رواية رائعة كامله للكاتبة رباب سيد الجزء الاول
المحتويات
رومانسى وبجواره علبه قطيفة حملتها ريم وقدمتها لعمرو
ريم مبروك يا حبيبي من نجاح لنجاح وانا جنبك
وقبلته فى وجنتيه
ففتح عمرو العلبه ووجدها ساعة فخمة للغاية
عمرو عملتى كل ده امتى وشكل الساعة ديه غالية
ريم اولآ مافيش حاجة غاليه على حبيبى ثانيآ جبت الساعة دليفرى اتصلت بالمحل واخترت عن طريق النت ودفعت بالكريديت اما السويت فأنا طلبت منه يزينوه عقبال الحفلة ماتخلص
على اساس انى هقولك مبروك زى اي حد
عمرو أنتى اغلى من اى حد انتى اللى كل كلمة منك تساوي الف كلمة انتى عمرى اللى عدى وعمرى اللى جاى انتى اللي نفسى ألاقى كلمه غير بحبك اقولهالك بس بحبك اووووووى
ريم ربنا يخليك ليا
قضوا ريم وعمرو ليلتهم بسعاده ولكن ريم كانت تشعر أن هناك مايشغل باله
قاموا قبل صلاة الفجر واغتسلوا وصلوا وقرأوا وردهم من التليفون وجلست ريم لتحدث عمرو فيما يقلقها
ريم عمرو مالك ياحبيبى
عمرو مافيش ياقلبى
ريم حبيبى هو انا غريبة عنك
عمرو هقولك بس ماتضحكيش عليا
ريم ههههه ماتخفش
ضربها عمرو بالمخده يعنى قبل ما اقولك بتضحكى
ريم خلاص انا اسف
عمرو حاسس انى اخوكي بيدورلك على عريس
ريم وهى تكتم الضحكه اكيد بتهزر
عمرو ما انتى ماشفتيش بيقدمك ازاى وكل مايلاقينا واقفين مع بعض بيناديلك ده تسميه ايه
ريم حبيبى بيتهأيلك بس
عمرو طيب تفسرى بأيه حكايه تقلعى الدبلة لا وبذمتك اقدمك لحد على انك مراتى
ريم اممممممم بصراحة لا
عمرو طيب يبقى انا عندى حق
ريم ياعمرو يعنى هيطلقنى منك
عمرو بصى ياريم اخوكي رجل أعمال زى الكتاب ماقال الشهاده لله ناجح وانا اتعلمت منه بس مصلحة الشغل أولى يعني يوم مايلاقى فى جوازك من غيرى مصلحة احتمال يعملها طيب عارفة لو انا وانتى اختلفنا لاقدر الله واحد غير اخوكى ممكن يرفدنى من الشغل بس هو القرابه والعلاقات الشخصيه حاجة والشغل ومصلحته كل حاجة
ريم بس انا أخويا مش وحش
عمرو وانا ماقلتش وحش والحمد لله آمين جدآ فى شغله مابيحبش حد يمسك عليه غلطة ولا حد يبقى له جيميله عليه
ريم بس برده اللى انت بتقولوه فوق الخيال
ويلا بقا ننام شويه بقولك انا اتصلت بالسواق هيجيب عربيتى على هنا عشان اللبس اللى فيها ونغير وكده كان نفسى انزل البسين بس لازم مايوه
عمرو طيب ماتلبسى مايوه
ريم لأ طبعآ اتكسف
عمرو أنتى هبلة ياحبيبتى ده انتى هتلبسيه ليا
احمر وجه ريم
عمرو هههههه يعني اللى يشوفك مايشوفكيش دلوقتى
ريم بقا كده ماشي اخذت ريم مخده وركضت وراءه حتى وقعوا على الارض
عمرو خلاص كفاية تعبتينى
ريم سلامتك من التعب ياعشقى
عمرو اموت انا
ريم ههههههه
عمرو وحملها من على الارض تعالي ما اظبطلك الضحكه
ريم هههههههه انت مابتشبعش تظبيط
عمرو مالكش مزاج ولا ايه
ريم مين قال ده ضحكتي ديه لازم تتظبط كل شوية
عمرو هههههه بحبك وبعشقك وبموت في امك
وابتدأ رحلة
العاشقين التي لا تنتهى
استيقظت ريم على طرقات الباب فلبست البرنس ووقفت خلف الباب فوجدته أحد العاملين بالفندق يحضر لها شنطة الملابس
آخذت ريم حمامها وحاولت ان تصحى عمرو ولكنه كان تعب للغايه فتركت له ورقه انها سوف تنزل عند حمام السباحة
كان الجو رائع طلبت ريم قهوتها وآجلت فطارها لحين استيقاظ زوجها
كانت ريم تفكر في كلام عمرو أمس وتستعجب منه
فضحكت
فسمعت صوت يقول اموت انا فى الابتسامه الهادية
فأتجهت لمصدر الصوت فوجدته ذلك الذي يدعى مازن
ريم أنتى تاني انت عايز ايه سبنى ممكن وتركته وذهبت واتصلت بزوجها انا جعت
عمرو تمام ياحبيبتى روحي اختارى الاكل وهحصلك
ذهبت ريم واختارت طعامهما وجلست تنتظر زوجها حتى وجدت مازن يقترب منها
ريم آوف يارب عدى اليوم على خير
مازن هو انتى جت عليا انا وبقيت كخة ده انتى بايته مع راجل فى الاوضه
ريم انت عبيط في دماغك ولا ايه
مازن ليه ان شاء الله وانا اصلا بطلب اتعرف عليكى مش ممكن تقلب بالجواز
فجاء عمرو فى هذه اللحظه وسمع جزء من الحوار وجه كلامه لريم هو ايه يامدام اللى يقلب بالجواز ومين الاستاذ
استشهدت ريم في داخلها ده أستاذ مازن كان موجود في حفلتك أمبارح
ده جوزي البشمهندس عمرو
مازن جوزك !!!!طبعا البشمهندس عمرو معروف اكيد اتشرفت بمعرفتك وترك المكان سريعآ
نظر عمرو لريم نظره احرقتها وسألها يقصد ايه بكلامه
توترت ريم كثيرآ مافيش ياعمرو
عمرو ريييييم ماتعصبنيش
قصدها من ذراعها وصعد للغرفة ورماها على السرير
عمرو عارفة اني عفاريت الدنيا بتنطط فى وشى فأنطقى احسنلك
ريم هو كان بيحسبنى مش متجوزه فكان بيعرض عليا الجواز
عمرو لا ياراجل بالسرعة ديه شافك امبارح فحبك فى ساعتها وقرر يتجوز تاني يوم كده
ريم لا هو كان بيقول عايز يتعرف الأول وبعد كده اتكلم فى الجواز
عمرو ماشاء الله عليكي ده انتى اخدتى واديتى معاه في الكلام طبعآ ما المدام امبارح كانت بتتكلم مع ده وده طبعآ بقا ودبلتك اللى فى اليمين مايطمعش فيكي ليه
