مزيج العشق بقلم سهام صادق
بس خلاص انا نفرت منه ومن الحب والارتباط كله
كارمن ماتقوليش كدا انتي لسه العمر قدامك يعني ممكن تعتبريها تجربة وفشلت.. مفيش حاجة نجاحها مضمون ميه في الميه من اول مرة ولا ايه رأيك!!
اومأت نسمة بإبتسامة اشرقت وجهها الجميل تؤيد رأيها عندك حق
ابتسمت إليها كارمن قائلة ببشاشة طيب امسحي وشك وتعالي نكمل شغلنا
نسمة بإمتنان حاضر.. متشكرة ليكي يا كارمن علي اهتمامك وكلامك ليا
كارمن بمودة مافيش داعي للشكر احنا زمايل وبقينا اصدقاء كمان.. ماتشغليش بالك بحاجة الا مستقبلك وربنا يقدرلك اللي فيه الخير
نسمة شاهين
تبلغ من العمر 25 سنة جميلة وجذابة للغاية لديها عيون خضراء واسعة تعيش مع والدها الذي ليس لديه سواها ويحبها كثيرا وهي أيضا شديدة الارتباط به حاصلة على بكالوريوس فنون جميلة قسم الملابس والمنسوجات.
عملت في الشركة لأكثر من عامين ولديها خيال جيد وحس فني رائع لذلك أبهرت كارمن بذوقها وخبرتها منذ اليوم الأول لها معهم في الفريق وساعدتها أيضا في بعض الأشياء التي وجدت صعوبات فيها وبالتالي أصبحا قريبين من بعضهما البعض.
ليلا في قصر البارون
دخلت كارمن القصر بعد انتهاء يومها الطويل في الشركة أخيرا
صاحت كارمن بنبرة عالية قليلا مساء الخير عليكم
قالت ليلي بإبتسامة مساء الشهد يا قلبي
تسائلت مريم بحنان حمدلله علي السلامة يا حبيبتي.. اتأخرتي كدا ليه!!
جلست كارمن بجانبهم وقالت الله يسلمك يا مامتي.. دا انا كنت هقعد في الشركة لحد الساعه 9.. عشان في قماش من المخازن كان
لازم استلمهم بس هما بعته بدري الحمدلله خلصت وجيت علي طول
ليلي بصدق ربنا يعينك يا كوكي
تطلعت كارمن حولها قائلة بإستفهام امين يارب.. ملوكة وحشتني اوي هي فين!!
ضحكت مريم بحبور وقالت لعبت طول اليوم مع ياسين ابن يسر ولما مشيو كانت نعست ونامت
أراحت كارمن رأسها على الأريكة بتعب وأغمضت عينيها ياسو كلمتني كتير وانا في الاجتماع بس معرفتش ارد عليها هكلمها قبل ما انام.. الصداع هيموتني يا ماما وعينيا مزغلله اوي
ثم اردفت بتعجب مش عارفه ازاي ادهم بيستحمل كل التعب دا سبحان الله
ليلي ربنا يقويكم يا قلبي
ربتت مريم علي قدمها قائلة بهدوء طيب انتي اطلعي استريحي شوية علي ما العشاء يجهز يا كوكي
اعتدلت كارمن في مقعدها قائلة بإرهاق لا يا ماما انا هقعد معاكو يمكن ادهم يتصل عشان اطمن عليه
حدقت مريم بصمت في ليلي التي هتفت بهدوء على الرغم من توترها ادهم اتصل من ساعتين يا حبيبتي وطمنا عليه هو بخير وبيسلم عليكي.. بس هو اضطر يتصل بدري انهاردة عشان وراه عشاء عمل وهيبقي مشغول لوقت متأخر
حاولت كارمن التحكم في نبرة صوتها حتى لا تبدو غاضبة قائلة بجمود عشاء عمل تمام يا ماما ليلي مش مشكلة..
ثم أضافت ناظرة إلى ليلي ومن بعد اذنك يا ماما ليلي.. كمان يومين هروح لبيت عمر عشان محتاجة انقل ادواتي واعرف اشتغل هنا في البيت.. وهحتاج كام وحدة من الشغالين هنا يساعدوني بنقلهم
ليلي بإبتسامة بسيطة من عينيا يا كوكي
ابتسمت كارمن بهدوء ميرسي يا ماما ليلي.. انا هطلع ابص علي ملك وارتاح شوية عن اذنكم
داخل منزل صغير في حي راقي
صاح رجل عجوز من داخل المطبخ يلا يا روح بابا تعالي جهزتلك العشاء
بعد قليل
جاءت نسمة ترتدي إحدى بيجاماتها المريحة حيث تحب دائما أن ترتدي ملابس فضفاضة في المنزل وقالت بمرح وشهية الله الله علي الروايح الحلوة يا عم شاهين
أشار شاهين برأسه إليها هاتي العيش من هناك عشان تلحقي تاكلي الاكل وهو سخن
أومأت نسمة إليه وقالت حاضر
جلست نسمة على طاولة الطعام الصغيرة في المطبخ مع والدها يتناولون وجبة العشاء
نسمة بعبوس بابا مش انا قولتلك كتير تديني فرصه اعمل انا العشاء ولو مرة واحدة حتي
شاهين بضحكة بقولك ايه احنا بينا اتفاق مافهوش رجوع من يوم ما طلعت علي المعاش.. انا اطبخ وامارس هوايتي المفضلة وانتي تشتغلي وترسمي وتشخبطي براحتك
ضحكت نسمة ثم قالت بنبرة هادئة ايوه يا بابا بس وقفه المطبخ غلط عليك علي الاقل سيبني اساعدك
ثم اردفت بمزاح ليه الانانية دي استحوذت علي المطبخ خلاص
ضحك شاهين بمرح وقال بتسلية خلاص مايهونش عليا زعلك المواعين عليكي
انكمش وجه نسمة قائلة بحسرة المواعين ماشي أمري لله
شاهين بمحبة وحنان لما تتجوزي اعملي اللي انتي عايزه في مطبخ محدش هيمنعك
وضعت نسمة يدها اسفل ذقنها بحزن مصطنع عايز تخلص مني بالسرعه دي يا شاهين
حدق شاهين فيها بطرف عين وقال ماتتهربيش زي عوايدك يا نسمة انتي فاهمه قصدي
زفرت نسمة بضيق بابا لو سمحت انا قولت قراري رجوع ليوسف انا مش هقدر
هز شاهين رأسه برفض وقال انا مش بكلم عن يوسف خالص..حتي لو عايزة انتي ترجعيلو انا اللي هرفض هي بنات الناس لعبه عشان يعمل كدا معاكي.. انا بكلمك علي العريس اللي اتقدم بقالو اسبوعين وانتي حتي مش عايزة تقابليه
تركت الشوكة من يدها قائلة بتنهيدة عميقة اسمعني يا بابا يوسف غلطان في اللي عملو والموضوع اتقفل لحد كدا بالنسبالي ومش هنكلم فيه تاني.. لكن انا محتاجة فترة ابقي لوحدي من غير ضغط..
