملان لقب أيتام وهناك ام تقف على غسل ابنتها بدلأ من ان يحدث العكس وهناك اخت تضم
أبن اختها وهى تذرف الدموع اما الاخ الذى فقد صديقته ومأمن أسراره ذلك الاخ الذى فقد توأم روحه فشعر انه انقسم نصفين
خرجت الجنازتين معآ وفى نفس الوقت
كانت ريم اشدهم تماسكآ هى كانت تحبهم ولكنها آجلت حزنها فيما بعد حتى تستطيع ان تقف بجوارهم وقف إبراهيم بجوار أدهم كأخ لم تلد أمه وقام بكل شئ يخص الډفن والعزاء ووقف معه ليشد من أذره من رحمة الله بهم ان البنت ستظل فى الحضانه لمده من الزمن حتى لا يكون اول يوم لها فى منزلها فى جو حزن وۏجع
كانت ريم تحاول مع الجميع بأن تطيب خاطرهم ولم تتركهم طوال الثلاث أيام التي مضت وكان آسر يسألها يوميآ عما يحدث حوله فكانت تجيبه بأن الكل حزين لان امه سافرت لوقت طويل
اما أدهم فكان بعد العزاء يجلس بمفرده ولا يحدث أحد وترك لريم مهمه مواساة الجميع
كانت ريم تجهز الاكل يوميآ وتحايل فى الجميع حتى يأكلوا وفى كل مرة تقابل بالرفض وبدأت معركتها فى اليوم الرابع وبدأت بأم أدهم
ريم مامتى حبيبتى بصي بقا شوية شوربه خضار صغيرين دوقى بقا اكلى واحكمى
الام والله ياريم مش قادرة
ريم ماما انتى المفروض انتى تقوينا ده احنا كلنا بنتحامى فيكى نسيتى آسر وريم خالص خالص وحتى اميرة لو شافتك كده هتقول ايه ياماما المفروض نرضى بقضاء ربنا وحضرتك مؤمنه بالله ومش محتاجة كلامى
الام والله يابنتى راضية
ريم مش بالكلام حبيبتي انتى لازم تاكلى عشان تقدرى تواجهى عشان خاطرى مش انا بنتك وبعدين انا كمان جعانه جدآ ومش هاكل الا لما حضرتك تاكلى ياماما الحزن مالوش دعوه بالأكل مش عايزين ربنا يزعل مننا وبصى بقا احنا نخلص الاكل ده كله ونمسك المصحف ونقرا فيه عشان قپرها ينور ولا ايه رأيك يلا افتحى بوقك ودارى عليا وقولى بقا كلمتين حلوين تسلم ايدك وشوية دلع كده
وبالفعل استطاعت ريم ان تطعمها
وانتهت ريم من المهمه الأولى
وذهبت لاميرة وآسر التى تظل تحتضن آسر يوميآ حتى تغفى
ريم الموزز بتوعى عاملين ايه
اميرة تمام
ريم طيب قومى ده انا عملالك برجر بيتى انتى والواد ده اللي هتخنيقه في حضنك
اميرة بعد الشړ ده عمرى كله ده
ريم طيب عمرك ده مش بيرضى ياكل عشان انتى مش عايزة تاكلى ينفع كده وكمان نزعل نجوى
فبكت اميرة وحشتنى مشيت وسبتنى حتى بعد ما اتجوزت ماسبتناش تسيبنا دلوقتى
ريم وحياة ربنا ركزى فى كلامك عشان خاطر الواد
آسر مامى وحشتنى انا كمان وعايز أشوفها
ريم لو جيت وأكلت هخليك تشوفها
فقفز آسر فى حضڼ ريم بجد يا انطى
ريم بجد ياروح انطى وبدأ آسر فى الاكل