ريم ياعمرو لو سمحت انا ما ادتش حد فرصه لحاجة هو اللى كان بيقول كلامه ورا بعض وانت جبت وسمعت
عمرو عارفة ياريم نفسي اعمل ايه بس مش هعمل كده بس اتفضلى جهزى نفسك عشان نغور فى داهيه
جهزت ريم نفسها واتصلت بالريسبشن لتبلغهم بالرحيل
طوال الطريق لم يحدث عمرو ريم فى اي شئ حتى عندما وصلوا لم يحدثها مطلقآ وعندما حاولت أن تفتح معه اى كلام قال له انه عنده شغل ولا يريد المقاطعه من احد ولكن ريم دخلت المطبخ وجهزت بعض الشطائر وادخلتها له دون ادنى كلمه وظلت هكذا طوال اليوم ان يخرج عمرو من الغرفة وكانت فى مواعيد الطعام تدخلها له بدون ان تتحدث فهي لا تعرف فى ماذا أخطأت
ظل عمرو حبيس غرفته فقط يعمل ويعمل هو لايريد ان يفكر فى اى شئ حتى عندما تدخل إليه لا ينظر إليها فهو يعلم مدى حزنها ولكنه متغاظ وبشده فكيف بأحد ان يتجرأ ويطلب يد زوجته كيف سمحت لنفسها فى ان البدايه ان تلبس دبلته فى اليمين حتى يأتى مثل هذا الشخص ويتجرأ عليها وهى تسمح له بأن يحدثها بأكثر من كلمه كيف تعطى له الفرصة
فقد آثر عمرو الابتعاد عنها حتى لاينفجر بوجهها
البارت الرابع والعشرين
ظل الوضع على حاله لمده طويله من الوقت
حتى ريم لم تضع اى شئ فى فمها منذ الصباح فلم يكن لها شهيه اما عمرو فكان يأكل غيظآ
دخلت ريم عرفتها ولم تستطع أن تغلق عينيها حتى استلقى عمرو بجوارها وفى ميعاد صلاة الفجر قام عمرو وتوضأ وانتظرها حتى توضأت وصلى بها وايضآ بدون اى كلمه أحضرت ريم المصحف وبعد القرأه
ريم عمرو لو سمحت
عمرو ريم انا هنفجر لدرجه الڠضب فعشان خاطر ربنا اسكتى بدل ما نقول كلام نندم عليه احنا الاتنين
لم تغمض عين أي منهما وعند الساعة العاشرة بالتمام استيقظ عمرو ولكن لنقل قام من على السرير
وارتدى ملابسه فسألته ريم انت رايح فين النهاردة اجازه
عمرو هتمشى شويه وبعد كده هروح لامى
ريم عمرو من فضلك طيب انت بتعاقبتى طيب انا اسفة
عمرو ريم انا مش بعاقبك بس حقيقى لو انتاقشت معاكي هزعلك
ريم يعنى انت كده مش مزعلنى
وتركها عمرو وذهب بدون سيارته
وآخذ يفكر أنه هو شخصيآ لايعرف لماذا يعامل ريم هكذا ايخاف ان يمد يده عليها أم ماذا هويعلم جيدآ بأن مايفعله أقوى من الضړب ولكنه يشعر ان كرامته جرحت ولكن ليس من ريم فلماذا تعاقب هى يكاد عقله
ينفجر من التفكير
ريم جالسه فى المنزل لاتعرف ماذا تفعل تضيع وقتها وتفكيرها فى توضيب شقتها ولكن ماذا تفعل لقد اعتذرت فماذا اذن حتى نامت من كثرة الارهاق عاد عمرو إلى المنزل وجد زوجته نائمة فحمد ربه وقرر ان غدآسوف يآخذها للغداء فى الخارج ليتحدث معها بهدوء
وكالعادة استيقظوا عند أذان الفجر وصلوا فرضهم ولكن ريم هذه المرة أسرعت إلى السرير فهى تكاد تختنق ولا تريد ان تحتك به نهائيآ
فهى رغم أنها تم تخطئ اعتذرت ولكنه لم يقبل اذن فلتحافظ على كرامتها قليلآ
في الصباح الباكر استيقظت ريم بأرهاق شديد فوجدت عمرو يرتدى ملابسه سريعآ ويقول لها
عمرو شكرآ ع التأخير بس الزعل اللى بينا مالوش دعوه بمسئولياتك وتركها وغادر نظرت ريم فى الساعة فوجدتها الثامنة والنصف
لا تعلم كيف لم تستيقظ ولكنها وإلى الان تشعر بالوخم الشديد ولكنها تحاملت على
نفسها وذهبت لعملها وهي يظهر عليها الأعياءالشديد
وفي مكتبها
معلا مالك ياريم شكلك تعبان
ريم آه فعلآ حاسة انى مرهقه شويه
معلا طيب ماتستأذنى
ريم أنتى عارفة انه صعب يلا مش مشكلة ان شاءالله الوقت هيعدى بسرعة
حتى وجدوا البشمهندس حسين يدخل عليهم مكتبهم ومعه ضيف وعندما رأت ريم الضيف رددت فى سرها ربنا يستر
حسين ازيكو يابشمهندسين
الموجودين فى المكتب تمام يابشمهندس
ووجه حسين كلامه لريم حبيبتى البشمهندس مازن كان عندى واصر يسلمك عليكي مع انى قلتله ان ابعتلك بس هو عايز يجي بنفسه
ريم احم الله يسلمه
مازن والله يابشمهندسة فرحت جدآ انى عرفت انك بتشتغلي هنا وانا داخل شغل مع البشمهندس حسين فإن شاء الله تكونى من ضمن الفريق
ريم وهى تنظر إليه نظرة غيظ ربنا يسهل
مازن
ريم بس حضرتك مش هينفع
حسين متدخلآ عيب ياريم تكسفى البشمهندس ده مش غريب
فآخذت ريم ڠصب عنها ميرسي
مازن العفو ديه حاجة بسيطة ياريت يجي اليوم اللى تقبلى بيه تبقى صداقتى
حسين ياخبر يابشمهندس احنا اصلا بقينا أصدقاء
مازن اتمنى يلا اشوفك بعدين يابشمهندسه
ولسوء القدر رأى عمرو مازن وهو يخرج من مكتب ريم ودخل لريم وعندما رأته استشهدت وخصوصآ عندما رأت وجه عندما نظر للورد فى يديها
عمرو وهو يحاول السيطرة على غضبه ريم تعالى ورايا
دخلت ريم مع عمرو مكتبه
عمرو وهو يمسكها من ذراعها هو الزفت ده كان عندك
ريم آه طيب سيب ذراعي آه
عمرو وهو اللى جاب الورد
ريم وهى تحاول الا تبكى ياعمرو بالراحة وافهم الموضوع
عمرو جاوبينى من غير رغى كتييير
ريم آه بس
فوجدت ريم صڤعة قويه على خدها فنظرت له پصدمة شديده
ريم انت ازاى تعمل كده !!!!