ثم أضافت بحزن اللي حصل دا يا بابا خلي ثقتي في نفسي تتهز لاني مالقتش مبرر لتصرفه معايا الا اني فيا حاجة غلط
شاهين بحنان الكلام دا مش مظبوط يا نسمة انتي يا بنتي الكل بيشهد بأخلاقك وتربيتي ليكي وبجمالك وذكائك ونجاحك في شغلك واذا كان الموضوع علي فترة راحة انا موافق خلاص مش هنكلم عن الجواز الفترة دي خلاص يلا كملي اكلك
نسمة بحب ربنا يخليك ليا يا احلي
عم شاهين في مصر
في جناح أدهم
جلست كارمن أمام المرايا تمشط شعرها بعقل شارد بعد أن صعدت جناحها للنوم بعد أن تناولوا العشاء جميعا.
أصبحت تشعر بقبضة في قلبها في كل مرة ترى نادين أمامها لكنها تحاول أن تبقي تلك التخيلات التي تراها في أحلامها بعيدة عن عقلها قدر الإمكان.
يكفيها أفكارا السلبية لعل هذه الأفكار هي سبب الكوابيس التي بدأت تراودها بعد سفر أدهم.
كما أنها أصبحت في الآونة الأخيرة عندما تكون وحيدة في الليل تحاول ألا تكتم داخلها شوقها إليه بل تلبس ثيابه قبل النوم وترش عطره المفضل حتى تشعر بوجوده معها ربما هذا يريح قلبها قليلا وتبعد عنها تلك الكوابيس المرعبة.
ثم أضافت بنبرة مقهورة بعد أن نظرت إلى ساعة هاتفها ماشي يا ادهم الساعة بقت 11 بليل ولحد دلوقتي ولا سألت فيا..
اردفت بسخرية هو فيه عشاء عمل لحد دلوقتي..
ثم تحدثت
مع نفسها بعناد ناظرة إلى انعكاس صورتها في المرايا طيب انا بقي مش هستناك وهروح اجيب اللي انا عاوزة من بيت عمر.. مش هفضل معطلة نفسي بسبب سيادتك وانت بقالك اسبوعين ولا سائل فيا
نهاية الفصل السابع والثلاثون
الفصل الثامن والثلاثون إفصاح وصفح مزيج العشق
داخل فندق في باريس
ادهم بهدوء ايوه يا مالك
نظر مالك إلى الساعة ليجد أن الوقت قد تأخر وقال بقلق ايه يا ادهم حصل حاجة معاك
ادهم بتنهيدة لا انا كويس.. انت عامل ايه
مالك بتساءل الحمدلله تمام.. انت مش خلصت اللي كنت رايح عشانه هترجع امتي
فرك ادهم ذقنه بتفكير وقال بصوته الرخيم لسه مش عارف.. طمني ايه اخبار الشركة
ابتسم مالك بخبث الشركة ولا اللي في الشركة
زفر ادهم وقال بضجر بطل رزالة ورد علي قد السؤال
تغيرت نبرة مالك قائلا بجدية هي كويسة وامور الشغل معاها تمام جدا بس دايما بتسألني عليك
ثم اضاف بحيرة انت ليه بتعمل معها كدا
أغلق جفنيه متعبا قائلا بهدوء خد بالك منها ولو احتاجت حاجة تنفذها فورا
ابتسم مالك بسخرية وقال بسأم بتتهرب ماشي..
ثم أردف بالحق قبل ما انسي هي هتروح بعد يومين لڤيلة عمر
فتح عينيه وابتسم پغضب متفهما حركتها العنيدة قائلا ببرود طبعا عشان ادواتها تمام.. لازم اقفل دلوقتي يلا سلام
قال مالك بقلة حيلة من تقلبات لابن عمه الدائمة سلام
رمي أدهم الهاتف بإهمال على السرير بجواره يفكر في وضعهما يحاول كبح شعوره وأن لا يتبع رغبة قلبه المشتاق إليها.
عد مرور يومين
في فيلا عمر البارون
دخلت كارمن إلى المنزل لكنها شعرت بالغرابة والحيرة كيف يمكن أن تشعر أنها غريبة في ذلك المنزل الذي كان منزلها وعاشت فيه لأكثر من عامين من حياتها.
ابتسمت كارمن بدهشة من تغيرات المصير اليوم هذا المنزل الذي تشاركته مع عمر والذي جمعها معه تحت سقفه ذكريات كثيرة أصبح شيئا من الماضي في حياتها.