ريم اميرة ده برجر فكرى عشان خاطر آسر ورحمه نجوى انتى ناسية ان ريم جاية في السكة هتراعيها ازاى كده وماما المفروض تكونى عوضها مش ضعيفة كده ده انتى الشقاوة بتاعه البيت ده
اميرة بس مش قادرة
ريم يبقى نحاول وناكل ونقوم نمسك المصحف ونقرا ليها مش انتى بتحبيها
اميرة اكيد
ريم يبقى المفروض تعملى كل حاجة تبسطها
وبالفعل نجحت ريم فى ثاني مهمه ولم يبقى سوى أدهم
ترددت ريم فى الدخول لغرفته ولكنها حسمت أمرها فطرقت الباب وانتظرت ان يأذن لها ولكنه لم يفعل فأخذت نفس وسمت بالرحمن ودخلت
وجدت الغرفة مظلمة وهو يجلس على الكرسى ولا يتحرك من يراه يحسبه تمثال
أضاءت ريم النور
أدهم بصوت عالى اميرة اطفى الزفت
ريم بصوت
ناعم مرتعش ده انا
فنظر إليها بعين دامعآ وعيناه تقول لها احتاج اليك وبشده ولكنه اغمضها ونظر أمامه مرة آخرى فاقتربت منه
ريم بص بقا انت مهمتى الثالثه النهاردة ولازم أنجح ومش هسمحلك تفشلنى جديدة تفشلنى ديه مش كده نظر إليها أدهم ولم
يعلق
ريم على فكرة
لو ضحكت عادى يعنى
أدهم ريم انا مصدع وتعبان
ريم ياسبحان الله شوف ازاى وانا جيبالك اكل عشان الصداع يروح
أدهم لا معلش مش هقدر
ريم طيب بالراحة يابشمهندس ده انا عملالك الكفته اللى بتحبها يعنى يرضيك اقف 3ساعات فى المطبخ وانت حتى مش تدوق مخصماك خالص
أدهم ريم مش فايق لشغل العيال ممكن تسبينى لوحدي
ريم عمآ تشكر يابشمهندس وخلينا فى كلام الكبار العاقلين مع انى فى المهمتين اللى فاتوا كنت عاقلة جدآ وبصراحة تعبت من العقل ده
أدهم مهمتين ايه
ريم اللى قدامك ديه وبكل فخر قدرت اكل ماما واميرة وآسر
أدهم بجد طيب الحمد لله
ريم هو الحمدلله على كل حال بس عشان الحمد يكمل لازم البيج بوس ياكل الأول وانا كمان يعنى ينفع كده اقعد عندكوا وتجوعونى والله لاهشتكيك لربنا
أدهم كلى أنتى
ريم عيب اكل قبل أصحاب البيت ما يكلوا الأول
أدهم ماكلتيش معاهم ليه
ريم بس انا عايز اكل معاك انت
أدهم يبقى
هتجوعى
مسكت ريم قطعه كفته فى يديها وقربتها من فم أدهم
ريم افتح بقوك اسمع الكلام ده انا بنفسى اللى بأكلك وبدون ارادة منه فتح فمه تلقائيآ
ففرحت ريم شفت بقا اكلى حلو ازاى يلا بقا كمل
أدهم لا كفايه
ريم عشان خاطرى ولا ماليش خاطر عندك خالص طيب عشان خاطر آسورة ولا ريم الصغيرة
أدهم ريم تعرفى وحشتنى اوى
ريم وانت كمان وحشتها اوى
أدهم هى مين
ريم ريم يلا بقا افتح بوقك وشكل ايدك ۏجعاك فأنا هأكلك كل الاكل بأيدى
أدهم طيب وانتى
ريم ما انا هاكل بس اسليك شويه بص بقا ماشفتش كان فيه ستيتين رخميتين كده
أدهم وقد شرق من الضحك رخميتين
ريم سلامتك اتفضل اشرب آه مثنى رخمة
المهم فضلوا طول العزا هيموتوا ويعرفوا انا مين وسألونى بس انا ماريحتهمش