عمرو القلم ده عشان يفكرك انك ست متجوزه وعيب انك تقبلي ورد من حد بيقولك بحبك وانتي بتقوليله وانا كمان
ريم وهى يكاد يغشى عليها مازن
لما جه المكتب كان مع حسين وحسين هو اللى ڠصب عليا انى آخد الورد يعني آخويا كان موجود
عمرو ولو يعني واحد يطلب ايدك امبارح وتقبلى منه ورد النهارده ده احترام
ريم أنا ما اسمحلكش ومش هستنى عشان اسمع تخريفك
تركته ريم وذهبت للحمام وفى طريق عودتها لمكتبها كانت تشعر بۏجع شديد في بطنها ولم تقدر رجليها على حملها فسقطت مغشيآ عليها
وبدأ التوتر في الشركه وحاولت إحدى السكرتيرات إفاقتها ولكنها لم تفلح حتى ذهب أحدهم لعمرو وابلغه بما حدث فذهب إليها فزعآ وحملها للسيارة وعلى أقرب مستشفى
دخلت ريم الاستقبال ومنها لغرفه العمليات
وبعد ان خرجت ذهبت لغرفة عاديه ولكنها كانت نائمة
فذهب عمرو للطبيب ليطمئن على زوجته
عمرو بتوترشديد دكتور بعد اذنك انا زوج ريم عزالدين
الطبيب تشرفنا بص حضرتك هى المدام دلوقتي كويسة بس
عمرو بس ايه يادكتور
الطبيب للأسف البيبى نزل
عمرو بيبى
الطبيب هو انت ماكنتش تعرف ان المدام حامل
عمرو وهو يهز رأسه بالرفض
الطبيب انتو لسه الامر قدامكوا طويل
ذهب عمرو من عند الطبيب وهو يشعر بالحزن فهو السبب فيما حدث لزوجته ولابنه ولكن هل سوف تسامحه ريم
وهو فى طريقه إليها قابل حسين جاء فورآ حين علم لما حدث
حسين ايه اللى حصل
عمرو ريم كانت حامل والولد نزل
حسين طيب وريم عاملة ايه
عمرو نايمه ولسه ماتعرفش
حسين طيب تعالى ندخلها
دخل عمرو على ريم وكانت قد فاقت
وعندما رأته نظرت جانبآ
عمرو اقترب منها وأمسك يديها الف سلامة
وعندما دخل حسين تعاملت معه عادي
حسين حبيبتى الف سلامه عليكي
ريم الله يسلمك ياحبيبى هو انا ليه حاسة انى معدتى وجعانى آوى آوى هو ايه اللى حصل
فنظر عمرو لحسين بأن يخرج واستأذنها حسين قليلآ
فجلس عمرو بجوارها على السرير وأمسك يديها
عمرو حبيبي انتى عارفة ان ربنا مابيعملش حاجة وحشة فى حد
ريم بقلق ايه ياعمرو ھموت يعنى
عمرو بعد الشړ عليكى هو بس كان فيه هنا حاجة وشاور على بطنها بس ربنا ما كتبلهاش انها تستمر
ولم يكمل عمرو كلامه حتى ابتدت ريم فى البكاء
فهي كان ترى ان حياتها لاينقصها سوى كلمه ماما
وأخذت تردد قدر الله وماشاء فعل قدر الله وماشاء فعل بس انا كان نفسي فيه
عمرو حبيبى العمر قدامنا
ريم وافتكرت ماحدث منذ ساعات قليله وليه مايجوش احسن عشان مش هينفع يشوفوا امهم مل شويه بټضرب
عمرو أنا آسف والله ڠصب عنى بقالى كام يوم فى ڼار
ريم وطلعت نارك ديه عليا بتمارس رجولتك عليا انا بس
عمرو أنا مراعى حالتك
ريم حالتي!!!! يا ارحمنى وصبرنى
عمرو وهو يقترب ليقبل رأسها
ريم من فضلك ابعد وعايزة انام ممكن تخرج
عمرو تمام انا هخرج اتصل بماما وبابا
وبعد خروج عمرو ابتدت ريم
فى البكاء وآخذت تدعو خالقها يارب انا مش معترضة بس كنت عايزاه يارب عوضنى واخلف عليا يا ارحم الراحمين
قلمك ياعمرو هو السبب فى ضياع ابنى مني ومش هعرف أسامحك ولا لأ
البارت الخامس والعشرين
فى المشفى الذى ترقد فيه ريم
آتى والدها ووالدتها وأختها مهرولين إليها
الام بنتى حبيبتي الف سلامه عليكى
ريم اللى جابك بس انا كويسه والله مافيش حاجة
مريم وهى تبكى ازاى انى مش شايفة وشك عامل ازاي والمحاليل
المتعلقة ديه
عمرو متدخلآ هي العيلة ديه حنفية عياط بطلى يازفته تقلقيها على نفسها ومسك يدها وقبلها حبيتى زى الفل
قابلت ريم كلامه بإبتسامه صفره
الاب هو الدكتور قالك هتخرج امتى
عمرو بكرة ان شاء الله
الام طيب يلا خدوا بعضكوا وروحوا كده عشان الوقت وانا هعقد مع بنتى
مريم لا انا اللى هبات
عمرو ولا انتى ولا حضرتك ياماما بعد اذنكو انا اللي هقعد مع مراتى
ريم ياجماعه بتتخنقوا عليه ايه انا اصلا كويسة ومش محتاجة حاجة
عمرو معلش ياماما ماتتعبنيش روحى انتى وبابا
الام طيب خلى بالك منها وهجيلك بكرة
ريم ياحبيبتى وتتعبى نفسك ليه انا هروح بكرة
ذهب الجميع وجلس عمرو بجوار زوجته ومسك يديها فسحبتها منه
عمرو مش عايزة حاجة
ريم لا شكرآ
عمرو حقيقى انا آسف على القلم ده بعيدا عن نزول البيبى انا لما بضړبك قلبى بيوجعنى والله آسف بس هستنى لما تقومى بالسلامه ونتكلم واحتمال تراعينى
ريم من غير نفس أنا بكره هروح عند اخويا
عمرو لا طبعآ
ريم ماتخفش مش هروح اقابل رجاله هناك