... مدام كارمن
إنتبهت علي كلماتها وقالت بهدوء نعم
ابتسمت الخادمة بإحترام كنا بنسأل حضرتك نبدأ منين النقل
طردت كل تلك الأفكار التي شغلت عقلها منذ أن دخلت هنا لتقول بجدية تعالو معايا هنبدأ بالحاجات اللي فوق الاول
بعد أن مرت ساعتين
كارمن الو يا يسر
غمغمت يسر بينما تأكل الفشار ها لاقيتيه ولا لسه
كارمن
يسر بضحكة مش مهم اي حاجة غير الكتاب
تمتمت كارمن بغيظ اضحكي اضحكي دا اللي فالحة فيه.. انا مش عارفه اركز من زنك عليا
تنهدت يسر بملل وقالت بتحذير مزيف خلاص هسيبك بس انا بحذرك اوعي ترجعي من غيرو
كارمن كتبت قائمة بكل حاجة هجيبها واول حاجة كتابك.. بس ناسية هو فين هدخل دلوقتي مكتب عمر يا زنانه واشوفه
قوست يسر شفتيها وقالت بحزن متصنع كدا يا كوكي انا زنانه
قالت كارمن بضحكة لا ماتزعليش خليني اخلص واكلمك.. ماقولتلك تعالي معايا المشوار دا عملتي من بنها كنتي ساعدتيني شويه واتمرمطتي معايا
يسر ماكنتش عارفه انك هتحتاسي كدا لو فعلا محتجالي هلبس علي طول واجيلك
كارمن بعد ايه انا تقريبا خلصت.. ماتقلقيش معايا هنا بنات من القصر بيساعدوني.. بس ارحميني انتي شوية فاضل كتابك هدور عليه وبعدها هروح البيت.. يلا سلام بقي
يسر أوك باي يا كوكي
أنهت كارمن المكالمة عندما دخلت
مكتب عمر وواصلت البحث في الرفوف عن
الكتاب لكنها لم تجده.
دلكت كارمن فروة رأسها في حيرة وبعدين هيكون راح فين الكتاب المنحوس دا بس يا ربي
تحولت نظرتها إلى المكتب في منتصف الغرفة يمكن علي المكتب او جوا درج من الادراج اما اشوف
قلبت في الأشياء الموجودة على سطح المكتب ولم تجد شيئا فجلست على كرسي المكتب وبدأت في فتح الأدراج واحدة تلو الأخرى.
ثم زفرت براحة الحمدلله اخيرا لاقيتك متعب انت زي صاحبتك
ثم اردفت بضحكة بس عسل لا ټموتني..
كانت هناك عدة أوراق تحت الكتاب خاصة بالعمل ظنت أنهم ذات قيمة فبدأت تتمعن النظر فيهم ثم أعدتهم حيث كانوا لكن لفت
انتباهها ظرف كبير ملفوف ومغلق بعناية بأسفل الدرج لكنها تراه لأول مرة ايه دا كمان!
نهضت من مقعدها مذهولة ووقفت في منتصف الغرفة وهي تشعر بالدوار والتشويش
تتبادر إلى ذهنها كلمات مما قرأته للتو وأحداث مرت منذ شهور تتضارب في عقلها بشكل غير مترابط.
_ورم في الفص الأيمن من المخ في حالة متطورة
_سفر الي المستشفي الأمريكي في باريس
_عملاء مهمين في باريس يا حبيبتي لازم اقابلهم هيكون في شغل بينا وبينهم كتير وكمان مؤتمر مهم هنتكلم فيه عن الشركة
اتسعت عيناها في صدمة من تكرار ذلك الحدث تقريبا فالأولى كانت من عمر قبل ساعات من رحيله وۏفاته والآخري كانت من أدهم قبل أسبوعين.
تكلمت مع نفسها في ذهول وانحدرت الدموع بلا هوادة من عينيها من تأثير الصدمة عليها يعني عمر كان عنده ورم في المخ وفي حالة خطېرة ودا سبب سفره.. بس هو مالحقش يوصل باريس والطايرة وقعت به.. ليه ماعرفش
بكل دا من زمان ليه كنت انا اخر من يعلم كدا..
همست پخوف بينما تغطي فمها براحة يدها ادهم
استدارت وبحثت عن حقيبتها ثم لمحتها على الأريكة الصغيرة.
ركضت نحوها وأخرجت هاتفها وبدأت تعبث بقائمة الأرقام ثم ضغطت على زر الاتصال.
تنهدت بإحباط وقلق عندما لم يرد على مكالمتها ثم مسحت دموعها بباطن كفها وذهبت إلى المكتب وجمعت الأوراق في الظرف وأخذت الكتاب أيضا ووضعته في الحقيبة ثم خرجت بخطوات مترنحة
ليلا في قصر البارون
ليلى همست بلطف إلى ملك التي كانت جالسة بجانبها على الأريكة بينها وبين ليلي مين الحلوة اللي هتنام جنب تيته انهاردة
مريم بضحكة لا موكة هتنام معايا انا انهاردة
عبست ملامح ليلي وقالت بإستنكار كانت معاكي امبارح يا مريم.. احنا بينا اتفقنا كل وحدة يوم
صاحت مريم بمرح في كارمن التي دخلت لتوها من الخارج ولم تلحظ شحوب وجهها تعالي يا كارمن شوفي حماتك العنيدة مش عايزاني انيم ملك معايا انهاردة
ليلي بدهشة لا يا مريومة انتي بقيتي تنصبي عليا كتير.. احنا نعمل جدول تنظيم نومها عند كل وحدة فينا يوم.. الكلام الشفوي دا مابقاش ينفع
حاولت كارمن التركيز على ما كانوا يتحدثون عنه وواجهت صعوبة في إخراج صوتها بشكل طبيعي قائلة بهدوء الافضل للبنت تتعود تنام لوحدها يا جم١عة.. عشان لما تكبر ماتبقاش مدلعة وتخاف تنام لوحدها
نظرت مريم إلى ليلي التي أومأت لها بالموافقة وقالت مريم دعما لرأي إبنتها البت طلعت اعقل مننا وعندها حق مع اني مابقدرش استغني عن نومها عندي لكن هو دا الصح
كارمن بإبتسامة رقيقة ماتزعلوش امشو علي الجدول فترة بسيطة وبعدين نخليها تنام من وقت لتاني لوحدها بالأوضة اللي عاملها ادهم ليها في الجناح بتاعه.. غلط انها تتعود علي كدا علي المدي الطويل
ليلي بإبتسامة تمام يا حبيبتي.. جبتي كل اللي انتي عايزة من الفيلا
أومأت كارمن وقالت ايوه يا ماما ليلي
قالت مريم بينما تهم بالنهوض طيب يلا انا هقوم اقولهم يجهزو العشاء ونتعشي كلنا
هتفت كارمن برفض لا يا ماما انا تعبانه جدا من المجهود اللي عملته طول اليوم هطلع انام علي طول تصبحو علي خير
بعد قليل في جناح ادهم
لا تريد أن تتخيل قط فكرة عدم عودته إليها أو عدم وجوده في حياتها.