أدهم طيب كفايه اكل
ريم بالهنا هقوم اعملك احلى كوباية شاى
أدهم بس انتى ماكلتيش
ريم بنظرة حب كفايه انك اكلت
لماذا ياصغيرتى تتعبينى بالشفقة على الم يكفى قلبى ۏجعا على اختى
دخلت ريم له مرة آخرى بالشاى
ريم وعندك احلى كوباية شاى سكر برة وصلحه عشان ماعرفش سكرك
أدهم وهو يبتسم هتشتغلى قهوجيه
ريم اشتغل اى حاجة بس مش تكشر تانى شكل بيكبر وانت اصلا عجوز
أدهم طيب امشى من هنا
ريم لا خلينى شوية خلاص ده انت اصغر من اسر
أدهم مابقتش فاهمك
ريم ليه
أدهم ماعرفش تعالى اقعدى نتكلم فى المهم اية اللى حصل فى المستشفى انتى ازاى تقطعى وعد لنجوى
ريم آمال اسيبها تتعذب
أدهم بس الوعد ده مش هيتنفذ
ريم وانا عمرى مارجعت فى وعدى وبالذات الوعد ده لما آجى اقابلها هقولها ايه
أدهم وانا صعب اتجوز واحده لسه رافضانى واتفرض عليها تتجوزنى فهتوافق انا ماقبلش وكمان مش عارف هى رفضتنى ليه
ريم انا اللى عايزة اعرف فكرت فيا ليه
أدهم سؤالك متأخر ومالوش لزوم تعرفى
ريم وانت كمان مالوش لزوم تعرف أسباب رفضى بس انا مش هقدر اسيب الولاد ماما مش هتقدر واميرة انت ناسى ان بعد 6 شهور هتتجوز
أدهم وانا ولاد اختى مش محتاجين شفقه من حد اقدر اجبلهم واحده بالفلوس تخدمهم
ريم بس عمرها ماهتكون احن عليهم منى
أدهم عايزة تعوضى حرمانك بالولاد بيهم وتضحى انك تعيشى مع راجل مش عيزاه عشان احساس الأمومه وبس
ريم شكرآ يابشمهندس بس هراعى ظروفك ومش هرد عليك عن اذنك
خرجت ريم وندم أدهم على رده عليه احس بالاهانه فردها إليها فأين الرجولة
ذهبت ريم لغرفة اميرة لتعلمها بذهابها
ريم ميرا انا ماشية بقا
اميرة بحزن يعنى نجوى سابتنا وانتى كمان هتسبينا
آسر انطى لا خليكى
فجلست ريم على طرف السرير واخذت آسر فى حضنها
ريم بس انا ياحبيبى لازم اروح بيتى
اميرة يعنى ينفع تسيبى ماما فى الظروف ديه انتى عارفة انى لسه مش قادرة آخد بالى منها وكمان
فطرق أدهم الباب وسمحت له اميرة بالدخول
أدهم ميرا حبيبتى عاملة ايه فمسد على رأسها وحشتينى
لم تنظر ريم إليه ونهضت لتخرج فمسك يدها واكمل حديثه ريم قالت انك كلتى حاولت ريم ان تفلت يدها ولكنه أحكم قبضته عليها ونظر إليها فى ڠضب فأستكانت
اميرة اه ياحبيبى الحمد لله
أدهم تسلمى ريم قامت بالواجب عملتلى اراجوز عشان اكل
ريم ياسلااام
أدهم اه ياسلام ايه ياعم آسر مش معبرنا
آسر ما انت بتتكلم مع اميرة ومش معبرنى خالص خالص
أدهم طيب عايز حضڼ لخالو فأختضنه أدهم بيد واحده ولم يترك يد ريم وحشتني يا أسورة
آسر اوف بقا نزلنى مش
عايز حضڼ
ريم خلاص ياسمسم ماتزعلش
آسر حبيبتى يا انطى ريم آساسآ