عمرو بتنهيده يابنت الحلال انا عمرى ماشكيت فيكى عشان تقولي كده بس انتي مش بترتاحى هناك
ريم ديه مشكلتي وعادى هستحمل
عمرو ريم انتى هتروحى على بيت ابويا لحد ماتقومى بالسلامه وتركها وخرج
وعندما عاد وجد تغمض عينيها فأعتقد انها نائمة
فجلس بجوارها وأمسك يديها وقال آسف اني دايما بوجعك والمرة ديه التمن كان غالى بس مش عايزك تنسى اني ابوه وأكيد والله تعبان طول جوازنا وانا مستنى اليوم اللى تقوليلي فيه انك حامل
طول جوازنا وانا بحلم بالبنوته اللى شبهك
كان نفسي تنسى اللى حصل وتخدينى ونصبر بعض اللى راح ده كان ابنى برده وحته مني وآخذ يبكى بس انا واثق انك بتحبينى وهتسامحينى والله لما بزعلك انا بمۏت انتى روحي ياريم ونام على يديها
كانت ريم تسمع كل كلمه مما يقولها زوجها نعم هو ابنه ايضآ وزوجها بطبيعته حنين جدآ ويعشق الأطفال من الممكن جدآ ان يشعر بنفس الۏجع الذي اشعر به بالأضافة إلى شعوره بالذنب
اتتحمل كل هذا لوحدك ولكن وجعى لايجعلنى قادرة على أن اطيب خاطرك يارب الهمنى الصبر والقوة
خرجت ريم من المشفى على بيت عمها بالطبع ومر أسبوع وريم تشعر انها فى حداد على ولدها الذى حتى لم تفرح بوجوده ولو قليلآ
كان يحاول عمرو دائما ان يهون عليها وكانت امام العائلة تعامله كأن كل شئ طبيعى وعندما ينفردون تقسو عليه لذلك كان عمرو يحاول يقدر الإمكان ان لايجلس معها الا وهناك شخص من العائله
الا أن جاء يوم وجلست الاختان
مريم حبيبتى بقيت احسن
ريم آه الحمد لله ده قدر ربنا وان شاء الله تكون قده
مريم يستاهل الحمد فيه ايه بقا بينك وبين عمرو
ريم مافيش حاجة
مريم حبيبتى انا اختك واعرفك من عينيكى
ريم وبكت أنا تعبانة ومخڼوقة نفسي اترمى عندك واعيط بس اللى عمله عمرو واجعنى
مريم طيب بالراحة كده ومن غير عياط على رأى عمرو دموعنا حنفيه
ريم اخوكى ضربنى
مريم بتهزرى صح
ريم لا والله حصل
مريم وايه اللى وصل عمرو للنقطه الصعبه ديه
وحكت ريم لمريم كل ماحدث حتى هذه اللحظه
مريم ماتزعليش منى
ريم غلطينى بقا وانصفى اخوكي كالعادة
مريم أنتى عارفة انى دايما مع الحق وقدامه حتى لو غلطانه ببقى معاكة
ريم بس انا ما غلطتش فى الحفلة كان موجود ولما مازن جه المكتب اخويا كان موجود والله لما جه يدينى الورد قلتله لا لولا حسين
مريم فى الحفلة المفروض كان مهما حصل كنت فضلتى مع جوزك وعمرو راعى انه اخوكى كان السبب وعدى اللى حصل وماركزش عليه وموضوع الورد كنت تقدرى تقولى جوزي مش هيعجبه وتصرى
ريم أنا فى اوضه فيها 4مهندسين غيرى وكنت عايزة الليله ديه تخلص
مريم طيب لو شفتى واحده اكتر من مرة بتقابل عمرو وبتدلع عليه وجابتله هديه هتعملى أيه
ريم ده أنا هولع فيه وفيها
مريم مابالك بقا ان هو راجل وبيجتمع عنده الغيرة مع الكرامه
ريم بس برده مش لدرجة الضړب
مريم واهو ربنا عاقبه بعقاپ هيفكر الف مرة قبل مايمد ايده عليكى واحساسه بالذنب عامل ازاي مابتشفيهوش وهو بيصلى وبيدعى ربنا انك تسامحيه
ريم بصي هو موضوع البيبى عمرو السبب ومش السبب
مريم عروستى
ريم يوم خروجى من المستشفى الصبح الدكتور بيكشف قالى ان الرحم بتاعى بصي قالي اسمه بس مش فاكرة المهم انه فيه انقباضات بتحصله لما بكون زعلانه او اكون ضاغطة على اعصابي فده بيخلى الرحم يتفتح وبالتالى البيبى بينزل وحتى لو القلم عمره ما كان هينزله لانى ماوقعتش او
اتحركت حركة مش
مريم وعمرو عرف
ريم
لا مش هقوله خليه يعرف أن ضربه هو السبب على الأقل مايعملهاش تانى
مريم طيب والمفروض اللى بينكو يخلص امتى
ريم بعيدآ عن وجعى على ابنى بس صعب دلوقتى لازم عمرو يتعلم أنه يسمعنى وبعد
كده يتصرف
مريم ربنا يهديلك الحال
ريم يارب بقولك انا بقيت كويسه وهروح بكرة
مريم لأ خليكى شويه
ريم بس طول ما انت هنا مش عارفة اعاقب عمرو وماتقلقيش انا كلمت حسين يبعتلى واحده من عنده تجيلى كل يوم ماعدا الجمعة والسبت
مريم قلتي لعمرو
ريم برده لأ
مريم ماتلعبيش پالنار
ريم عمرو لازم يتعود ان ايده ماتترفعش عليا تاني مهما حصل فهمتى
وبالفعل ذهبت ريم لمنزلها
ولكنها اول ما وصلت دخلت على غرفة الاطفال مباشرة ولكن عمرو ذهب إليها مباشرة
عمرو أنتى هتعملى ايه هنا
ريم هنام هنا
عمرو اكيد بتهزرى احنا اتفقنا مهما حصل اللي بتعمليه ده مايحصلش
ريم عمرو انا تعبانة وعايزة انام
فتركها عمرو وغادر
وبعد اكثر من ساعتين دخل عليها مرة اخرى ليوقظها