ليس بعد أن فهمت مشاعرها وأطلقت العنان لقلبها وتبعته ليقودها لمن يمتلكه.
كما أنه طلب منها الزواج منها بعد أشهر قليلة من معرفته بها لكنها لم تشعر معه بنفس المشاعر التي تغزو قلبها الآن والتي تشتت كيانها وتجعلها ترتجف خوفا من فقدانها.
حتى لو كانت تحبه حقا فهي الآن تعشق أدهم.
بعد مرور بضعة ساعات قليلة
دخل أدهم غرفة النوم بهدوء في وقت
متأخر من الليل فطائرته قد وصلت لتوها إلى مصر وبعدها توجه مباشرة إلى القصر دون أن يخبر أحدا حتى والدته لا تعلم متى سيصل.
شعرت كارمن بحركة جانبها ففتحت عينيها ببطء واستغرقت بضع ثوان بينما ترمش عينها لتتضح الرؤية في ذلك الضوء الخاڤت الذي يسود الغرفة حتى أدركت أنه كان يجلس بجوارها ويحدق بها.
صاحت كارمن باسمه في لهفة وهي تقفز من مكانها أدهم
ادهم يحاول تهدئتها لإعتقاده انه أثار ذعرها ماتتخضيش ايوه ان..
لم يستطع إكمال جملته حيث
صدم أدهم من رد فعلها لرؤيته والأكثر من عناقها له.
اجاب ادهم بهدوء كنت في الطيارة..
اردف بهمس خاېفه عليا من ايه
لم يرد أدهم إحراجها أكثر فغير الموضوع صحيتك من النوم
حدق ادهم فيها وعينيه تلتمع بنظرة غريبة وقال بتساءل مع انك طول اليوم كنتي في بيت عمر بتنقلي ادواتك من هناك
تفاجأت كارمن بأنه علي علم بالأمر لتسأل بدهشة انت عرفت منين
أجاب أدهم بينما ينزع سترته ويضعها علي طرف السرير بإهمال مالك هو اللي قالي من يومين
أومأت كارمن برأسها بصمت.
نهضت من السرير وذهبت إلى الخزانة في زاوية الغرفة ثم فتحت أحد الأبواب وأخرجت مظروفا كبيرا وعادت للوقوف أمامه محاولة ترتيب كلماتها انا لاقيت الظرف دا وانا باخد حاجتي من بيت عمر انهاردة
تفاجأت كارمن من هدوئه وأنه لم ينظر حتى إلى ما بداخل الأوراق متسائلة بارتياب مش هتفتحو وتقرأ اللي جواه
ادهم بجمود انا عارف الموجود فيه
حدقت فيه كارمن ثم هتفت پصدمة يعني ايه عارف.. كنت عارف ان عمر عنده ورم في المخ وانه دا سبب سفره من الاول
قام أدهم من الفراش وقد توترت أعصابه بهذا الحدث الذي لم يكن مستعدا للكشف عنه الآن.
زفر أدهم من عنادها ثم بدأ يتحدث بهدوء قدر استطاعته كارمن.. عمر في الفترة الاخيرة كان دايما حاسس بإرهاق وصداع مستمر واكيد انتي كنتي عارفه
ردت كارمن بعد أن ابتلعت ريقها بقلق ايوه ولما سألته وقتها قال انه راح لدكتور وقاله ان دا بسبب الارهاق ومحتاج انه يهتم بصحته مش اكتر
قال ادهم دون أن ينظر إليها انا اللي خليته يقولك كدا
أردف بحزم ورفع يده أمامها عندما حاولت الكلام ماتقطعنيش.. هو ماكنش عايز يعرفك حاجة ولا انتي ولا امي.. حالته كانت سيئة
ولازم عمليه الدكتور اقترح انه يعملو العمليه في مستشفي بباريس وهو فعلا حضر نفسه عشان يسافر وانا كنت هاحصلو بعدها بيومين عشان محدش منكم يحس بحاجة غريبة
أضاف بحزن وألم علي أخيه بعدها حصلت علي طول قبل مايلحق يوصل
همست كارمن پصدمة يعني انت كنت عارف بالوصية مش كدا
هتف ادهم بصدق ماعرفتش بوجود وصية اصلا غير لما جالي المحامي للشركة وبلغني.. ولا كنت اعرف باللي جواها الا لما اتفتحت قدامنا كلنا
كانت كارمن صامتة مطرقة رأسها لا تدري ماذا تقول لأنها لم تفكر للحظة أن أدهم لديه خبر عن كل هذا واتضح أنها هي التي لم تكن تعلم شيئا عما يجري من حولها.