أدهم طيب هستأذنكو فى انطى ريم شويه ماشي
خرج أدهم ولم يترك يد ريم
ريم طيب سيب ايدى
أدهم لا عشان ماتسبنيش وتمشي وتزعلى زى الأطفال
ريم بطل تقول طفلة
أدهم انا اسف ومش قصدى اللى فهمتيه بس صدقينى مافيش اصعب من انك تعيشى مع واحد مش عايزاه وتصرفاتك تفضل تقوله كده صدقينى جربتها وبتوجع آوى ياريم
ريم هو انت ليه ماتجوزتش لحد دلوقت
أدهم مين قالك انا اتجوزت سنه وانفصلت عشت سنة من أسوأ مراحل حياتى لحد الحمدلله ربنا رحمنى وحصل الانفصال
خجلت ريم بأن تسأله عن هذه المأساه وهو ايضآ
لم يكمل حديثه على اعتبار انه لايهمها ان تعرف ولم تسأل
ريم أدهم انا لما رفضت موضوع جوازنا صدقنى مش عيب فيك ده عيب فيا انا العيب من عندى انا انت راجل الف ست تتمناك
لم يسألها أدهم عن ذلك العيب الذى تتحدث عنه لاعتقاده انها حتى الأن لم تستطع نسيان عمرو
أدهم انا مش زعلان منك ديه اكيد حريتك
بس موضوع وعدك ده صدقينى مصعب المشكلة
ريم مش انت كنت بتقول هتجيب واحده بالفلوس اعتبرنى انا الواحده ديه بس عشان الناس هيبقى فيه عقد جواز ونعيش مع بعض اخوات عادى
أدهم وتربطى نفسك ليه طول العمر بيا
ريم عشان انا عمرى ماهفكر فى الجواز
أدهم لنفسه الدرجه ديه مش عايزة راجل يلمسك بعده صعب تكونى قدامى كل يوم وما أضعفش ارحمينى كيف احببتك وكيف اسلخ قلبى من جسدكى لينساكى
فأكملت أدهم
فكر وماتتسرعش
أدهم الموضوع مش سهل اوى كده ده جواز وانتى ناسية شغلك
ريم لا مش ناسيه صدقنى هعرف اظبط دنيتى ان شاالله اشتغل من البيت مش هتحايل عليك كتيير انا عايزة ريم تخرج واحنا عيله
أدهم بس تفتكري هتظبط
ريم طيب تعالى نحاول مش عرفنا كده كده كنا متجوزين قبل كده يعنى ماحدش هيخسر بس ممكن العيال يكسبوا
أدهم وهو جعل مصلحة آسر وريم وريم الكبيرة ايضآ أمامه تمام نحاول
شعرت ريم بسعاده كبيرة عند موافقة أدهم أيعقل ان شعور الامومه طاغى عليها لهذه الدرجه ام هناك شعور امرأه فقد شعرت ريم بخفقان قلبها وكأنها عادت للحياة مرة آخرى
البارت الثانى والاربعين
اتفق أدهم وريم على جميع تفاصيل زواجهم هو عقد قران فقد بدون حفلة وسيتم بعد أربعين نجوى وزوجها اما الشقة فأدهم يمتلك شقه فى نفس عمارة والدته والتى سيبدأ ادهم فى تجهيزها فورآ
علمت امه بهذا الخبر وسعدت كثيرآ وباركت هذه الجوازه ولم يتبقى سوى معرفة اهل ريم
فذهب أدهم لعم ريم أولا ثم اخوها ليطلب يدها ولم يعترض أحد طالما ريم موافقة وادهم كرجل لا يوجد ما يعيبه
ولكن هذا الموضوع قابل رفض كبير من ناحيه عمرو مما اشعل مشكله كبيره بينه وبين زوجته
ليلى ايه اللى مضايقك كده إن ريم اتجوز !