عمرو قومى ياريم عشان الغدا ماما كانت ادتنى اكل وانا سخنته
ريم شكرآ انتهت ريم من طعامها
عمرو ريم انا عايز اتكلم
ريم ايه ده انت عندك لسان انا بحسب ان ايدك بس اللى بتتكلم
عمرو بعد اذنك انتى عارفة مابحبش اسلوبك ده فى الحوار
ريم فعلآ
عمرو ياريم عشان خاطر ربنا سامحيني انا آسف ومش همد أيدى تانى وهعسمك واعذرك بس عشان خاطرى كفايه خصام
ريم وانت بعد ماقضينا ليلة حلوة وخاصمتنى وقهرتنى ماكنش كفايه لما تقولي اني فيه راجل ييقولى بحبك بورد وانا لما اخدته يبقى بوافق ماكنش كفاية انا كفاية انى لسه بحاول اني احافظ على اللى بينا وماقلتش لحد عن اذنك
فى اليوم التالى قامت ريم لتجهز نفسها للعمل وتقوم بعمل نفس الروتين اليومى ودخلت لايقاظ عمرو
ريم قوم ياعمرو الساعة بقت عمرو 6 3والفطار جاهز
عمرو شكرآ ياحبيبتى
ريم العفو
وعلى السفرة
ريم بقولك انا طلبت من حسين انى عايزة واحده معايا تشتغل فى البيت يعني من 10الصبح مثلآ ل 7 او 8 مش هتبات يعني وهتيجى من النهاردة
عمرو أنتى بتبلغيتى ولا بتستأذنينى
ريم عمرو ديه حاجات تخص البيت
عمرو ومرتبها كام بقا
ريم انت رفضت اني احط من مرتبى فى البيت فهى جايه تريحنى انا وتساعدنى عشان البيت وكده وبقالى اكتر من أسبوع غايبة من الشغل فمش هينفع امشى بدرى ومش عايزة اقصر فى مسئولياتى اللي بينا مالوش دعوه
عمرو طيب يلا
ريم أنا هجى فى عربيتى
عمرو ماقدام مش هتيجى بدرى وانا حاسس انك لسة تعبانه فبعد اذنك هتيجي معايا ولو اللى بينا دلوقتى بقا مسئوليات فده من مسئولياتى
ام تعرف ريم لأى مدى ستظل العلاقة بينهما هكذا ولكنها تريد أن تضمن انه لن يمد يده عليها ثانيآ
عدى أسبوع على هذا الحال علاقة ريم وعمرو فقط تنحصر في العمل و تحدثه فقط حين تصحيه لصلاة الفجر والعمل فقط
حتى جاء اليوم علمت ريم فيه ان عمرو سينتقل لمكتب آخر به
سكرتارية
ذهبت ريم مثلها مثل اى احد في المكان لتهنئه
استئذنت ريم السكرتارية للدخول ولكنها طلبت منها الانتظار فى الخارج
ريم فعلآ بصي ياحبيبتى احنا انا هنا في شغل يعني توقفينى وتعطلى الشغل ده ممنوع
منى السكرتيرة خلصتى يافندم عن اذنك اديله خبر
كانت منى جديده فى هذه الشركه جاءت خصيصآ لمكتب عمرو فلم تكن تعلم علاقة عمرو بريم
خرجت السكرتارية من عند عمرو وسمحت لها بالدخول
ريم استنى تعالى معايا ووجهت كلامها لعمرو بعد اذنك قول لسكرتيرتك طول ما انت مش معاك حد يبقى ادخل من غير استئذان
عمرو لمنى الكلام اللى هى قلته يتنفذ تمام
منى تمام يافندم
عمرو ريم هانم بنفسها جاية عندى
ريم آه قلت آجى اباركلك عشان ماحدش يتكلم وكده
عمرو بس انتى قبل كده قلتى اني ماينفعش تهنينينى زى اى حد
واقترب منها فأستكانت ففرح ولكنها أدركت ماتفعل فابتعدت عنه طيب بالمناسبة ديه انا عازمك على الغدا بره
ريم معلش مش هينفع
عمرو عشان خاطر ربنا تقبلى
ريم وقد اشتاقت له كثيرآ تمام اوك
يجلس عمرو مع ريم فى مطعم فاخر للغاية
ومسك يديها
عمرو وحشتينى كفايه طول وبعد بقا كفايه خصام لحد كده ريمتى حقيقى مش عارف اعيش 15يوم لحد دلوقتى وكل واحد فينا قاعد فى قوضة لوحده مابقتش قادر
ريم لا تتحدث
عمرو طيب بصي لو حصل وايدك اتمدت عليكى تانى ابقى ياستى مع انه صعب ابقى ابعدى عنى خالص
ريم بآبتسامة بس انا ماقدرش اعيش من غيرك
عمرو ايوه بقا بذمتك مش بتحبينى
ريم ما اعرفش
عمرو ياسلااام بس انا بقا بمۏت فيكى وبعشقك وبحبك بس عندى ليكى رجاء عارف اني عصبي وانتي المفروض انك عرفانى بس بلاش نتخاصم على كل مشكلة كتيير الوقت مافيهوش عمر نضيعه فى خصام
ريم هفكر
عمرو يابت هضربك
ريم
ماتقدرش
عمرو وريم ههههههههههه
ريم بص انا طلبت من حسين أنه لو عايز يشتغل مع مازن مش هو اللى يبقى مسئول عن تعاملات الشركة يا أما بلاها
عمرو وحسين قالك ايه
ريم وافق طبعآ لانى حكيتله شويه من اللى حصل ووجود مازن فى المكان هيسبب مشكله بينى وبينك
عمرو ربنا يخليكى لي
ريم ويخليك
عمرو مايلا نروح وحشتينى
ريم وانت كمان ياقلبى
عمرو اموت ان
مرت الحياه بينهم على وعد منهم بإسعاد بعضهم البعض مرة آخرى
وفي أحد الأيام كانت ريم وزوجها يبيتون عند
ابويهم حتى دخلت عليهم مريم بحجابها
فرح الجميع لها بذلك ولكن شعرت ريم ان أختها مريم ليست فرحة على الإطلاق
فجلسوا مع بعضهما البعض
ريم مبرووك يامريومتى بس انا ليه مش حاسه انك فرحانة
مريم لا طبعآ