استمعت كارمن إلى صوته الرخيم مستطردا حديثه
ماكنش ينفع اقول بعد مۏته بأن سفره كان للعلاج يا كارمن حطي نفسك مكاني واحكمي انتي وقتها كانت حالتك صعبه وامي كانت مڼهارة من حزنها علي ابنها كنت هبقي بزود الۏجع عليكم
رفعت عينيها إليه وهتفت پقهر بينما تعتصر قبضة قاسېة قلبها وانت بقي ضحيت بنفسك واتجوزت مرات اخوك عشان تربي بنته وتنفذ وصيته
احتدت نظراته قائلا پغضب انتي اټجننتي من الصدمة باين عليكي.. عماله تخرفي بتقولي ايه
للحظة خاڤت كارمن من غضبه لكنها أكملت بتمرد تفسر بإيه تجاهلك ليا من يوم ما رجعنا من الصعيد وسفرك السريع وبرودك طول الاسبوعين اللي فاتو معايا من غير أي سبب واضح
صمت ادهم قليلا وهو محدقا بها وقال بجمود عايزة تعرفي السبب
تفوهت كارمن بإصرار ايوه عايزة اعرف
صر أدهم على اسنانه پغضب دفين حتى أنه اوشك على تحطيمهم ليقول من بينهم سمعت تحديدا الجملة دي يا كارمن
تصلب وجه كارمن التي ابتسمت بسخرية وقالت طبيعي انك سمعت الجملة دي وبعدها اكيد مشيت لانك لو سمعت الجملة اللي بعدها او حتي الكلام من اوله ماكنتش هتعاملني بالطريقة دي.. بس ازاي وانت عايز بأي شكل تخليني غلطانه
رفع ادهم حاجبيه قائلا بإبتسامة جانبية انتي شايفه كدا فعلا
هتفت كارمن بإنفعال انا شايفة انك لو كنت سألتني عن اللي سمعته يا ادهم او حتي كنت اديتني فرصة ومارجعتناش هنا بالسرعه دي من الصعيد او حتي فضلت هنا يوم كمان كنت هقولك لوحدي علي نفس الكلام اللي حكيته لروان لكن انت هربت وسيبتني
ادهم بتعجب كلام ايه دا!!
قالت كارمن بتفسير قبل ما كل دا يحصل بليلة واحدة شوفت كابوس خوفني وخلي اعصابي تعبانه اكتر من الاول
ثم بدأت تخبره بكل شيء رأته في حلمها
واضافت دا اللي كنت بحكيه لروان اللي فسرت الحلم علي انه مجرد توتر عصبي بسبب الضغوط اللي كنت بمر بها
ثم همست بنبرة تأنيب ممزوجة بقسۏة بس انت متسرع جدا يا ادهم واناني اوي مافكرتش غير في نفسك ومافكرتش انا حاسه بإيه او حتي عذرتني لو شايفني غلطانه
استدارت لتغادر المكان وقد اختنقت بشدة لدرجة أنها لم ترغب في البقاء أمامه لفترة أطول.
وجدت يده تلتف حول معصمها مما منعها من الابتعاد فحدقت به پغضب لتجد نظراته عليها تبرز شرزا هاتفا فيها پغضب وقد بدأت اعصابه تخرج عن سيطرته رايحة فين.. مش انتي عايزة تعرفي كل حاجة من البداية.. اقفي هنا واسمعيني كويس.. الحقيقة هي اني بحبك من قبل ماتتجوزي اخويا
اردف أدهم بنبرة حادة بينما يري عينيها تتسمر عليه پصدمة كأن دلوا من الماء البارد قد سكب اعلى رأسها لتفر الډماء من وجهها بس لو اناني ومش بفكر غير في نفسي زي ماقولتي.. كنت اتجوزتك بدالو ولو ڠصب عنك.. بس انا مش حقېر عشان اجبرك علي حاجة ولا افرض نفسي عليكي لو بعبدك.. ولا اقدر احطم قلب اخويا اللي مربيه ولا اكسر فرحته بإيدي واخدك منه.. وهروبي زي مابتسميه عشان كنت خاېف ومتعذب.. لو كنت قادر استحمل كتمان حبك جوا قلبي زمان واعيش عادي
همست كارمن بتحشرج من الدموع
الكثيرة التي تذرفها نتيجة كلماته التي أكدت مدى عشقه لها لسنوات وهي لا تعلم عنه شيئا المفروض بعد ماقرأت التقارير دي افكر في عمر وفي حياتي معه واحن ليه.. مش هو دا الصح.. بس انا لما شوفتهم مقدرتش افكر غير فيك انت.. كنت ھموت اصلا من الړعب وانت بعيد عني.. من يوم سفرك وانا خاېفة بس حاولت اصبر نفسي واطمنها أنك بتكلمني حتي لو من تحت درسك.. لكن لما عرفت الحقيقة اللي كانت مستخبية عني اڼهارت ومخي وقف
سألت
بعد أن لم تتلقي منه سوى الصمت برده لسه مش عارف اذا كنت بحبك ولالا
تركته كارمن لتذهب وتشعل إضاءة الغرفة القوية وركضت إلى
المرايا لإحضار شيء منها ثم عادت إليه وهي تقول بحنق وأعطته في يده زجاجة العطر الخاص به مش دي بتاعتك انت كنت سايبها كدا.. قبل ما
انام كنت بملئ بها الاوضة وأرشها هدومي
ثم نظرت إلى ما كانت ترتديه وقالت بتهدج تفتكر ليه لابسه ترينجك وبنام به كل ليلة لمدة اسبوعين..
كل اللي بعملو دا عشان ارتاح لو شوية من الكوابيس والافكار الۏحشة المسيطرة علي عقلي وانا لوحدي وانت ولا داري اساسا بيا
أكملت حديثها بدموع ونبرة صادقة تسللت إلى أعماق قلبه دون أدني مقاومة منه انا بحبك اوي يا ادهم لما بكون قدامك قلبي بيرتبك وينتفض من مكانه ولما بشوف ابتسامتك بطمن
حدقت فيه بعيون تلتمع بحزن وأضافت بصوت هامس كما لو كانت تتحدث مع نفسها انت بقيت جزء رئيسي في حياتي.. اقتحمتها فجأة بدون ارادتي وعلي المهل قربتني ليك.. بقيت قدامي طول الوقت احتليت عقلي وحصرتني لحد قلبي ما اتعود علي وجودك ولما بعدت مابطلش يوجعني ويسألني عنك انا مابقتش حتي عارفه امتي حبيتك
تلألأت الدموع في عينيه بتأثير شديد لاعترافها الذي أعاد قلبه إلى الحياة واصبح ينبض بقوة من جديد.