عمرو ريم مينفعش يتجوزها حد غيرى
ليلى يا سلام ركز فى كلامك يعنى انا عايز ترجعلها
عمرو لو واقفت ما عنديش مانع
ليلى هو انت للدرجه ديه مبتحسش
فصفعها عمرو على وجها
عمرو انتى تحترمى نفسك وانتى بتتكلمى معايا انتى فاهمه
ليلى هو انا عملتلك ايه عشان تظلمنى وما تحسش بيا بحاول اراضيك طول الوقت ولو انت مش قادر تعيش من غيرها رابطنى معاك ليه عشان هى مش عايزه ترجعلك
عمرو انا عمرى ماقلتلك انى كرهتها وانتى دخلتى العلاقة ديه وهى فى حياتى يعني وجودها مش جديد عليكى
ليلى بس مبقاش فيه حاجة تربطكوا ببعض وفضل من ربنا رزقنا بحور والمفروض نكون أسرة اب وام وطفل من غير شريك رابع على الأقل ماتبقاش فيه مشاكل نفسى تفكر فيا وفى بنتك قد مابتفكرفى ريم
عمرو انا عمرى مقصرت معاكو
ليلى هى الحياه فلوس امتى اخر مره خرجتنى ولا عشتنى بره امتى اخر مره سافرنا ولا احنا اصلا مسافرناش مع بعض اخرك تخلينى اسافر مع اهلى امتى اخر مره حسيت انك بتغير عليا وپتخاف عليا كل ما أفتكر حالتك لما ريم كانت فى المستشفى ولما انا بتعب آخرك تدينى كوبايه ميه بحس انى قد قليله بحس انى قد ايه مليش قيمه عندك واصبر وأقول بكره يتغير بكره يحس بس انت ولا هيتغير ولا هتحس وانا خلاص تعبت انا فى بيت اهلى وورقتى توصلى فعلا انا غلط لما وافقت اتجوز واحد متجوز واحد همه نفسه وبس وعايز كل حاجة من الدنيا ياخسارة حبى ليك
لم يهتم عمرو كثيرآ بذهاب ليلى لأهلها فكان كل ماشغل باله زواج ريم من رجل آخر
سنة كاملة وعمرو لم ينسى ريم ضحكتها شقاوتها وايضآ قسوته عليها لقد ندم كثيرآ وعوقب ببعدها الم يكفى كل هذا
ذهب عمرو إلى ريم ويحمل فى
يده بوكيه ورد وطلب مقابلتها ووافقت
ريم لتستقبله
ريم بشمهندس عمرو اتفضل
عمرو مش تقيلة كلمه بشمهندس ديه
ريم عادى ياعمرو
عمرو وحشنى اسمى على لسانك ريم انتى فعلا هتتجوزى أدهم
ريم هو البوكيه ده مش عشان تباركلى
عمرو اكيد لأ انا لاقيت الورد هى الحاجة الوحيده اللى ممكن تعبرعلى اللى جوايا
ريم عمرو انا دلوقتى مخطوبة لراجل فمعتقدش انه يقبل باللى انا بتعمله
عمرو جه الوقت اللى حد غيري يبقى مسئول عنك هو انت ليه مش مصدقه اني بحبك
ريم مين
قالك كده احنا كان بينا عشرة بحلوها ومرها بس نفسى تقتنع انها انتهت وانا كلها كام يوم وهكون فى عصمة راجل تانى
عمرو والراجل التانى هيتجوزك عشان ايه انتى ناسية انك مش هينفع تجيبى ولاد وهو عارف تفتكرى هيتجوزك ليه
أدهم انا ممكن اعرفك انا عايز اتجوزها ليه
ريم أدهم !!!