ريم مريم انتى مالك بقالى فترة كده مش مرتحالك حاسه انك متغيرة فيه حد دخل فى حياتك
مريم بتوتر لا طبعآ انى بتهزرى
ريم مريم أعتقد انى عمرى ماخبيت عليكى حاجة وبقالى فترة مستنية انك تحكى فعايزة كل حاجة بالتفصيل
مريم بصى هو الموضوع بدأ من اخر شهرين فى الجامعه واحده صحبتى اخوها جه عندها وكان معاه واحد صاحبة بس ولفت نظرى من اول يوم وانا كمان لفتت نظره وأقعد كذا فترة يجيلى ويحاول يعني
ريم لحد ما استسلمتى
مريم والله حبيته
ريم فأتنازلنا عن مبادئنا
مريم پبكاء والله انا اسفة ڠصب عني
ريم وانتي ناويه على ايه ولا اخركو ايه
مريم يعنى شهر ولا شهرين وهيحى يتقدم
ريم ومافكرتيش فى عمرو
مريم أنتى هتقوليله
ريم بتهزرى اكيد لأ بس تفتكري مش هيبان وانتي بتتعاملى معاه انى فيه معرفة
مريم مش عارفة بقا
ريم هو اللى خلاكى تتحجبى
مريم آه
ريم وهو اللى قالك ممنوع تشتغلى فى السياحة
مريم وهى تبلع ريقها
ريم وانتى ضعيفة وماشية وراه وحلمك طظ فيه
مريم على اساس انك مش بتسمعى كلام عمرو في كل حاجة
ريم بصراحة عندك حق مع ان فيه فارق انك عارفه واحد بقالك شهرين ومش جوزك حتى وانا عمرى كله مع شخص الثقه هنا بتفرق وبالرغم ده عمرو عمره مافرض عليا حاجة مس عيزاها يتحكم يتعصب يتخانق بس كان عند مستقبلى ما اعتقدش انه وقف قدامى
مريم انا آسفة مش قصدى
ريم ياحبيبتى عارفه احتمال كبير انى اكون ضعيفة قدام عمرو بس ادينى بعلمك انك من اول يوم يبقى ليكى شخصيتك معاه
مريم حاض
ريم بس من اللحظه ديه ياريت تراعي انك بلاش تكلميه مش هخليكى توعدينى عشان انا واثقة فيكى ومن الاسبوع اللى جاى تيجى هتشتغلى معانا هرتب الدنيا بس
مريم ان شاءالله
فى الشركة طلب عمرو اجتماع طارئ مع جميع المهندسين ولكن للاسف كانت ريم قد رحلت
عمرو باجماعة انا جمعتكو عشان الأستاذ عاصم اللى احنا شغالين فى مشروعه آخد قطعه ارض تانيه وكان فيه شويه تعديلات فعايزين نتفق عليها عشان مانضيعش وقت
الموجودين تمام يابشمهندس
ومر يوم واثنين وثلاثه وجاء وقت مراجعه مشروع أستاذ عاصم وفى وجود الجميع حتى ريم
قدمت كل المهندسين مشاريعهم وما وصلو إليه وقدم عمرو اضافاته حتى جاء دور ريم وعندما قدمت لوحاتها قام عمرو بتقطيعها وقال ايه اﻵرف ده مافيش اي حاجة من اللى اتكلمنا فيها من يومين
ريم حضرتك بتقطع شغل أسبوعين
عمرو ماقدام غلط يبقى مالوش لازمه عندى
ريم يابشمهندس حضرتك انا ماخرجتش عن ملاحظات حضرتك
م أحمد متدخلآ بشمهندس آخر اجتماع البشمهندسة ماكنتش حاضره
عمرو تمام وده اهمال تاني في الشغل انا ما اقبلوش ياريت ياجماعه حد يبلغ البشمهندسة بالملاحظات الجديدة وقدامك يابشمهندسة 24ساعة يكون المشروع خلصان اتفضلوا
خرج الجميع ولكن ريم ظلت
عمرو انا قلت اتفضلو
ريم يابشمهندس حضرتك طلبت منى شغل 15يوم فى 24ساعة وده صعب
عمرو يعنى شغلى هقدمه بعد بكرة المفروض انا اعمل ايه
ريم بس انا معرفتش ان كان فيه اجتماع
عمرو ماحدش قلك امشى بدرى
ريم شكرآ يابشمهندس وصفعت الباب خلفها بقوه
ذهبت ريم لمكتبها وهي تشعر بالڠضب
رواية رائعة
البارت السادس والعشرين
فى مكتب ريم
طلبت ريم من ال م علا ان تشرح لها ماحدث فى الإجتماع السابق ثم استئذنت للرحيل
وقد ذهبت لمنزلها لكى تركز في عملها
أرسل عمرو في طلبها ولكنه عرف انها رحلت
وصلت ريم لمنزلها وطلبت من مها التي تهتم بشئون منزلها انها لاتريد الازعاج مطلقآ ولها طلب صغير كوب نسكافيه كل ساعة
وانكبت ريم على عملها حتى جاء عمرو الساعه الثامنه وسأل مها عليها وقالت له انها داخل الغرفة منذ الواحده ظهرا
فطرق الباب ودخل
عمرو حبيب قلبى عامل ايه
ريم عمرو ابعد عنى الساعة ديه عشان مش طايقاك بس والله لاهوريك
عمرو ضاحكآ طيب تعالى اساعدك
ريم لا شكرآ وبطل تعطلنى ماشى ياعمرو ده لو حد غيرك كنت
عمرو كنتى ايه
ريم بغيظ ماعرفش
عمرو طيب عارفة انتى لو حد جه يورطنى قبل ميعاد تسليم شغلى بيومين كنت رفدته
بس انتى مشيتى بدرى من يومين ايه
ريم كان عندى ميعاد مع الدكتوره
عمرو بقلق أنتى تعبانة
ريم لا ياحبيبى ديه دكتورة نسا متابعة كده
عمرو وماقولتيش ليه
ريم خفت تقلق
عمرو طيب يلا عشان الاكل
ريم معلش ياحبيبى مش هقدر اضيع وقت
خرج عمرو ورجع بطعام
عمرو اشتغلى وانا هأكلك
ريم تسلملى ياعمرى بس مهما تعمل مش هنسى ها
تأخر الوقت وطلب عمرو من ريم ان ترتاح قليلآ
ريم حبيبي نام انت