ثم عادت إلى همسها قائلة لما أنا قولتلك قبل كدا اني بحبك كنت بكلم بجد من قلبي.. ممكن اكون كنت متوترة شوية من الاحداث اللي بتتغير حواليا بسرعة.. بس انا فعلا بحبك لكن كنت مكسوفه زي اي وحدة في بداية جوازها ايه الغلط في كدا
أسدلت كارمن عيناها واستمرت في التكلم بدموع أكثر وأصبح صوتها مبحوحا جدا يمكن كانت المشكلة في الاول اني كنت خاېفة امشي ورا قلبي واحبك بعدها اخسرك ماكنتش هستحمل انك تروح مني
كارمن بهمس أستغفر الله العظيم..
أكمل ادهم حديثه پألم اعذريني يا كارمن يمكن كنت خاېف لان جوازنا كان بسبب الوصية في الاساس خۏفت تطلبي نسيب بعض بعد ما قابلتي عيلتك.. مش عشان الفلوس انا عارف ان ملك هي سبب قبولك للوصية لكن خۏفت تبعدي عني وتعيشي معاهم
أسترسلت كارمن حديثها الذي ينبع من أعماق قلبها بقيت حبيبي واماني وحياتي كلها ومش عايزة حاجة من الدنيا غير انك تكون جنبي..
ثم همست بتساءل حزين هو دا صعب للدرجة دي يعني
هتف ادهم بضيق اللهم طولك ياروح.. كارمن بلاش تبقي قاسېة كدا
قالت كارمن بنظرة خاطفة اتعلمتها منك وهو دا العقاپ اللي تستاهلو علي كل اللي عملته فيا
تومضت عيناه بحزن من
بعدها تحرك أدهم إلى الخارج بحنق بينما ظهرت ابتسامة خبيثة على شفتي كارمن ثم سرعان ما اختفت.
شعرت بالندم فالجو بارد بالخارج ثم توجهت إلى غرفة الملابس لإحضار شيء ما.
بعد قليل
خرجت من الغرفة وعيناها تدوران في المكان ثم رأته مستلقى بملابسه على الأريكة وعيناه مغمضتان وظهرت علامات عبوس جعدت ملامحه الوسيمة.
تساءلت كارمن برقة ادهم انت نمت
لك قائلة بهدوء جيبالنا احنا الاتنين
ادهم بعدم فهم قصدك ايه
صعدت بقدميها على الأريكة ثم استلقت بجانبه وهي تمد ساقيها مثله.
برقت الدموع في عينيها وهي تقول بنبرة متحشرجة بعض الشيء وفي نفس الوقت.. مصممة اخليك تنفذ العقاپ اللي قولت عليه جواه بس مع تغيير بسيط.. اني هعاقب نفسي معاك وننام هنا
حدق فيها بنظرة ثاقبة يهمس باسمها ثم قال عارف ان من حقك بعد اللي حصل تنقهري وتزعلي مني..
قائلة بإصرار رقيق انت اتكلمت كتير دا دوري انا.. احنا حياتنا سوا في البداية اتفرضت علينا.. بس اننا نستمر سوا اختيار.. لما بعدت عني لاقيت نفسي بتلقائية بختارك وعايزاك معايا رغم اي حاجة.. وبعد كل اللي قولنا من شوية انا بعيدهلك تاني وبقولك انا اخترت اكمل معاك بإرادتي عشان بحبك
كانت عيناه تتألقان بتأمل عاشق فيها ثم همس بصوته الرخيم شعورك من ناحيتي دلوقتي هو اكتر حاجة حلوة حصلتلي في حياتي.. كفاية عندي كلامك اللي خارج من جوا قلبك وروحك ونظراتك اللي كلها حب بالدنيا كلها
ثم اردف تدابير ربنا جمعتنا ويمكن الفرصة دي هي بداية لحياة سعيدة نعيشها مع بعض
دارت عيناه تتأمل ملامحها وابتسامة جذابة شقت وقال بحبك من اول مرة بصيت في عيونك من سنين طويلة.. بقيتي حته من روحي وقلبي كله ملكك انتي.. عمرك ماخرجتي من تفكيري حتي وانا في عز ازماتي
شعور جميل يسكن روحها حيث رأت عينيه تتألقان بنظرة غريبة مزيج من العشق والدفء والحنان والعاطفة التي جعلت قلبها يرقص بسعادة كبيرة.
أغمضت كارمن عيناها وقالت پألم كنت فعلا محتجالك اوي يا ادهم.. مش هقدر تاني اكون لوحدي من غيرك
مسح بظهر كفه على بشړة خدها الناعم بينما هي تستمع إلى همسه الرقيق بقلب يرتجف مع العشق حتى في أحلامها لم تتخيل أنها ستشعر بهذا الأمان اوعدك مش هسيبك تاني.. وعايزك تعرفي انك عمرك ماكنتي لوحدك يا كارمن انا دايما معاكي حتي لو من بعيد
همست وهي تجعد حاجبيها بعبوس لطيف لا مافيش بعد تاني
لمعت عيناه خبثا وقال ايه دا هو انتي بتحبيني اوي كدا
ابتسم علي منظرها اللطيف ثم سرعان ما اختفت ابتسامته وكأنه يتذكر شيئا فقال بجدية كارمن امي عرفت بحاجة عن التقارير اللي لاقيتيها
إحتارت من تقلباته المفاجئة لكنها هزت
رأسها برفض قائلة بهدوء لا انا ماتكلمتش مع حد غيرك
نهضت كارمن أيضا معه قائلة بعدم فهم حاجة ايه
أمسك أدهم بيدها برفق وقال الورق دا لازم نتخلص منه عشان اتأكد انه مش هيقع في ايد ماما
أومأت إليه بتأكيد معاك حق
ذهب كلاهما إلى غرفة النوم ثم أمسك أدهم بالأوراق وسار إلى الطاولة المجاورة للسرير وفتح أحد الأدراج وتلاعب بمحتوياته قليلا تحت عيون كارمن المتفاجئة بما يفعله.