عمرو ازيك يابشمهندس مش حضرتك مفروض تخبط قبل ماتدخل
كانت ريم تضع يدها على قلبها خوفآ من حدوث مشكلة بينهم
أدهم انا داخل مكتب خطيبتى يابشمهندس السبب الطبيعى ان اى راجل يتجوز ست انه بيكون بيحبها
عمرو وهى كمان تكون بتحبه
أدهم امرك غريب يابشمهندس احنا فرحنا اتحدد ميعاده واكيد حضرتك معزوم
وقف عمرو أمام ريم من سنه لما حصلت بينا المشكلة وقلتلك بينكو غراميات ثورتى واديكى فى الاخر هتتجوزيه كنت غلطان بقا
ولم يكن رد ريم عليه الا صفعه على وجهه تفاجأ بها عمرو وادهم ايضآ فأقترب منها عمرو ليمسكها من شعرها ولكن أدهم مسك يده
أدهم هو انت مش شايف راجل واقف قدامك لو عايز حاجة انا موجود
عمرو تصدق صح وقام عمرو بلكم أدهم فى وجه فردها أدهم لكمات حتى سالت الډماء من وجه عمرو
ريم خلاص كفايه يا أدهم
فنظر لها أدهم بضيق شديد انتى خاېفة عليه
وتركهم أدهم وذهب
ريم لعمرو ارجوك بقا سبنى فى حالى انت جرحتنى بما فيه الكفاية وجاى برده مصر تكمل
عمرو بس انا بحبك
ريم وانا بقيت شاكه فى ده ارجوك لآخر مره ابعد عن حياتى
فتركته وركضت وراء أدهم الذى ترك الشركة كلها فذهبت وراءه ونادت عليه ولكنه لم يرد
ريم اااادهم ماينفعش كده استنى انا بجرى وراك فى الشارع عشان خاطرى يا أدهم استنى
وقف أدهم مكانه وجميع من فى الشارع ينتبهون اليهم
ريم وهى تلتقط أنفاسها ايه مركب موتور في رجليك رجلك طلعت طويلة اوى
ادهم هو شخص طويل القامه عريض المنكبين له ذقن خفيفة تزيد من وسامته عيونه خضراء بزرقه فأعطت فى الشمس رونقآ آخاذآ
ريم تصدق عينيك حلوة اوى اول مرة آخد بالى منها كده
ادهم عشان اول مرة تبصيلى اصلآ
ريم انا ماكنتش خاېفة عليه بس مش عايزة مشاكل
ادهم يعنى اسيبوا يغلط ولا كمان عايز يمد ايده
ريم لا طبعآ بس مش عيزاك تزعل منى ممكن
ادهم انا ماعرفش ازعل منك اصلا
ريم طيب الناس بتبص علينا ماتيجى نقعد فى حته
فذهبوا لاقرب مافيه بجانب الشركة
ريم هديت
ادهم بأبتسامه آه هديت تعرفى كان نفسى اضربه من امتى
ريم من امتى
ادهم من يوم ماهو كان السبب فى دخولك المستشفى
ريم خلاص بقا قفل على الموضوع وانسى
ادهم حاضر نسيت
ريم احبك لما تقول حاضر
ادهم بتحبينى عشان كده بس
ريم بكسوف على فكرة بقالك كتير مارحتش لريم
ادهم البركة فيكى
ريم وفيك برده
ادهم بحزن بصراحة لما بشوفها بفتكر نجوى شبهها اوى
ريم ربنا يرحمها احلى حاجة انها هتخرج تلاقينا مع بعض
ادهم حلو مع بعض ديه
ريم وقد احمر وجهها انا جعانه
ادهم بت انتى فصيلة
ريم هههههههه
ادهم حد قالك انك ضحكتك حلوة قبل كده
ريم لتغيظه كتييير
ادهم نعم ياختى !!!
ريم قوم بص فى المراية هتلاقى ودنك بتطلع ڼار
ادهم ڼار تولع فيكى يابعيده
ريم انت بتدعى عليا والله لاشتكيك لربنا
ادهم ههههههه عارفة انك بتبقى
ريم هو انت شايفنى طفلة على فكرة انا عندي 24سنه ونص
ادهم انا اسف يا مس
ريم اتريق بس برده جعانه
ادهم هأكلك حاضر
يوم كتب الكتاب كانت ريم تشعر بالرهبه والخۏف الشديد كأنها أول مرة تتزوج كأنه زواجها حقيقيآ وليس ورقة لتعطيهم شرعيه وجودهم معآ لم يعلم احد عن سبب زواجهم لذلك تعامل الكل مع الموضوع بشكل جدى
حضرت مريم واهل زوجها جميعهم وعمها واخيها كان الجميع يشعر بالفرحة وان ريم ستعيش حياتها مرة
متابعة القراءة