عمرو ياشيخه بلاش تحسسينى بالذنب اكتر من كده بصي هأجل الاجتماع يومين تلاته
ريم حبيبى اولا ماينفعش ديه سمعه مكان وثانيآ عايزهم يقولو انك عملت كده عشانى وبعدين انت مش واثق فيا
عمرو طبعآ ياقلبى طيب بصى بقا انا هفضل معاكي
ريم طيب ياحبيبى افرد جسمك على الكنبة
ولم يمر ساعة حتى ذهب عمرو فى سبات عميق
ولم يستيقظ الا من زوجته لصلاة الفجر
وطلبت منه زوجته ان يجهز هو اليوم ملابسهم والافطار ولم يعترض عمرو وجلست تكمل عملها ولم يتبقى سوى عمل ساعة سوف تنهيها فى المكتب
وعدت هذه المشكله بينهم على خير حتى اقترب عيد زواجهم وقد قرر عمرو ان يأخذ ريم أسبوع عسل هديه لعيد جوازهم
فى منزل العائلة
تجلس الاختان يفكران فى مفاجأة لعمرو في عيد زواجهم
ريم بصى مش لاقيه
فكرة جديده خالص خالص يارتنى كنت حامل كانت هتبقى احلى هدية
مريم بقولك ماتعملى عشا رومانسى فى مركب وتسافروا بيها لاى حته
ريم والله فكرة جامده جدآ ميرسي ياقلبى
بكرة بقا ننزل ندور ونسأل وانتى معايا اكيد
مريم بقلق ماشي
ريم بقولك يوم الأحد انتى اكيد هتنزلى الشركة
مريم لا ياحبيبتى ما انا خلاص قدمت فى شركه على قدى كده
ريم أنتى بتهزرى
مريم بصى هي أقرب من بتاعتكو وانا خلاص قدمت وهنزل يوم الأحد
ريم ومين بقا اللى جبهالك
نظرت مريم فى الأرض
ريم هو احنا مش اتفقنا ماتتكلميش معاه
مريم هو كلمنى عشان موضوع الشغل
ريم راح معاكى
مريم والله ابدآ هو كمان بېخاف عليا وعلى سمعتى
ريم يامريم انا مش عايزاكى تغلطى
مريم هو شهر لو مجاش هسيبه نهائيآ
ريم ربنا يستر يامريم قومى بقا اعمليلى كوبايه كابتشنو
مريم من عنيا
ذهبت مريم للمطبخ ولكن عمرو دخل ورائها
عمرو بصي بقا من غير لف انا عارف انكو مجتمعين عشان عيد جوازنا فهي هتعمل ايه عشان مش عايز يحصل تضارب فى المفاجأت
مريم انت عارف ان ماينفعش اقولك بس عندى فكرة قولى انت ناوى على ايه وانا هرتبلك الدنيا
عمرو انا واثق فيكى بصى انا عايز اسافر اسبوع تركيا
مريم يابن اللاعيبة طيب بص بقا هاتلى باسبورك وباسبور ريم وفلوس وانا هربط بين الاتنين
قبل رأسها وقال ربنا يخليكى ليا
ذهبت ريم ومريم لحجزالمركب وقررت ريم انها تسافر بها لشرم الشيخ ولكن مريم اتفقت مع المكتب انها سوف تكون لتركيا واعتطهم لهم الباسبورات حجزت الاوتيل هناك وكل شئ عن طريق الإنترنت
جهزت ريم شنطتى سفر ووضعتهم فى سيارتها وقالت لزوجها انها تريد ان تقضى يومين فى الاسكندرية فوافق عمرو سريعآ واعتقد انه بعد مفاجأه ريم سوف يسافرون من المطار هناك
ولكن ريم طلبت منه الذهاب للمينا
ونزلو الاثنين ودخلوا سويآ للمركب وكانت مجهزة لعروسين بالفعل
ريم كل عيد وانت معايا
عمرو ربنا يخليكى ليا
وأخذوا يتجولون فى المركب اتصل عمرو بمريم ليعرف كيف تسير مفاجأته لزوجته فأخبرته ان هذه المركب سوف تسافر بهم فشكرها كثيرآ
قضى المحبين يومين فى سعاده لايفكرون الا فى أحدهم الاخر حتى وصلوا اسطانبول وقد تفاجأت ريم كثيرآ
عمرو ديه بقا مفاجأتى كل سنه وانت طيبه ومعايا ومليا حياتى
ريم اوعى تقول انك كنت عارف بهديتى ومثلت عليا الفرحة
عمرو لا البت مريم هى اللي ظبطت الاتنين مع بعض
ريم يابنت اللاعيبة البت ديه جامده وهخاف على دماغها من الحسد
عمرو هو احنا جايين نفكر في مريم ياستى نجبلها هديه حلوة
قضوا احلى أيام حياتهم هناك كأن القدر أعطاهم
رزق سعادتهم مرة واحده
عادوا مرة آخرى الى القاهرة وكانوا يتمنون أن شهر العسل الذى جاء متأخر سنه لاينتهى
انتظموا فى عملهم مرة آخرى
كانت ريم تجلس فى مكتبها حتى قامت مريم بالاتصال بها
ريم حياتي اخبارك وحشتينى
مريم تمام بقولك كنت عايزاكى ضرورى
ريم نتقابل
برة بعد شغل
مريم طيب تكونى عندى 6 بالدقيقة
ريم حاضر
استأذنت ريم من عمرو انها سوف تذهب لمريم العمل ويذهبون لشراء بعض الأشياء
وبالفعل الساعة السادسه
كانت تقف ريم إمام المكان الذى تعمل به مريم وكان مكان من وجه نظر ريم دون المستوى ولا تعرف كيف استطاعت أن تقنع عمرو بهذا المكان اتصلت ريم بمريم
ريم أنتى يابنتي اخلصى مش بحب الانتظار
مريم 5 دقائق واكون عندك
تجلس الاختان معآ فى أحد الكافيهات وتضع ريم يدها على خدها في انتظار ان تتحدث مريم
ريم بقالك ربع ساعة ساكتة
مريم بصى إبراهيم كلمنى عشان عايز يجى يتقدم
ريم آبراهيم مين
مريم زهايمر هو فيه غيره
ريم آآه بس انتى اصلا ماقلتيش اسمه
مريم المهم اعمل ايه!