نظر إليها أدهم مشيرا إليها لتتبعه فسارت
كارمن ورائه ثم دخلت خلفه إلى الحمام ثم ضغط على الولاعة وهو يرفع الأوراق بيده الأخرى لإشعال اللهب في طرفها بعد ثوان بدأت الڼار تلتهم الورق أمام أعينهم ثم تركها من يده تحترق داخل الحوض علي المهل.
الټفت إلى كارمن قائلا بجدية وحزم حزين السر دا محدش غيرنا هيعرف به يا كارمن.. ابن عمي نفسه مش عارف حاجة خالص ولا اي حد مهما كان لازم يعرفو تمام
نهاية الفصل الثامن والثلاثون
الفصل التاسع والثلاثون حبها الثمين
صباحا في منزل مالك البارون
وقف مالك أمام التسريحة ناظرا في المرآة وهو يمشط شعره بينما يدندن أغنية بروقان بصوته العذب يا جميل يا اللي هنا ما بقينا لوحدنا يا جميل يا جميل
تسللت يسر إلى الحجرة بخفة ووقفت وراءه وهي تضع كلتا يديها علي خصرها قائلة في ڠضب مصطنع بتغني لمين وانت غزالتك رايقة كدا يا سي مالك
ضحك مالك بمرح وهو ينظر إليها من خلال المرآة وقال بغمزة هو انا عندي غيرك انت يا جميل في حياتي
علق مالك نظراته في السقف وقال بارتياب طالما فيها ميكي وعلي الصبح كدا.. يبقي وراها حاجة استرها من عندك يارب
وكزته يسر برفق في كتفه وقالت بعتاب بينما تقوس شفتيها للأسفل اخس عليك يا مالك
تنحنحت يسر قائلة بصوت منخفض أحم كنت عايزاك تجيبلي حاجة معاك وانت راجع من الشغل
الټفت مالك إليها بسرعة وعيناه جحظت پصدمة وهتف بدون وعي وإستنكار نعم يا اختي عيدي تاني كدا
تشدق صدغ مالك بسخرية ثم سألها بصوت لاذع من امتي وانتي بتاكلي الحاجات دي يا هانم
رفعت يسر كتفها وقالت دون أن تهتم باستهزائه بها نفسي راحتلها.. مفيهاش حاجة لو جربتها.. ريحتها مش بتفارق مناخيري من كام يوم
ابتسم مالك بإيماءة صغيرة وقال بشك مليء بالفرح الله الله انتي بتتوحمي يا سوسو
فتحت فاهها پصدمة وتفوهت ببلاهة ها.. بلاش سخافة يا مالك.. وحم ايه دلوقتي
أسدلت يسر عينيها للأسفل وظلت تحسب الأمر في ذهنها لبعض الوقت تتخبط أفكارها دون أن تصل إلى أي شيء ثم نظرت إليه وقالت بحيرة تصدق مش عارفه بس حاليا ضروري تجيبهالي وانت جاي
قال مالك بسرعة وهو يمشي بها إلى خزانة الملابس ماشي هجيبلك اللي انتي عايزاه بس تعالي البسي عشان نروح للدكتور
برزت عيناه وقال بلهفة وهو يربط الأشياء معا في ذهنه اهو الكتاب دا اكبر دليل ان كلامي مظبوط.. انتي بقالك فترة زنانه ومتغيرة عماله تزني علي البت تجيبهولك بقالك اسبوعين ومش طايقه نفسك ولا طايقاني
أشارت يسر إلى نفسها بغباء وقالت معقولة انا بقيت كدا بجد
تنهد مالك بسأم من اعتراضاتها الكثيرة وقال بسرعة مش وقته الكلام دا يلا البسي خلينا ننزل بسرعة يا حبيبتي
قلب هذا الكلام في رأسه ثم أومأ إليها بالموافقة وقال بتحذير خلاص موافق بس بشرط تاخدي بالك من نفسك وماتنزليش.. اتصلي حالا بكارمن خليها تجيب الكتاب علي الشركة وانا هعدي اخده منها
قبلته يسر على خده بلطف وقالت بإبتسامة متسعة مظهرة أسنانها البيضاء حبيب قلبي انت حاضر
في قصر البارون
داخل جناح ادهم
رن الهاتف الخلوي فوق السرير بينما كارمن كانت تقف أمام المرآة وهي تعدل مكياجها ليقطع رنين الهاتف إندماجها فذهبت إليه لالتقاطه وتنهدت بقلة حيلة عندما وجدت اسم يسر مضاء على الشاشة.
ألقت نظرة خاطفة على الحمام الذي ډخله أدهم للتو ثم أجابت بهدوء الو
هتفت يسر بمرح بينما تقف وراء النافذة تنظر إلى زوجها وهو يسير نحو سيارته وفي يده ياسين صباح القشطة يا قلبي
ابتسمت كارمن وقالت
بنبرة رقيقة صباح الورد يا ياسو عاملة ايه
يسر بتنهيدة عميقة فل الحمدلله وانتي طمنيني عليكي
جلست كارمن أمام الطاولة تمشط شعرها ناظرة إلى المرأة وقالت بلطف يارب دايما انا تمام والله
همهمت يسر بتساءل فينك كدا
كارمن بعدم إكتراث ابدا لبست ونزلين علي الشركة
عقدت يسر حاجبيها قائلة بإستفهام نزلين انتي ومين
لوت كارمن شفتيها وأجابت بسخرية انا وادهم يا تايهة
توجهت يسر نحو المطبخ لإعداد كوب قهوة بينما تسألها بعدم إستيعاب هو رجع امتي مش المفروض مسافر
قامت كارمن من مكانها تتحرك في أرجاء الغرفة وقالت لا رجع امبارح بليل
تمتمت يسر بإستغراب غريبة مالك ماقلش انه جه يعني
كارمن بتنهيدة من كثرة اسئلتها عشان مالك مايعرفش.. محدش
عارف اصلا
ثم أضافت بإبتسامة خبيثة بقولك ايه ماتقوليش حاجة وخليه يتفاجئ به قدامه في الشركة
ضحكت يسر أيضا بطريقة شريرة وأعجبت بتلك الفكرة
حيث ستستطيع الاڼتقام منه لاستهزائه بها منذ قليل ماشي يا سوسة مش هقول حاجة بس لو عرفتي تصوري الحدث دا ابقي ابعتيهولي
ثم أردفت بسرعة بس اسمعي صحيح مالك هيعدي عليكي عشان ياخد منك الكتاب خديه معاكي اوعي ماتنسيش
قلبت كارمن عينها للجهة الأخري قائلة بملل واضح يادي الكتاب يا ست الزنانه ماشي عايزة حاجة تانية لازم اقفل متأخرة ارحميني من رغيك شوية
قهقهت يسر بصخب وبدأت تصدق حديث مالك عن أسلوبها مؤخرا لا يا حضرت المهمه هانم روحي والقلب دعيلك وابقي كلميني بليل
قالت كارمن
بضحكة عالية اوك يلا باي
يسر بإبتسامة مشرقة مع السلامة
بعد قليل في الأسفل
دخل أدهم وكارمن غرفة الطعام حيث كان الجميع جالسين في أماكنهم بهدوء.
كانت أول من رأتهم هي ملك التي كانت تطعم كلبها الصغير بلطف لذا ركضت إلى أدهم قائلة بنبرة طفولية سعيدة بابا
حملها أدهم من الأرض وهو ينظر إلى الجميع وقال معتذرا سامحوني يا جم١عة بس السكر دي وحشاني جدا
همهمت ملك بكلمات غير مرتبة وهي فتحت يديها على مصراعيها وقبلته على خده بلطف لكن ملامحها عبست فجأة.
تساءل ادهم بعدم إدراك هي مالها كشرت كدا ليه!!
ضحك ادهم وهو يومئ بتفاهم قائلا بحنو معلش يا روحي عشانك انتي بس يا ام عيون تجنن هخفها
واصل حديثه بصوت منخفض بالقرب من أذن كارمن وعشان عيون امك كمان
ابتسمت كارمن بخجل ثم أومأت برأسها وهي تبتعد عنه متجهة نحو طاولة الطعام.
أنزل أدهم الصغيرة إلى الأرض لتجري خلف كلبها الصغير وقد نست ما حدث منذ دقيقة ثم هتف ادهم بمرح يا صباح الفل علي الحلوين
قالت ليلي بفرح لرؤيته أمامها وهو يبدو سعيدا صباح الورد يا حبيبي حمدلله علي سلامتك
بينما ابتسمت مريم بإتساع وهي تصافحه بمحبة نورت بيتك يا بني وحشتنا والله
جلست كارمن أمام كرسي والدتها من الجانب الآخر للطاولة قائلة بابتسامة رقيقة مشرقة وعيناها تشعان بالسرور صباحك هنا يا مامتي
قالت مريم بحبور صباح الورد يا نن عين امك
دخلت نادين الغرفة برشاقة في ذلك الوقت لكنها توقفت فجأة عندما رأته أمام عيناها يصافح والدته.
اشتعلت عينا كارمن بلهيب أزرق ناريا كاد أن ېحرق نادين في ظهرها.
نظر إلى كارمن التي كانت جالسة تشاهد هذا العرض المسرحي الساخر أمامها دون أي رد فعل يظهر علي ملامحها المقتضبة.
جلس أدهم بهدوء بجانبها دون ان ينبس ببنت شفة.
تساءلت ليلي في محاولة لفت انتباه كارمن عندما رأت نظراتها الڼارية إلى نادين انت رجعت امتي يا ادهم محدش من الخدم شافك والا كانو بلغوني علي طول
بدأ أدهم بشرب قهوته بعد أن سكبتها كارمن في فنجانه ثم قال بعدم إكتراث جيت بليل يا امي ومحبتش ازعج حد طلعت علي جناحي فورا
نطقت ليلى بصوت خفيض ماكر وألقت نظرة سريعة على مريم التي فهمت عليها سريعا قول كدا بقي انك ما صدقت وصلت وروحت طيران علي الناس اللي وحشوك
غصت كارمن أثناء شرب العصير من تلميحات والدته الجريئة لكنها سرعان ما ابتسمت بمكر أنثوي لأن الكرة أتت إليها ولابد من أن تسجل هدفا ذهبيا الآن.
قالت ليلي بابتسامة متلاعبة وقد أحببت ما فعلته كارمن ربنا يسعدكم يا حبيبتي
بينما كانت نادين تجلس بابتسامة سطحية على شفتيها تختبئ وراءها قدرا هائلا من الكراهية والحقد لكارمن التي انتصرت عليها للمرة المائة وبدلا من مكايدتها كانت هي التي أغضبتها كثيرا.
بعد بضع دقائق أمام قصر البارون
أنهت كلماتها ثم عبثت قليلا في حقيبة يدها وأخرجت منها شيئا تحت عيون أدهم الذي يناظرها بحيرة
بدأ أدهم بفك الرابط من علي الصندوق ثم أزال المغلف ورماه إلى جانبه بإهمال لتتسع عينيه بدهشة حيث رأى مجموعة مصاحف قرآنية داخل الصندوق ثم استمع إلى صوت كارمن اللطيف قائلة كنت بفكر طول فترة سفرك في هدية اقدمهالك لما ترجعلي بالسلامة
ثم ألتقطت احدي المصاحف من الصندوق ووضعته امام زجاج السيارة من الداخل قائلة بمحبة مافيش افضل من كلمات الله عشان
في نظره كانت هذه بالفعل أعظم هدية نالها في حياته لأنها كانت كلمات الله الحافظ كما أنه شعر بمقدار المشاعر العميقة التي تكنها كارمن في قلبها له لقد كانت هدية معبرة جدا وتأثر بها بقوة.
قال أدهم بابتسامة وعيناه تشعان لها بالحب والتقدير ربنا يخليكي ويحفظك انتي ليا يا قلبي وكفاية