ريم فى ايه
مريم هى مش ناقصة غباء انتى خوفتينى أن عمرو يعرف
ريم آه فهمت شوفى صحبتك
مريم هو انا مابقتش اكلمها بصى هى فيه حاجة كده ممكن تنفع
ريم ها
مريم الشركة اللى انا شغالة فيها آخوه فيها فكنت بفكر اقول ان العريس جه عن طريق أخوه
ريم وعمرو هيتقبل عادي ان ليكى كلام مع حد فى الشغل لدرجه انه يحب يعرفك على آخوه ده ممكن يخليكى تسيبى الشغل فيها
مريم ماتخفيش كده كده هسيبه
ريم ليه ان شاءالله
مريم مش مرتاحة
ريم وشك بيقول غير كده خليكى صريحة وقولى انه هو اللى أمرك بكده طيب كان وافق ليه من الأول
مريم من غير زعيق هو كان يعنى احم فيما معناه بيشوف تعاملاتى مع الناس يعنى وكده
ريم هو انتى كنتى
تعرفى ان اخوه شغال هناك
مريم وهى تنظر فى الأرض لا
ريم يعنى كان بيختير أخلاقك بصي بقا انا مش مرتاحة للى اسمه إبراهيم ده داخل كده وعمال يحرك فيكى على كيفه وانتى ماشاء الله كرسى
مريم فى سرها سبحان الله وهو كمان بس انا بحبه
ريم أنتى اكيد كاتبه فى ورق الانترفيو رقم تليفون تانى للطوارئ فهو كأنه آخد رقماخوكى ولا بصي خليها ابوكى بلاش عمرو وانه هو جه الشغل لاخوه وشافك وكده
مريم حلوه الفكرة ديه وانا اتفاجئ بقا وكده
ريم ياستى هبقى ساعتها انا اللى افاتحك تمام
مريم ربنا يخليكى ليا ويسترها للأخر
جاء يوم الرؤيه الشرعيه الخاص بمريم
قأشترت مريم ملابس جديده محتشمه جدآ جدآ بناءآ على كلام إبراهيم لان والدته تدقق فى هذه الأمور
دق جرس الباب فأنتفضت مريم ومسكت يد ريم
ريم بت أهدى هتفضحينا
مريم مش قادرة مبسوطة اوى اوى
ريم المفروض انك ماتعرفيهوش ولو وسعت منك آخرك تكونى شفتيه قبل كده اخوكى رخم
دخل عمرو عند هذه الكلمه
عمرو أخوها مين اللى رخم
ارتبكت مريم ونظرت فى الأرض
ريم اكيد انت ياحبيبى اختك مش عايزة تتطلع وبتقول مش عايزة تتجوز وانا بقولها آخرجى يمكن يعجبك برده بتقول لأ قلتلها اخوكى هيظبتك
اقترب عمرو من أخته ياحبيبتى هو انتى هتتجوزيه دلوقتي والله لو معجبكيش مش هغصبك
مريم بصوت هادى حاضر
عمرو ونكزها فى كتفها وبعدين عايزين نخلص منك
مريم اوف عليك ما انا كنت حنين دلوقتي
عمرو بلاش دلع هاتى العصير وتعالى قدميه
ريم حاضر ياعمرو يلا يامريم وزى ما اتفقنا وشك فى الأرض وماتتكلميش خالص ولما تقوموا تعقدوا مع بعض صوتك يبقى واطى ومافيش الا ابتسامة كسوف ربنا يستر
دخلت ريم أولا تسلم على الضيوف ولكن يكن موجود سوى العريس ووالده ووالدته
ودخلت العروس وقدمت العصير لوالده ثم والدته وله فى الأخير وجاءت لتجلس حتى تحدثت والده العريس لأ تعالى اقعدى جنبى فأنصاعت مريم لها
اسمك ايه بقا
مريم بصوت هادئ للغايه مريم
والدة العريس شكلك هاديه كده ومؤدبه وحجابك الله أكبر منور وشك
ووجهت كلامها لريم هو انتى مش محجبه ليه زى اختك
نظرتلها ريم بأستغراب ربنا الهادى
والدة العريس بس الحجاب كده احترام
ريم اهم حاجة الأخلاق ياطنط
والدة العريس طبعآ اكيد
ريم أنا بقول نسيبهم يتكلموا شويه مع بعض
والده العريس عندك حق بس الجواب باين من عنوانه
خرج الجميع ماعدا ريم وعمرو ليكونوا محارم فى هذه الجلسة
جلس عمرو وريم يتحدثون ولكن كان عمرو مركز تركيزآ كليا مع العروسين
عمرو لريم مش عارف ليه مش مرتاح حاسس ان البت ديه عارفاه وهو عارفها نظراتهم مش نظرات ناس اول مره تشوف بعض
ريم وهى تحاول أن تدارى ارتبكها حبيبى ماهو قال شافها قبل كده
عمرو ومش عارف ليه شاكك فيكى
متابعة القراءة
